دفتر من قصص الامارات ...

[center]قصة " أحبها"
من تأليف : أحبــ ^_^ ــكم
.
.
مهره : بنت جامعيه سنه اولى ماشالله عليها جمال وذوق ولا كل البنات
شوق : اخت مهرة اصغر عنها بسنه وحده
نوف : اختهم العوده وهي اكبر من مهرة بسنتين
عبدالله : اخو مهرة العود وهو يدرس في الكلية ... وباقيله سنتين
سعيد + شهد + لولوه + ضحى... عيال عم مهرة
واكبرهم لولوه واصغرهم شهد
========
نشت مهره على صوت امها اللي كانت تواعيها من النوم..
الام:مهااااري يالله قومي بسرعة تاخرتي عالجامعة يالله قومي الدريول ينطرج
مهره : انزين انزين امايه
نشت مهره من النوم راحت غسلت ويهها وبدلت ثيابها وفطرت وتجهزت وراحت ويا الدريول عسب يوصلها الجامعه وهي متاخره
وصلت مهرة الجامعة متاخره وفاتتها المحاضرة بسبة السهر على التلفزيون
مياثي : مهاااري وينج ليش ما حظرتي المحاضرة الكل سال عنج
مهرة : والله تاخرت وغلبني النوووم
مياثي : اكيد امس سهرانه
مهرة : هيه بس شو كان الفيلم عجيييييب الصراحه
مياثي : هي خلي الفيلم الحين ينفعج مافي شي بينفعج قد دراستج
مهره : يعني شوووه احرم نفسي
مياثي : لا بس مب طول النهار تشوفين التلفزيون ولا ناسيه الانسه انج تدرسين بالجامعه
مهرة : خلينا الحينه من هالسالفه الا وين البنات ما اشوفهن (مريامي + فطامي + عويش + رويض + سويرة)
مياثي : والله ما ادري يمكن في الكوفي شوب قومي نروح ندورهن
مهرة : يالله قمنا..
وفي هذيج اللحظه يشوف عبدالله اخو مهرة ربعه بالكلية ويروح لهم
عبدالله : السلاااااا عليكم
صقر+ راشد +حمد +زايد : +حميد : وعليكم السلام
عبدالله : اشحالكم يالربع ؟
كلهم : بخير وسهاله ..اشحالك انته
عبدالله :بخير يسركم الحال
صقر : وينك انت ما صرنا نشوفك الا في المناسبات مختفي هالايام يالقاطع
عبدالله : والله مشغول
راشد مشغوول بشووه هذا كله ... عاد اللي يسمع يقول انك متزوج وعندك عيال وشال هم الدنيا عيل لا تزوجت اكيد ما بنشوف ويهك خير شر
عبدالله : لا والله بس تعرفون الظروف ..
يالله عاذرينك هالمرة ...
عبدالله : السموحه منكم بس غصبا عني ..
راشد : مسمووووح
عبدالله : شو اخبار الكليه وياكم؟
حميد : الحمدلله ماشي الحال
حمد : الا شو رايك عبود تيي ويانا اليوم العين مول العصر بنستانس بنصيد لنا جم مصيده
عبدالله : هههههه انت بعدك على هالسوالف ما تبت
زايد : وين يتوب ياخي هاذيل بنات الديره كلها الظاهر ناوي يتعرف عليهن
كلهم يضحكووووووون ...
حمد : الظاهر ناوي اسويها
عبدالله : الله يعييهن عليك صدق انك خبل
حمد: اي خبل اسكت الله يخليك انا فواتيري ما ادفعها هن اللي يدفعولي اياهن
عبدالله وزايد : ههههههههههههه صدق ؟
حمد : هي والله ولا الهدايا ..ههههه اللي تباه ييبولك
زايد : زين زين الله يخليهن لك ...
حمد : انزين شو قلت عبدالله بتيي ويانا
عبدالله : ما ادري
حميد وراشد تكفا تعال يا ريال
عبدالله : عيل تدرون شلون يالله اعتمدوا بروح وياكم بس متى قلتوا؟
زايد: اليوم العصر .....
عبدالله : خلاص عيل انشاءالله بيي
وتموا الشباب يسولفوووون ..وخذتهم السوالف ...
وبعد ما خصلت مهرة الجامعه ردت البيت تعبانه راحت غرفتها ودخلت ثيابها
نزلت تسلم على امها وابوها .... وتموا ينشدونها عن الدراسه
وكان هاليوم يوم الاربعاء يعني اخر يوم وكانت مهره فرحانه لانها بترتاح هاليومين من الجامعه وبلاويها...
وبعدين ساروا يتغدون ...
ابوعبدالله : عيل وين نوف وشووق ؟
عبدالله : شوق راقده تعبانه يايه من المدرسه ..
مهره : ونوف تغدت ورقدت من التعب
ام عبدالله: حليلهن بناتي ياين تعبانات
مهره: هي والله
ام عبدالله: عيل شو رايك يابو عبدالله تودينا باجر رحلة عشان نغير جو ونرتاح ونتفسح
بو عبدالله : والله فكره حلوة وخصوصا انا نحن من زمان ما سرنا رحلات.. خلاص عيل باجر انشالله لي تغدينا بنتجهز وبنسير بوظبي وبنحجر فندق هناك.... بنبات فيه يوم الخميس واليمعه .. وبنعزم عمكم وعياله (( لولوه + شهد + ضحى + سعيد )) هاه شو قلتوا؟
ام عبدالله : والله زين اذا جذي الكل بيستانس
مهرة : الله اكيد بنستانس وايد
عبدالله : انا باجر يمكن ما ايي وياكم
بو عبدالله وام عبدالله : ليش يا ولدي ؟
عبدالله : والله يا يبه ويا امايه انا مواعد الربع تعرفون اني وايد تركتهم بسبب الظروف وما طلعت وياهم وهم زعلانين مني
بو عبدالله : خير انشالله يا ولدي خلاص عيل برايك تم انت هني ونحن كلنا بنسير
وبعد ما كملوا الغدا يلسوا في الميلس تموا يتسولفون لين ما نش عنهن عبدالله عسب يروح ويا ربعه العين مول وعقبها نشن شوق ونوف
خوات مهره وخبروهم عن الرحلة عسب يتجهزون وفي اليوم الثاني ...قامت مهره من الرقاد وهي تعبانه .. وهي حاسه بتعب وارهاق مش عارفة مصدره ... بس حست انها ما تقدر تروح وياهم .. ودخلت عليها امها ..
الام : ها مهاري تجهزتي ؟
مهرة : لا امايه فديتج انا ما بسير وياكم ؟
الام : ليش يا بنيتي ؟
مهره : امايه حاسه بتعب فجاه ياني ما اقدر اسير وياكم
الام : انزين قومي اوديج المستشفى
مهرة : لا امايه فديتج انا ما فيني الا العافية بس شويه تعب يعني ارهاق مع شوية رقاد وبيروح
الام : يعني مب يايه ويانا؟
مهره : لا خلاص سيروا انتوا
الام : عيل برايج مهاري انا بسير الحينه وبخلي البشكاره وياج ان احتجتي اي شي ترا اخوج موجود
مهرة : مشكورة امايه ما قصرتي ...
الام : انتبهي على نفسج
مهره : انشاءالله
العايلة كلها سارت وما بقى غير مهرة والبشكاره في البيت وعبدالله ما كان يدري ان مهرة في البيت لان امه ما حصلته في البيت عسب تقوله ... المهم الام راحت وياهم وييه عبدالله هو وربيعه زايد والباقي روحوا عنهم ما بقى الا زايد وياه
عبدالله : بروح اسوي لك عصير وبرد
زايد : لا ما يحتاج
عبدالله : لا بسير اسوي وبيي
زايد : مشكور
عبدالله سار المطبخ ... ومهره سمعت صوت عبدالله تحسبه يرمس في التلفون ، سارت الميلس وهي ولا تدري ان زايد ربيع عبدالله موجود ودخلت عليه وشافته وشافها هي انصدمت وهو انصدم ... ما عرفت شوووه تسوي تمت تطالعه ولا حست بعمرها الا وهي ماسكه راسها بدون غشوة ولا شيله صكت الباب وقامت تركض مب عارفة شو تسوي طلعت فوق في حجرتها وتمت تصيح وهي تقول ...يا ربييييييه احينه شو اسوي هذا اكيد ربيع عبدالله هذا شو يايببينه حينه ولا يقولي شو اسوي جافني بدون شيلة ولا غشوة هاللي كان قاصر بعد احينه لو يدري بي عبدالله جان دفني مكاني.. زايد انصدم لما جافها وعرف على طول انها اخت عبدالله من ملامحها تشبهه وايد وعرف انها ما كانت تدري ودخلت وهي مب عارفة انه موجود بس تم يفكر فيها يا ربي شو هالقمر عيون ولا عيون الغزال ولا الشعر طويييل ناعم اسود كانه قطعة حرير وجمااال ورشاقة وطول ماشالله الله عطاها جمال وتم يفكر يفكر فيها زايد.. ولا بجمالها وانه لو يلف الكون ما يلقى مثلها..
وحس بشعور غريب حس انه سحرته .....

ها شو رايكم القصه حلوه صح بس ها ترا بعدنا ما خلصنا منها ترا ها الا أول جزء ترقبوا وياي الأجزاء اليايه, وخمنوا شو ممكن يصير في الأحداث اليايه....

خويكوووووو:السلعاااااوي؟؟

السلعاوي...

لاهنت عالطرح الغاوي..

نتريا الجزء الياي

و هذاااا هو الجزء الثااااني..

الجزء الثاني
==========
وكان زايد يفكر فيها وما حس بعمره الا لما دخل عليه عبدالله .. وياب له العصير
عبدالله : زيوووود حوووه شو بلاك سرحان ؟؟
زايد : هااااه لالا ماشي
عبدالله : تفكر في شو ؟
زايد : لا ماشي ...
عبدالله : زيود شو بلاك جيه مرتبك ومب عارف شو تقول ؟؟
زايد :قلتلك ماشي ... المهم انا استاذن الحين
عبدالله : وين ساير توك ياي حتى العصير ما شربته
زايد : مالي خلق مشكور
عبدالله : وين ساير يا ريال تم
زايد : معليه بروح احس بتعب
عبدالله : برايك عيل
زايد : فمان الله
وطلع زايد من الغرفه واستغرب عبدالله من تصرفه وهو يقول حوووه ها شو بلاه توه كان زين ويالس يسولف ويضحك فجاة قلب وارتبك جنه خايف
من شي …المهم نسى السالفه عبدالله ..
اما مهره كانت تنتظر لين ما يروح زايد عشان تطلع عند اخوها.. وبعد شوي يت مهره حق عبدالله ...
مهره بعصبيه ..: انته شلون ما تقولي انك موجود هني اتحراك طالع
عبدالله : بسم الله انتي من وين طلعتي ؟؟ليش ما سرتي وياهم
مهره : حسيت بتعب وما سرت وياهم ...
عبدالله : وانا اشدراني انج موجوده .....
مهره : بس انت قلت انك بتطلع ويا ربعك
عبدالله : لحظه لحظه ليكون يتي الميلس.. وانا ما كنت موجود ودخلتي بالغلط
مهره.. هني ارتبكت وما عرفت شو تقول نكرت لان لو اخوها درى بيتضايج وايد وبيعصب عليها وبينازعها وايد وايد.. وهي ما تبا تضايجه
قالتله: لا لا ما ييت لا تخاف اصلا انا عرفت انك ويا ربيعك وانا كنت ابي ادخل الميلس لكني سمعتك تكلم ربيعك ودريت
عبدالله : زين عيل اشوا انج ما دخلتي ...ومن شو عيل انتي معصبه جيه
مهره : ارتكبت زياده وبعدين قالت يعني تخيل اني دخلت....تخيل موقفي
عبدالله: والله ما كنت ادري انج موجوده محد خبرني
مهره : ليش امايه ما قالت لك؟
عبدالله : لا ..عيل بتقولي وما بقولج ان ربيعي بالبيت
مهره : غريبه اكيد كنت مب موجود
عبدالله : هي ما كنت موجود وكنت غالق الجهاز..... عموما حصل خير..

في رحلة ام عبدالله وبو عبدالله وعياله وعمهم وعياله ...
لولوه + شهد + ضحى + سعيد ...خالو عيل وين مهره ما يت؟
ام عبدالله : والله فديتكن اليوم الصبح قامت تعبانه ما قدرت تيي ويانا
لولوه : سلامتها
شهد : ما تشوف شر انشاءالله
ام عبدالله : الشر ما يجيكن..
سعيد : عيل وين عبود هذا بعد ما يه
ام عبدالله : والله مشغول ويا ربعه
سعيد : اها ..
ضحى : خساره لو كانت مهره موجوده جان كانت للرحلة طعم ثاني
ام عبدالله : يالله مرة ثانيه انشاءالله ...
عبدالله ومهره كانوا يالسين يشوفون فلم اجنبي وبعد ما خلص ..الفلم
مهره : حبيبي عبوووودي انا.. شو رايك توديني العين مول ...
عبدالله : مب متفيج
مهره : تكفا عشان خاطري الله يخليك عشاني
عبدالله : انزين خلاص امري لله ..
مهره : مشكووور والله يعلني افداك يالغالي
عبدالله : بل هاي كله عشان طلعه عيل كل يوم بطلعج
مهره + عبدالله : هههههههههههه
عبدالله: عيل تجهزي بعد ربع ساعه وانا بنطرج في السياره
مهره : اوكيه
وسارت مهره تجهز ... بعد ما خلصت ركبت مع اخوها وسار وياها العين مووول وهم في العين مول ..مهره يالسه تتشرا
عبدالله : بعدج ما شبعتي ..
مهره : بل ماامداك بهالسرعة مليت
وهم يتمشوووون...الشباب شافوا عبدالله ونادوووه قال حق اخته تنتظر في هالمحل.. زايد اول ما شاف البنت وكانت متغشيه.. عرف على طول انها اخته.. عبدالله سلم عالشبااااب ..زايد سرح تم يفكر فيها ويذكر صورتها لما دخلت بالغلط وتمنى انه يشوفها مرة ثانيه.. قال والله مالي حظ اشوف هالغزاله.. وفي نفس الوقت مهره شافته وتم قلبها يدق وهي تقول : يا ويلي هذا هو نفسه اللي دخلت عليه بس والله انه غاوي وحليو.. وتمت تذكر الموقف اللي مرت فيه وتمت تطالعه وهو تم يطالعها هي تعرف انه يطالعها لكن هو ما يعرف لانها متغشيه بس عرف لانه كان ويهها في جهته وتمت تطالعه ..عبدالله لاحظ ان زايد يفكر في شي وخصوصا انه يطالع المحل اللي دخلت اخته.. قال له زايد اشحالك ... زايد ما كان يدري بالدنيا.. تموا الشباب يضحكون يقولون شو بلاه هالخبل.. عبدالله قرب منه ويهز كتفه عقب انتبه زايد
عبدالله : زايد شو بلاك ؟
زايد : لا ماشي
الشباب : كنت سرحان في من ؟
زايد ارتبك وما عرف بشو يرد ... وقام يالف وقال لهم فيه بنيه حلوة مرة من هنيه لو شفتها يا حمد جان ودرت كل اللي ترمسهن..عليها جماال هذا غير الميك اب اللي حاطته
حمد : جان قلتلي ياخي
زايد : وين انا لحقت انا تميت اطالعها وهي اطالعني وتضحك وانا مب حاس بالدنيا
عبدالله تطمن من هالناحيه انه ما كان اللي يطالعها اخته ...وبعدين استاذن الشباب وسار عنهم ..وسار صوب المحل اللي كانت فيه مهرة ...
عبدالله : يالله خلصتي
مهره : هيه خلصت
عبدالله : يالله انزين قومي نظهر
مهره : اوكيه
وطول الوقت هو ساكت وهي ساكته في السياره تفكر فيه ... حست بسعاده لانها شافته وابتسمت ابتسامه بريئة شافها عبدالله ...
عبدالله : شو سر هالابتسامه
مهره : ها ... لا ولاشي
عبدالله : لا في شي
مهره : لا بس اتذكرت موقف يضحك صار بيني وبين ربيعتي
عبدالله : شو هو؟
مهره : حوووه انت اشلك بتدخل في شي ما يخصك فيه
عبدالله : انزين انزين ابويه لا تعصبين كلتينا
تم زايد ويا الشباب يفكر فيها ..الشباب لاحظوا عليه كله سرحان سالوه زيوووود شو بلاك كله سرحان انته هاليومين
زايد : لا ماشي سلامتكم
الشباب: لا في شي
زايد : مافي شي صدقوني بس شوي تعب.... ترخص منهم وقام وركب سيارته وتم يفكر وهو يقول صج انا ليش افكر فيها وايد لهالدرجه صرت مفتون بجمالها لهالدرجه اعجبتني ولا ليكون هذا اللي يسمونه)) الحب)) لالا ما اعتقد انا يوم يومين وبنسى ...وفتح المسجل على الاف ام وكانوا حاطين اغنيه :لا ما نسيتك كيف لا يمكن انساك.. انساك كيف انساك والله قويه.. اهواك واحبك ولي عمر يفداك ...
لما ردت مهره البيت راحت على طول حجرتها وبدلت ثيابها ويلست على النت تتصفح المواقع ..ما لقت شي فتحت مسنجرها كلهم اوف لاين..بندت النت والكمبيوتر ويلست ويا عمرها كان همها انها تشغل نفسها ولا انها تفكر في زايد لانها كانت خايفة من هالمشاعر لكنها ما قدرت وتمت تفكر في زايد ..والله انه حليو وغاوي، عيونه بس الله عيونه.. تسحرني
دق الباب عبدالله وفتح الباب ودخل وشاف مهره سرحانه في عالم ثاني

التكمله لجزء الثااااني...

عبدالله :: مهاري ..
مهره ما حست بشي
عبدالله : مهااااااري شو بلاج
مهره انتبهت: ها خير اخوي شو تبا
عبدالله : انتي هاليومين فيج شي كله سرحانه ... يلس بجنبها وقال لها مهاري حبيبتي انتي شو فيج قوليلي انا اخوج الكبير ..
مهره : لا ماشي بس احس شوي هالايام بصداع ماسك راسي ..
عبدالله .: قومي اوديج المستشفى
مهره : لا لاما يحتاج
عبدالله: ليش؟
مهره : حبيبي صداع وبيروح يعني لو رحت المستشفى بيعطوني ادويه نفسها اللي اخذها
عبدالله : برايج عيل
***
اليوم الجمعه الكل رجع ورجعوا الاهل دخلت ام عبدالله.. وكانت مهرة يالسه ويا اخوها
مهره : هلا والله امايه هلا بج
ام عبدالله : هلا حبيبتي شخبارج والله وحشتيني
مهره : وانا اكثر
عبدالله : حمدلله على السلامه
ابو عبدالله : الله يسلمكم.. شخباركم
عبدالله : تمام الحمدلله يا يبه
مهره : شو بشروا عسى بس استانستوا؟
شوق + نووف : وايد وايد وايد وايد فاتج نص عمرج يا مهره وانت بعد يا عبووود
مهره : والله الود ودي اني ايي وياكم بس تعبت فجاة وما قدرت ايي وياكم ...
عبدالله : يالله المرة اليايه انشاءالله
مهرة : انشاءالله
وفي اليوم الثاني ردت مهرة من الجامعه وبدلت ثيابها ... لان عمها وعياله بييون الحين.. وصلوا سلموا عليهم وتموا يسولفون ..سعيد ويا عبدالله في ميلس الرياييل والبنات والحريم في ميلس الحريم
ولما حطن الغدا .. كلهم قاموا وتغدوا وتموا يسولفون وسوالف وضحك ومعطين البيت جو
تموا لين العصر وروحوا عقبها ....وبعدها مهرة تمت يالسه ما تعرف شو تسوي.. يلست شغلت اذاعة اف ام كانوا حاطين اغنيه
جالس بحالي ولحالي ... هزني الشوق وذكرتك يعني معقولة يا غالي كل هذا وما وحشتك
ونزلت دمعة حارة ومن القلب على خد مهرة.. وهي تقول دم قلبي النزيف ودم عيني دموعي
ولمت نفسها وهي تقول اعترف اني احبك واعترف اني حبيتك وعشقتك وليتني اشوفك واطمن عليك
وتمت على هالحاله لين صلاة العشا راحت وصلت ويا امها وتعشن ورقدت ..
وفي اليوم الثاني قامت نشيطه كالعاده ... وراحت للجامعه ويوم وصلت للجامعه يت في نفس الوقت مياثي ولمحت من بعيد واحد يا ربي لحظه هذذذذا هذذذذا جني اعرفه .... هني زاد نبض قلب مهرة وبقوه لين ما قالت هذا مب جنه زايد ربيع عبدالله امبلا هو.. لالا معقول يكون اخوها لالا يمكن واحد يشبهه.. لالالا يمكن اغلط اهو نفسه وهني لمح زايد مهاري وشافها وانصدم وما صدق عمره وتم يطالعها ومياثي مستغربه منهم.. زايد ما حس بعمره ولا هي حست بعمرها الا لما زايد طول على صوت الاغنيه بصوت عالي مسموح عالاخير وكانت الاغنيه (( لو يسالوني عنك شلي جرالي منك في حبنا يا غالي قلب العنا هاونك ((
انتبهت مهاري ... وتم يطالعها زايد لين ما دخلت داخل وراحت مياثي تسلم عليها
مياثي : سلااااااااااااام
مهروووه : هلا وعليكم السلام
مياثي : بسالج سوال بس قولي الصج
مهره : مرتبكه اسالي ..
مياثي : ليش تميتي تطالعين خويه جيه جنج تعرفينه من قبل
مهره : خافت لا انا لالا انا ما اعرفه امم
مياثي: لا تلعبينها علي العبيها على هندي ... قولي الصج انا ربيعتج وصديقه عمرج
مهره : الصراحه .... وقالت لها السالفه من اول لاخر
وهناك زايد في السياره ما كان مصدق عمره معقوله هاي تكون ربيعه مياثي عيل يقدر يتعرف عليها بسهوله.. والله واخيرا يالنا الفرج وحمد ربه واااااااايد انه اخيرا التقى بهالغزاله.. صج حس بمعاناة العشاق.. وين كلامه اول كان يتطنز ويقول اي عاشق وحب كلها سوالف خرابيط وبطاليه لكن الحين عرف جيمة الحب والشوق واللهفة والحنين.....
في نفس الوقت قالت مهره لمياثي كل شي.. ومياثي ما ردت عليها الا بابتسامه..
***
في بيت بو سعيد عم عبدالله ...
نزل سعيد من فوق .. ويلس ويا امه وابوه
بو سعيد : هلا ولدي بشر شو اخبار الكليه؟
سعيد : الحمدلله يا يبه ماشي الحال
ام سعيد : انتبه على دراستك .. وشد حيلك
سعيد : انشاءالله يا امايه...الا يبه وامايه ... انا ابا اتزوج
ام سعيد : والله هذي الساعة المباركه
ابو سعيد : بس مب الحين انت كمل دراستك واشتغل.... عقب خذ بنت الحلال
سعيد :........
ام سعيد : ليش تبا وحده معينه
سعيد : هي ابي نوف بنت عمي
ابو سعيد : والله زين انت اولى فيها من الغريب ..
ام سعيد : تستاهلك يا سعيد بعدين هي شو ناقصها بنت جمال ودلال وكفايه انها بنت عمك
سعيد : وانتوا صاجين وانا ابيها هي وبس وما باخذ حد غيرها
ابو سعيد : ليش تحبها لهالدرجه
سعيد : يبه بصراحه احبها موت
ام سعيد : هههههه يا حظج يا نوف
كلهم ههههههههه
ابو سعيد : عيل خلاص برمس ابو عبدالله عن كل شي وبقوله ان سعيد يباها
سعيد : انزين يا يبه
..........
في بيت بو عبدالله ....
كان بو عبدالله و مهره وعبدالله ونوف وشوق يالسين ويا امهم .... وهم يسولفون يرن التلفون يروح عبدالله يشل التلفون
عبدالله : الووو
ابو سعيد : السلام عليكم
عبدالله : وعليكم السلام هلا عمي
ابو سعيد : هلاااا ولدي اشحالك واشحال اخوانك
عبدالله : بخير يسرك الحال.....وانتو اشحالكم
ابو سعيد : تمام الحمدلله يا وليدي
عبدالله : تبا ابوي؟
ابو سعيد : يا ريت والله
عبدالله : دقيقه عمي... يبه تعال عمي يباك
ابو عبدالله نش وسار يكلمه
ابو عبدالله : يا مرحبا بك
ابو سعيد : هلا والله ياخوي... اشحالك
ابو عبدالله :بخير الحمدلله اشحالك انت
ابو سعيد : تمام الله يسلمك.. اسمع اخويه بغيت اقولك تراي اليوم يايين عندك
ابو عبدالله : حياكم البيت بيتكم
ابو سعيد : تسلم ... بنيكم العصر
ابو عبدالله : حياكم والله
ابو سعيد : الله يحييك
ابو عبدالله : عيل نشوفكم العصر
ابو سعيد : انشاءالله .....يالله مع السلامه
ابو عبدالله : مع السلامه
وخبر ابو عبدالله عياله ان عمهم ويا عياله يايين اليوم ... العصر
ويا العصر ويا عمهم وعياله بيت بو عبدالله...ودخلوا عليهم ... وقاموا البنات وسلموا على عمهم وزوجته وبعدين راحوا عسب يسلمون على عيال عمهم ونزلت نوف من فوق.. نوف سلمت على الكل الا سعيد كانت تستحي موت منه وكانت تحبه وتبادله الشعور وكانت تتمنى انه يكون من نصيبها
يت نوف وراحت سلمت على سعيد
نوف : السلام عليكم
سعيد : هلا والله وعليكم السلام
نوف : سعيد اشحالك ؟
سعيد : بخير الله يسلمج... اشحالج انتي
نوف : بخير يسرك الحال يالغالي
سعيد : وشخبارالدراسه ؟
نوف : الحمدلله تمام ماشي الحال
سعيد : شدي حيلج
نوف : انشاءالله وانت بعد شد حيلك
سعيد : انشاءالله
بعدين قاموا البنات وساروا غرفة مهرة تموا مهرة وخواتها يسولفون ويا بنات عمهم ...
ويلس بو سعيد يرمس بو عبدالله عن نوف وانه سعيد يبيها
بو عبدالله : والله زين خلاص عيل ..
بو سعيد : لا انا اباك تاخذ شور بنتك وتشوف اذا هي تباه ولا لا
بو عبدالله : انشاءالله اكيد بسالها ..
وتموا يسولفوون ويا بعض ...

و هذاااا هو الجزء الثااااالث...

الجـــــــــــــــــــــزء الثالـــــــــــــــث

يلس زايد مرة ثانيه يفكر في مهاري ودخلت عليه مياثي وهو يالس في غرفته بروحه
مياثي : زيود
زايد : هلا.... انتي متى دخلتي؟
مياثي: ههههه انت اللي سرحان وما تدري بالدنيا.. في شو كنت تفكر جيه
زايد : لا ماشي
مياثي : ترا امايه كله تشتكي منك ...
زايد : امايه !! ليش شو تقول؟
مياثي : تقول يعني انك كله سرحان وتعبان وحالتك حالة كل يوم حالتك تزيد وانك ما تاكل مول
زايد تضايج ..... وقال : ما ادري
مياثي : شو اللي ما تدري؟؟ انته شو بلاك هالايام ؟
زايد ما قدر يكتم اكثر من جيه وخصوصا انها اخته وما يخبي عنها شي قالها انا احب احب احب بصوت عالي
مياثي فجت عيونها: تحب ؟؟؟!
زايد : هيه انا اتعذب كل يوم عشانها
مياثي : ومن هاي سعيدة الحظ؟
زايد : ربيعتج مهرة
مياااثي : هااااااااااا مهااااااري ؟
زايد : هيه
مياثي فرحت لمهاري لانها كانت تعرف ان مهرة تحبه
زايد : مهاري ليش فرحانه انا زعلان وانتي شاقة بوزج...
مياثي: بقولك شي بتفرح له واااايد وايد
زايد : هه ( ضحك ضحكة استخفاف) وقال شو اللي يفرحني يا حسرتي ..
مياثي : لا شي اكيد بتفرحله شي يتعلق بمهاااري
زايد : هااااااه مهاري قولي ولي يرحم والديج
مياثي : بشرط ..
زايد: بلا شروط يالله قولي
مياثي : ما بقول
زايد : مياثي بتقولين ولا اسبوع الياي ما بوديج بوظبي
مياثي : اممممم لا بتوديني امايه قالت لك وابوي بعد
زايد : بتقولين ولا افلعج بالجلاس على راسج
مياثي : انزين انزين لا تعصب
مياثي : تدري شو هو الخبر ؟
زايد : مياثي قولي ولا ترفعين ضغطي
مياثي ..:مهرة تحبك اليوم قالت لي هالكلام
زايد فج عيونه وما صدق وتم يطالعها وهو يقول حلفي
مياثي : والله والله والله
ما حس بعمره زايد من الفرحه حتى انه قام من مكانه وقام ينطط على الشبريه شرات اليهال وهو يقول تحبني تحبني تحبني .. مياثي استغربت عمرها ما شافت اخوها وهو فرحان جيه
مياثي : لهالدرجه فرحان ؟
زايد: اكيييييد بطير والله من الفرحه هيييييه يااااي تحبني حبيبتي
مياثي : انت لهالدرجه تحبها ومتشقق
زايد : مهما اقول ما اقدر اعبر هاي حبها يجري بعروقي
مياثي : ههههههههههه شاعري
زايد : هههههه يضحك من قلبه الرقيق... عيل كل يوم بوصلج وخلي الدريول يرتاح
مياثي : صج ؟
زايد : هيه عسب اشوفها كل يوم
مياثي : بل يعني عشانها هااااه
زايد : عيل عشان سواد عيونج ههههههه
مياثي : هيييه معليه براويك
زايد : ههههههههه
مياثي :ههههه
ويرن تلفون زايد ...
زايد : الووو
حميد : هلا زيود اشحالك
زايد : بخير يعلك بخير ... وانت شخبارك
حميد : بخير يالحبيب.... اقول ترا الشباب دازيني عسب ارمسك تيي ويانا العين مول اليوم
زايد : خلاص بيي
حميد : قول والله
زايد : والله شو بلاك
حميد : هههه غريبه والله ...زايد يي ويانا والله غريبه كل مرة تقول انك ما تبا تيي وكله حابس عمرك
زايد : ههههههه هذا اول بس تغير الوضع
حميد : شو صاير ؟
زايد : ماشي جلب ويهك خلاص قلت بيي وياكم
حميد : ههههههه شو صاير صج
زايد : لا ترز ويهك يالله انجلع هههههههه
حميد :ههههههههههه اوكى عيل برايك... بروح اتصل في عبدالله بشوفه بيي ولا لا
زايد : اوكى
حميد: باي
زايد : باي
......
في بيت بو عبدالله وخلاص بو سعيد وعياله روحوا .. بو عبدالله رمس ام عبدالله بكل شي عن سالفة سعيد
ام عبدالله : والله من متى وانا انتظر هاللحظه واخيرا بفرح ببنتي
ابو عبدالله : الحين انتي روحي رمسي بنتج ويصير خير
ام عبدالله : انشاءالله.. وسارت عن نوف ودقت الباب ويلست عندها ترمسها وقالت لها كل شي
ام عبدالله : هاه موافقه ؟
نوف : مستحيه ومحمره ومب عارفه شو تقول وهي اصلا تموت فيه
ام عبدالله : شو قلتي ليش مستحيه عادي انا امج
نوف : موافقه
ام عبدالله : اكيد ولا بس جيه كلام
نوف : لاااا اكيد موافقه امايه انا اصلا احبه
امها : تحبينه وليش ما تقولين
نوف : الله هداج اقول حق من
امها : على الاقل حقي
نوف : امايه انا استحيت اقولج
امها : عموما الف الف مبروووك
ام عبدالله تحظن بنتها فديتج ... وتقوم امها وتيبب وكل اللي في البيت يسمعها .. بسرعه نشوا وساروا حجرتها كلهم تيمعوا وقالوا شو السالفه
وقالت لهم ام عبدالله كل شي .. عبدالله كان بيطلع بس يوم سمع امه تيبب طلع فوق وهو يركض وعرف السالفه وفرح لاخته وقالها الف الف مبروك وحبها على راسها وبعدين الكل طلع عنها وتمت هي طايره من الفرحه ومن كثر ما هي فرحانه نزلت دموع الفرررررح
واخيرا يه اليوم اللي كنت انتظره على احر من الجمر وخبرت ام عبدالله ابو عبدالله وهو بعد استانس وقررانه يخبر بو سعيد باجر....
سعيد كان وايد يفكر ينطر الخبر ويدعي ربه انه ما ترفضه .... سار عن امه ..
سعيد : امايه رمستوا عمي عن سالفة الزواج
ام سعيد : هي يا وليدي وقالوا بيردون الخبر باجر
سعيد : ياربي انا شو اللي يصبرني لين باجر... امايه ادعي انها ما ترفضني
ام سعيد : لا ما بترفضك انشاءالله ... هي اكيد بعد تحبك مثل ما تحبها

التكمله لجزء الثااااالث...

سعيد : يا رب الله يسمع منج

في بيت بو عبدالله الكل درا بالسالفه الا مهرة كانت راقده وقامت وخبروها ... وفرحت وايد وسارت حق نوف
مهرة : واخيرا يا نوف حصلتي اللي تبينه
مهره كانت تدري ان نوف تحب سعيد ...
نوف : هي والله
مهره : الف الف مبروك يا حلوة
نوف : الله يبارك في حياتج يا رب... وعقبالج انشاءالله
مهره بصوت واطي وايد : انشاءالله الله يكتب لي نصيب في زايد يا رب مثل ما كتب ...... لج نصيب في سعيد
نوف : شو تقولين؟
مهره : هههههههه لا ماشي... انزين انا بسير الحين يالله
نوف : اوكى
وطلعت مهره وهي تفكر في زايد واتصلت من موبايلها على مياثي كان زايد عند مياثي في حجرتها لما رن التلفون
مياثي : الو
مهره : الوووو
مياثي : هلا والله مهااااااري
يوم سمع زايد مهااااري نش وراح يلس حذالها بغا ياخذ التلفون منها بس مياثي عرفت شلون توقفه
مهره : اشحالج
مياثي: تمام وانتي ؟
مهره: يسرج الحال
مياثي: مهاري لحظه
مياثي: زيووود قم من هني ياللزقه فج عني شو بلاك من عرفت اني اكلم مهرة وانت تير عني التلفون
مهره طاح قلبها يوم سمعت هالكلام واستحت..وهو بعد استحا وايد وقال حق مياثي بصوت واطي براويج يالدبه
تمت مياثي ويا مهاري يسولفون وزايد مب راضي يفج عن اخته.. الا بعد ما بندت مهاري عن مياثي ..وتم يسال زايد مياثي كل حرف قالته مهاري ومياثي قالتله كل شي بالتفصيل الممل.. وبعدين سار عسب يطلع ويا ربعه...
.....
في العين مول والربع متجمعين ... رباعه
زايد : هلا والله بالشباب
كلهم : هلااااا والله وين الناس يالقاطع
زايد : موجودين عايشين ناكل ونشرب
عبدالله: اشحالك يالقاطع
زايد : بخير والله .....اشحالكم انتوا
عبدالله : بخير الله يسلمك
عبدالله: وينك لا حس ولا خبر
زايد: ظروف
حميد : اي ظروف هاي اللي تبعدك عنا.... الا بسالك ليش جيه متشقق ياينا من الفرحه
زايد : ههههههههه مالك شغل
الربع : الله من زمان ما شفنا هالضحكه شسالفه صج ؟
زايد : ماشي ...انزين قوموا نتمشى
كلهم : قمناااااا
=============
في يوم الثاني ... نشت مهره عسب تسير الكليه ... واتجهزت وراحت ويا الدريول ..ويوم وصلت ..يت مياثي في نفس الموعد اللي تجيله كل يوم وشافها زايد وتخبل وسرح فيها وكان شاري ورود حمرا حق مهره..ويوم نزلت مياثي عطاها اخوها الورود .... وسارت مياثي عند مهاري
مياثي : هلا مهاري اشحالج
مهاري : بخير الله يسلمج
مياثي : هااااج هالورود من زايد
مهاري: قولي والله انتي بس
مياثي : والله
مهاري طارت من الفرحه.. وتمت تغني (( جماله سالب الناظر وذاب بحبه الشاطر سلب عقلي وانا احبه واموت بنظرات عيونه ((فدييييت عيونه
تمت مياثي تضحك ....
مياثي : تصدقين امس وانا ارمسج ابدا ما خذت راحتي كان لاصق فيني مب راضي يقوم عني مع اني سرت غرفتي وتم لاحقني
مهاري : والله يعني سمع كل شي
مياثي : يعني ... بس بعد ما بندتي ما رضى يطلع من الغرفه الا لما اقوله كل شي بالتفصيل
مهاري: فديته والله
مياثي : هههههه تتفدينه
مهاري : الا يعلني افداه بالغالي
مياثي : ههههههههه يا عيني على الحب
==========
في سيارة زايد سرح في مهره وتذكر اول لقاء له معاها لما دخلت عليه بالغلط .. قال زايد في نفسه: يا ربي هذي احلى غلطة سوتها وتم يفكر فيها الين ما انتبه وشاف الساعة فج عيونه يا ويلي اتاخرت على الكليه..وسار وهو طاير... وفي الطريج وهو مسرع سوا حادث ..ويت الشرطه والاسعاف وتيمعوا الناااس وودوه بسرعة المستشفى ....
في الكليه والشباب يالسين
عبدالله : حوووووه تاخر زايد وينه هذا
حميد : غريبه مب من عوايده
حمد : لا لا تخافون يبيي الحين
صقر : والله تعبنا ونحنا ندق جهازه مغلق
وبعد شوي الا تييلهم مكالمة تبلغهم ان زايد في المستشفى .....وخبروهم اي مستشفى وساروا وهم طايرين
وفي المستشفى
الشباب : خير يا دكتور بشر؟
الدكتور : اول شي الحمدلله على سلامته ...الحمدلله هو بخير الحين... صحيح كانت حالته خطيره لكن الحمدلله الله حفظه
الشبااااااب : انزين يا دكتور شو فيه الحين هو؟
الدكتور : عنده شوي كسر في يديه وشوي تعور في ريله
عبدالله : انزين نقدر ندخل
الدكتور : الحين هو تعبان وخلوه يرتاح تعالوا العصر
حميد : والله انا مب ساير بتم هني الين ما اشوفه
حمد : وانا بعد
عبدالله : وانا بعد مب ساير
صقر : وانا وياكم على طول الخط
الدكتور : يلستكم ما منها فايده روحوا الحين وخلوه
الشباب : مب سايرين الا لما نشوفه قلنا... وبعد ما حنوا على الدكتور وافق انهم يشوفونه ودخلوا عليه وهو نايم كلهم تجمعوا عليه
الشباب : الحمدلله على السلااااامه زايد
زايد : قام وفج عيونه ... ابتسم وقال : الله يسلمكم يا احلى رباعه
الشباب : اشحالك الحين انشاءالله بخير
زايد : الحمدلله على كل حال
وتموا عنده شوي وعقب طلعوا منه عشان يرتاح
عبدالله : انا بتم عنده وانتوا سيروا
صقر : عيل انا بروح وببلغ الربع الباقيين في الكليه وبقولهم ...
حمد : وانا بسير وياك
حميد : انا مب ساير بتم ويا عبدالله ..
وساروا صقر وحمد وبلغوا اللي في الكليه الكل اتفاجا بهالخبر وقالوا لازم نزوره اليوم العصر...
زايد كان ريال حبوب من كل شباب الكليه كانوا يحبونه لطيبته وطيبه قلبه .... وروحه المرحه.
زايد وحميد وهم في المستشفى يالسين بعد شوي يت ام زايد وابوه والام تبجي... شافوا عبدالله وحميد وعرفوا انهم ربع زايد لانه دوم يرمسهم عنهم
عبدالله عرف انهم اهل زايد
عبدالله : السلام عليكم
ابو زايد : وعليكم السلام ... ها بشر وليدي وين زايد
عبدالله : اول شي يا عمي الحمدلله على سلامته ومافيه الا العافيه انشاءالله ... وريحوا بالكم زايد بخير والحمدلله ... ومافي داعي انج تبجين يا ام زايد.. زايد بخير وهو داخل هالغرفه .........
ام زايد : يعني الحين هو بخير ما فيه شي ....
عبدالله : الحمدلله بس شوي متعور بريله وفيه كسر في يده
ابو زايد : الحمدلله ان حالته مب خطييره
ودخلوا عليه وحضنته امه وتمت تصيح عليه
زايد : يمه فديتج انا بخير والله
ام زايد : من شو صار لك الحادث
زايد : كنت مسرع لاني متاخر على الكليه
ابو زايد : شفت هاي نتيجة السرعة
زايد : يا يبه هذا مب وقته الحين هالكلام...
ابو زايد : الحمدلله على سلامتك يا ولدي والله انا ما بغيت اطلع لك سياره لاني خايف عليك من هالحوادث
زايد : المهم صار اللي صار
ودخل الدكتور عليهم
ام زايد : يا دكتور ما قلت لنا متى بيطلع .؟
الدكتور : بعد حوالي اسبوع انشاءالله
ام زايد : بل اسبوووووع وانا شو اللي يصبرني اسبوع يوم واحد بدون وليدي كانه شهر
زايد : فديتج والله يا يمه الله لا يحرمني منج يالله الا هي جم يوم واطلع انشاءالله
ابو زايد : الله يقومك بالسلامه
وطلعوا عنه وخلوه .... وتم عبدالله عنده وحميد عنده من صوب الثاني يالسين ...
رجعت مهاري البيت وهي فرحانه من قلبها بالورود واتصل عبدالله حق امه وقالها انه مب ياي اليوم على الغدا..
مياثي رجعت البيت وخبرتها امها مياثي تمت تصيح وهي تقول : ابا اسير له ابا اسير اشوفه ...
ابو زايد : انشاءالله يالله قومي بنسير له الحين ...
وساروا له ....واتذكرت مياثي مهاري وحليلها لو درت شو بتسوي وقالت احسن ما اخبرها الحين ...

الجزء الرابع والخامس
في بيت بو عبدالله وهم يتغدون
بو عبدالله: عيل وين عبدالله
ام عبدالله : قال انه ما بي اليوم يتغدى لانه ربيعه زايد مسوي حادث وهو وياه في المستشفى
ابو عبدالله : خير انشاءالله .. اليوم بروح ازوره
مهاري من سمعت هالكلام ينت وقامت من على الطاولة
ام عبدالله : مهاري وين سايره ما كلتي
مهاري سارت ولا ردت على امها
ابو عبدالله : شو بلاها ما ترد ؟
ام عبدالله : ما ادري عنها بروح اشوفها
سارت الام تشوف مهاري ...
الام : مهاري مهاري شو بلاج قمتي ولا حتى رديتي علي
مهاري : هاه لا ماشي امايه ... بس نسيت شي
الام : شو نسيتي
مهاري : لا ماشي نسيت نسيت ان باجر علي امتحان ولا ذاكرت شي
الام : اها ..على الاقل ردي علي يوم ناديتج على الطاوله
مهاري : اسفه امايه فديتج والله ما انتبهت
الام : خلاص عيل ذاكري
من طلعت الام ومهاري قفلت الباب ويلست تصيييح وتصيييييح من قلبها واتصلت في مياثي وكانت في المستشفى عند اخوها
مهاري : الو
مياثي : هلا مهاري
زايد عرف انها تكلم مهرة
مهاري : وين زايد
مياثي : في المستشفى
مهاري وهي تصيح: حالته خطيره؟
مياثي : لالا اطمنى من هالناحيه بس تعور شوي
زايد خذ الموبايل من اخته ورمسها
زايد : الو
مهاري ما اتكلمت اتفاجات
زايد : الو مهاري
مهاري : ه هلا
زايد : شخبارج... انشاءالله بخير
مهاري : كيف اكون بخير وانت في المستشفى
زايد : لا فديتج انا بخير
مهاري استحت منه ومن كلمة فديتج .. تمت ساكته
زايد : مهاري ليش ساكته
مهاري :لا ماشي بس انا استاذن الحين
زايد : ادريبج مستحيه وايد بس مهاري بقولج شي انا احبج مووووت والله.. احبج حب ما تتخيلينه حبج اليوم خلاني سرحان وانا اسوق وانا اطير في السياره ولا ادري بعمري وانا افكر فيج ..وحتى يوم سويت الحادث والله ما كنت افكر في اي شي الا انتي
مهاري تمت تصيح ما قدرت تمسك عمرها
مهاري : فديت روحك يا روحي
زايد فرح من قلبه هالمرة.. قالها: انا اللي اتفداج لا تصيحين الله يخليج
مهاري : صدقني ما اقدر امسك عمري ..بخليك الحين
زايد : برايج
مهاري : باي
زايد : باي
وتمت مهاري تصيح وتصيح من كلامه هي ما تدري تصيح من الفرحه لانها كلمته ولا من الحادث اللي سواه.. ارتاح زايد لما رمسها وسمع صوتها ....وحس براحة عجيبه وطلب من مياثي رقم مهاري .. مياثي ما رضت تعطيه.. لكن زايد حلف انه ما يتصل فيها بس بيخلي رقمها عنده
وبعد اسبوع طلع زايد من المستشفى .... والحمدلله تشافى تماما ورجع لشباب والكليه ورجع مثل اول واللي ساعده ان الكسر ما كان كبير كان بسيط
ورجع يوصل مياثي للكليه ....وتعود انه يشوف مهاري كل يوم ..وكل يوم يجيب لها هدية .... مرة اهدته مهاري ساعة حلووووة وصج استانس زايد وكان كل يوم يلبسها كانت غالية عنده ويوم يشوفها يتذكرها.....
=====
في بيت ابو عبدالله والكل على الطاوله
عبدالله : شخبار الكلية نوف
نوف : الحمدلله
عبدالله : وشخبار الثانويه شوق ؟
شوق : الحمدلله تمام
ام عبدالله : شدي حيلج يا بنتي نبي نسبة ترفع الراس
شوق : انشاءالله يا امايه
ابو عبدالله : ان يبتي نسبة عالية بسوي لج اللي تبينه
شوق : انشاءالله وبيكون شرطي ابي سياره
ابو عبدالله : شو تبين بالسياره عندنا دريول واخوج ما يقصر وجان تبين انا موجود
شوق : بس انا احب اعتمد على نفسي احب السواقة
ابو عبدالله : انشاءالله يا بنتي بس انجحي ويبي نسبة عاليه.
شوق : انشاءالله يا رب
ام عبدالله : على طاري خالكم اليوم بيي ويا عياله وعمكم بعد
مهرة : والله زين من زمان ما شفناهم ....
عبدالله : متى بيون؟
ام عبدالله : اليوم العصر
عبدالله : زين ما بكون طالع
وكملوا غداهم.. العصر الكل وصل بيت بوعبدالله خالهم وعياله وعمهم وعياله.. الكل يلسوا ويا بعض وتموا يسولفون البنات طلعوا فوق في غرفة شوق.. وراحت مهاري تواعي نوف من الرقاد.. قامت ولبست وتكشخت ونزلت وسلمت على خالها وعمها وسلمت عليهم كلهم يت تبا تسلم على سعيد كانت مستحيه وايد منه ومنزلة راسها طبعا ملجتها وياه بعد شهرين
نوف سلمت عليه
نوف : شخبارك سعيد ؟
سعيد : بخير يسرج الحال ....... اشحالج انتي
نوف : بخير دامك بخير
سعيد : دوم
نوف : وياك انشاءالله....
سعيد : وشخبار الكلية
نوف الحمدلله ماشي الحال....
نوف : انا استاذن الحين بسير فوق البنات يتريوني
سعيد : اوكى
وسارت نوف فوق عند البنات .. وسعيد ويا عبدالله و خالد ولد خال عبدالله ويا اخوه فيصل طلعوا رباعة وساروا يتمشون
=====
عوشة (( بنت خالهم(( وشخبار الكليه وياج نوف
نوف : اففففف زفت والله من اشوف شكل الكليه ييلي اكتئاب حاد
عوشة : هههههههههه
لولوه : اونج تذكرين اول قبل لا تدشين الكليه .... يا حظ اللي في الكليه مرتاحين
نوف : ههههههه هذا اول المدرسة ارحم....
لولوه : ههههه لالا الكلية ارحم تذكرين ايام الشردات
مهرة : ههههههه والله ذكرتوني في ايام زمااااان
عوشة : يا ريتها لو ترجع ...
ضحى : الله لا يقولها شو كنا نسوي في الابلة نطلع لها قرون
مهاري : ههههههههه مساكين والله الابلوات
ضحى : مشكلتهم عاد هاي امنو قالهم يختارون هالوظيفة
مهاري : يترزقووون
ضحى : عيل يتحملون اللي ييلهم
مهاري : ههههههههههه صدق الله يعيينهم
وخذتهم السوالف لين الساعة 8 فليل وعقبها يو الشباب عشانهم بيرحون والكل سار بيته ..
ومرت الايااااااااااام .. ويا يوم ملجة نوف وسعيد والكل فرحان.. وطبعا مهاري عزمت ربيعتها مياثي ...والكل كان مشغول ... في هاليوم ..
وسارت مهاري الصالون .... واتفقت ويا مياثي انها تيي الصالون وساروا ويا بعض مع بنات عمها وخوات مهاري
وطبعا الكل استانس بعد ما خصلت الملجة والكل رد لبيته .... الا ان مياثي خذتها السوالف ويا مهاري وخواتها وبنات عمها وتموا يسولفون ... وما حست بعمرها انها تاخرت عن البيت .. وتم زايد يتصل في مياثي بس للاسف هي ناسية موبايلها في البيت.. فخاف على اخته وهو يحاتيها ودقات قلبه تزيد قال ما عندي غير اني اتصل حق مهاري ..في البدايه تردد قال واذا كان اخوها عندها...لالالا مب معقوله اكيد بيكون مشغول ما بيلزق عند اخته ... قال ما ادري استحي ارمسها يا ربي مياثي هالخبلة وينها ما دقت علي اممممم يالله باتصل غصبا عني وامري لله.. واتصل زايد وهو مرتبك شوي ..و اول ما شافت مهاري الرقم استغربت امنو هذا
مهاري : الوو
زايد ( مرتبك) : الووو
مهاري عرفت انه زايد وسكتت
زايد : اشحالج مهاري
مهاري قامت من عندهم وسارت البلكونه ترمسه : بخير الله يسلمك اشحالك انت؟
زايد : بخير دام القمر بخير
مهاري ضحكت ضحكة خفيفة بخجل
زايد : فديييت هالضحكه انااااا يا ويل حالي..انا اسف لاني متصل هالوقت.. بس حبيت اعرف وين مياثي تراها اتاخرت
مهاري : مياثي عندنا ...
زايد: والله زين خفت عليها ..حسبتها طلعت لانها نست موبايلها في البيت وبعدين هاي شلون ما تتصل وتصيف عندكم
مهاري : ههههه لا والله خذتنا السوالف وعادي يالسين نسولف وياها انا وخواتي وبنات عمي
زايد : انزين لو تسمحين ممكن ارمسها شوي ...
مهاري : بس تكفا لا تعصب عليها
زايد : عشانج بس
مهاري : لحظه ... ( واشرت لمياثي انها تلحقها يوم تطلع من الحجره ) وسارت مهاري ولحقتها مياثي
لولوه : مياثي وين سايره
مياثي : هاه لا ماشي الحين بيي بس سايره عند مهاري شوي وبرد
لولوه : اها عيل سيري
وسارت مياثي .... ورمست اخوها
مياثي : الو
زايد : يا الزفتة ليش ما اتصلتي وانا احاتيج
مياثي: والله خذتنا السوالف وما حسيت بعمري الا يوم اتصلت
زايد : والله انج ما تستحين تدرين الحين ساعة جم ساعة 12
مياثي: عادي بيت ربيعتي وهي مستانسة بوجودي
زايد : صج انج ثقيلة ادري انها ربيعتج بس مب جيه عاد معناته تصيفين عندها
مياثي : اقووول لا تنازعني ولا بقول حق مهاري
زايد : انزين انزين خلاص يالله الحين انا بيي وبمر عليييج سامعة
مياثي : اوكى
زايد : باي
مياثي : باي
وبعد عشر دقايق كان زايد عن الباب وسارت مياثي ...وكانت مهاري فوق في حجرتها يالسه تشوف زايد وهو تحت في سيارته الاكس فايف.. بعدين سارت لبنات عمها وبنات خالها في حجرة نوف ...
عوشه : هاه مهاري كنتي ترمسين منو؟
مهاري مرتبكه : لا ارمس ربيعتي
عوشة : وليش قمتي؟
مهاري : وين ارمسها في حشرتكم انتو كل وحده شاقة حلجها من الضحك
عوشة : هههههه ويييه لما رحتي لولوه ونوف تموا يحشون فيج حش
مهاري : افااااا جذي يا لولوه وانا طول عمري ما اذكرج الا بالخير
لولوه : ايا النصابه يا عوشة انا كنت احش فيها ولا انتي يالدبه
عوشة : ههههههههه لا هاي نوف
نوف : انا مووووول عاد ما رمست عنج هاي عوشة البلوه
مهاري: هههههه يالدبه وتقصين علي بعد ...
لولوه : تعرفين شو قالت ؟
مهاري : شوووووووه؟
لولوه وهي تشوف عوشة: اقووووول عويش
عوشة : ههههه تكفين حبيبتي لا تقولين
لولوه : احينه صرت حبيبتج هاااااه
كلهم ضحكوا.. ولاحظت مهاري اختها يالسه بروحها وما تضحك وكانها تفكر في شي...

هذي التكملهـ...
مهاري : شوووق شو بلاج
شوق : هااه لا ماشي وابتسمت ابتسامة مصنعة
وقربت منهم وتمت تسولف وياهم ... اما ضحى كانت يالسه في الصالة تحت تشوف التلفزيون مسلسها المفضل
وقرروا بنات عمهم وخالهم يباتون عندهم الليله... وتمت مهاري تفكر في زايد وما يالها رقاد ولاحظت ان شوق مب راقده كانها سرحانه ولا تفكر في شي..... مهاري حاولت ترمسها
مهاري : اليوم في ملجة سعيد ليش ما شفناج وين كنتي ؟
شوق : بسم الله انتي بعدج صاحيه
مهاري : ما يالي رقاد ....
شوق : اها
مهاري : انزين ما جاوبتيني؟
شوق :لا ماشي كنت في حجرتي تعبت فجاه
مهاري :اها انزين بسالج سؤال .... مدري انا ملاحظه عليج اليوم كله سرحانه وحزينه ... حتى الملجة ما يتي حاسه انه في شي بس انتي ما تبين تقولينه لي.. لا تخبين علي انا اختج العوده واعرفج زين
شوق : تبين الصج
مهاري : وهذا اللي ابيه
شوق : انا كنت اصيح في حجرتي ... عشان جيه ما يت
مهاي : تصيحيييييين؟؟؟ ليش شو صاير
شوق : انا احب سعيد.. واليوم ملجته
مهاري : تحبينه افا يا شوق.. تحبينه وانتي تدرين ان اختج تحبه
شوق : وياليت لو ان مشاعري بيدي غصبا عني
مهاري : المفروض ان اليوم تفرحين ملجة اختج
شوق : بس شو اقولج ...
مهاري : لا تقولين شي
شوق : بس انا يا مهاري احبه والله وكنت اتمناه يكون من نصيبي
مهاري : اذا ما خذتيه هذا بتلقين الف واحد يتمناج
شوق : بس وين بحصل اللي احبه
مهاري: صدقيني هاي مشاعر مراهقة ولا اكثر ولا اقل
شوق : ياريت والله تكون مشاعر مراهقة وما اكون صج صج احبه
مهاري : انزين قومي يالله خلينا ننزل تحت نشوف التلفزيون
شوووق : مالي خلق
مهاري : لا بتشوفين وياي يالله قومي
شوق : اوكيه يالله
وقاموا ونزلوا تحت عشان يشوفون التلفزيون حصلوا اخوهم عبدالله يالس ويا ضحى و نوف ..
عبدالله : هاه ما رقدتوا
شوق : لا ما يالنا رقاد
مهره : وانتوا شو مسهرنكم لها الحزه
عبدالله : ماشي توني ياي كنت عند عيال عمكم
ضحى : وانا ونوف ما يالنا رقاد تدرين شبعانين رقاد امس ..
وتموا يشوفون فلم اجنبي لين الفير بعدين كل واحد قام وراح غرفته...
اليوم الثاني عوشة ولولوه وعبدالله قاموا من وقت ...اما عبدالله كان وراه مشاوير ولازم ينجزهم
وساروا يتريقون ... ويا بعض
عبدالله : هاه ماشاءالله عليكن ناشين من الصبح
عوشة و لولوه : مع اني رقدت جم ساعة لكني شبعانه رقاد.. وانت شو اللي مقومنك هالوقت
عبدالله : وراي مشاوير
عوشة : اهاااااا
عبدالله : يالله انا بسير الحينه تامروني بشي
عوشه: سلامتك
عبدالله : الله يسلمج... تبين شي لولوه
لولوه : هيييه
عبدالله : امري
لولوه : وانت راد ابيك تييب لي اسكريم من باسكن روبنز
عبدالله : هههه وين المقاطعه يا بنت عمي
لولوه : هههههه خل المقاطعه حقك الصراحه خاطري في اسكريمهم
عبدالله : خلاااص ما يصير خاطرج الا طيب بييب لج وبيب حق عوشه
عوشه : تسلم وما تقصر الحينه اقلب ويهك وعطنا مقفاك
عبدالله : ههههه انا اقول انا وانتي عمرنا ما نتفق في شي
عوشة : ههههههه يالله يالله الظاهر عطيناك ويه زياده اقول اذا ما ادل وين الباب بدليك
عبدالله : ههههه لا لا ما يحتاي ادله
عوشة : عيل يالله اذلف
عبدالله : ههههه والله سوالف عيل برايكن
لولوه: يالله مع السلامه
عوشة : بحفظ الله
عبدالله : الله يسلمكم
وبعد نص ساعة قامت نوف ومهاري و ضحى ...
لولوه : صباح الخيييييير جان ما قمتوا بعد
ضحى : تطنزين حضرتج والله نحنا تمينا سهرانين عسب جيه
عوشة : سهرانين شو تسوون ؟
نوف : كنا نشوف فلم اجنبي
مهاري : اقول وين عبود؟
لولوه : توه قبل نص ساعة سار قال عنده مشاوير
مهاري : اها
عوشة : يالله ما بتتريقون
مهاري : انا مابي مالي نفس
شوق : وانا بعد
عوشة : هااه شوق ما بتتريق لالالا مب من عوايدها اكيد هي مب صاحية ولا تعبانه
شوق : ليش يا حظي شو قالولج عني جيه شراتج انا ما استغني عن الاكل ولا مب جايفة خير
عوشة : هههههههههه بل بل كلتيني ... لالا ما قلت جيه فديتج انا
شوق : شوفوا من يالس يتفداني انتوا
عوشة : عيل خلي سعيدان يتفداج
نووووف : هاااااااه جني سمعت طاري سعييييدان حبيباتي هذا ريلي بعد جم شهر بيصير
عوشة : هههه انزين ما قلنا شي يوم بيصير ريلج عقب تكلمي
نوف : مالت عليج فديته انا سعووووودي
لولوه : ههههه مشكلة اللي مب جايفين خير
مهاري : ههههههههههههههههاي
ضحى :هههههههه والله انكم سوالف
عوشه : عيل يالله قوموا نتريق تراني بعدني يوعانه كنت استحي اكل جدام عبدالله
نوف : افا هذا ولد عمج عادي
عوشة : عاد تعرفين انتي بعد انا استحي من كل حد
ضحى : انتي لو فيج ذرة حيا زين بعد
الكل : هههههههههههاي
عوشة : جذيه يا ضحى انا ما فيني حيا
ضحى: لا فديتج والله امزح
مهاري : وين شوق ؟
نوف : راقده بعدها
لولوه : انزين يالله ما بتقومن
مهاري : يالله
وقاموا ساروا يتريقون .... بعد ساعتين رجع عبدالله ... وقامت شوق وشافهن يالسين في الميلس يسولفن
عبدالله : سلام عليكم
الكل : وعليكم السلام والرحمه
عوشه : هاه ييت
عبدالله : شرات ما تشوفين
عوشة : انزين وين الايسكريم
عبدالله : حطيته في الثلاجه جان تبين سيري يبيلج
عوشة : انزين مشكور
عبدالله : العفو
مهاري : عبووووود
عبدالله : امري
مهاري : الله يخليك اليوم ودني العين مول ابي اشتري شويه اغراض
عبدالله : انتي كل اسبوع تروحين ما تشبعين من العين مول
مهاري : مدري بس احب هالسنتر
عبدالله : خليه وقت ثاني
مهاري : تكفىىىى
عبدالله : بعدين
مهاري : الله يخلييييييييك
لولوه : هيه بنسير وياج عقب انت فرنا بيتنا
شوق : شو رايكن تباتون عندنا الليله بعد
نوف : حلوه الفكره شو رايكن
مهاري : اصلا بيباتووون غصبا عنهم
ضحى : هيه انتوا قرروا ونحن ننفذ
عوشة : عيل بتصل حق امايه بعدين بقولها اكيد بتوافق
نوف : اوكى
عبدالله : بس مب متفيج اوديكم المول
ضحى : لا تدلع يا ولد العم
نوف : يالله عاااااد نبي نطلع ملينا
شوق : تكفاااااااااا اخويه
عبدالله : خلاص امري لله
مهاري: واخيييرا
عبدالله : العصر بوديكن المول
نوف : اوكى
انزين يالله انا بروح فوق شوي اتسبح
وسار عبدالله تسبح و خلهن يسولفون وبعد ما خلص قال خلني ايلس على النت شويه ودخل النت وفتح المسن لقى اضافه من ايميل بنيه استغرب من هذي؟؟ قال خلني اضيفها واشوف شو تبي
عبدالله : السلام عليكم
المزيونه : وعليكم السلام والرحمه
عبدالله : اشحالج
المزيونه : بخير حبيبي
عبدالله : من انتي؟
المزيونه : انا وحده معجبه فييييييييك
عبدالله : معجبة فيني ليش انتي تعرفيني ولا تعرفين شكلي عشان تقولين معجبه فيك
المزيونه : اعرفك واعرف شكلك بس موبايلك لا ممكن تعطيني اياه فديتك انا صج احبك انت ليش ما تفهم
عبدالله : لو سمحتي اختي الزمي حدودج وعن حركاتج هاي البايخه....
المزيونه : انا احبك انت ليش جيه قاسي ارجوك افهمني انا عمري ما حبيت حد غيرك انا اصيح ليل نهار وما تغفى عيني ارجووووك افهمني انا احبك وعمري ما قلتها لغيرك ارجوك
عبدالله انكسر خاطره لجل هالبنيه وقال بشوف برمسها وبعرف شلون عرفتني ومن وين ..؟؟ وكيف؟
عبدالله : اوكى اتصلي على هالرقم ((..........))
المزيونه : مشكووووور انا مب مصدقة صج ولا جذب حلم علم الله اعلم
عبدالله : اتصلي الحينه
المزيونه : اكيد احينه بتصل
دق موبايل عبدالله وعلى طول رد
عبدالله : الوووووووووو
زايد :وااااااهههههههههههههههههههههههههههههههههههههههههه ههه صاااادوه يالمغازلجي
عبدالله اتفاجا من زايد : الله يغربلك يا شيخ
زايد : هههههههههههههههههههههه معليه يا القدوه يالمثالي بقولها حق الشباب هههههههههههه
عبدالله : الله يلعن ابليسك يا زايد ياخي والله انك كلب منت هين
زايد : هههههههههه هيه بعد ما سويتها فييييك رديتها لك شرات ما سويت فيني ذاك اليوم
عبدالله : ههههههههههههه الله يخس ابليسك لين الحين تذكر
زايد : واذكر بالتفصيل بعد وحليلي انا يالس على البحر في نص الليل وبروحي وانت تييلي بالعبايه والشيلة وتخرعني ههههه تحريتك جني يا ريال
عبدالله : هههههههههههه الله يغربلك بس كيف لما اتصلت لي ما طلع زايد؟؟؟؟
زايد : هيه غيرت الرقم وحبيت اسوي فيك مقلب صغير

عبدالله : مقلب صغير ويا ويهك والله كسرت خاطري على المسن وانت تترجاني وانا اقول من هاي الخبله
زايد : ههههههههههههه خبله هااااااه هاي انا الحينه الخبله
عبدالله : هههههههه وزووووووود .......
زايد : هههههههه يالله تعيش وتاكل غيرهاااااااا..
عبدالله : ههههههه معليه يالهرم براويك
زايد : هههه انزين اسمع اليوم تعال المقهى اوكيه ...الشباب يتريونك
عبدالله : انزين ما بنطول باجر ورانا كلية
زايد : لا انا باجر ما بسير
عبدالله : ليش؟
زايد : لا ماشي باجر مشغول
عبدالله : شو مشغول فيه يعني اهم من الدراسه؟
زايد : الا يوم واحد.. ترا ولد عمي يوسف بيسافر برا بيدرس بروح وياه المطار.. وبسير المستشفى بسوي فحوصات حق ابوي شوي هالايام اشوفه تعبان
عبدالله : سلم على ولد عمك ... وسلامة ابوك والله ..ما يشوف اي شر
زايد : الله يسلمك والله ... يالله ننطرك في المقهى الساعة 8
عبدالله : انشاءالله
زايد : عيل الساعه 8 بمر عليك شو رايك
عبدالله : لالالا انا بييكم بودي شوي الاهل السوق وبعدين بيي
زايد : اها ... خلاص عيل برايك
عبدالله : اوكى
زايد : مع السلامه
عبدالله : مع السلامه ...
بعد ما خلص عبدالله.. سار نزل تحت عند خواته وبنات عمه.. وشافن يشوفن فلم اجنبي, يلس وياهن وتم يشوف الفلم بعد شوي رن التلفون..
قامت نوف ترد عليه
نوف : الو
سعيد : السلاااااام عليكم
نوف : هلا وعليكم السلام والرحمه
سعيد : اشحالج يا غزاله
نوف : بخيررر الله يسلمك... واشحالكم انتوا وشخبار عمي ومرته
سعيد : الحمدلله كلهم بخير حبيبتي... اقول
نوف : هلا
عبدالله : امنو نووووف
نوف : سعيد ولد عمي
عبدالله : عطيني ارمسه
نوف : لحظه
عبدالله : هلا والله
سعيد : هلا بك .... اشحالك يا ريال
عبدالله بخير حبوب وينك
سعيد : موجودين شو اخبارك
عبدالله : الحمدلله تمااام
سعيد : واشحال عمي
عبدالله : الحمدلله بخير
سعيد : الا اقول
عبدالله : امرني
سعيد : ترا ابوي اليوم عازمكم على العشى ....
عبدالله : والله يا ريت بس انا مشغول اليوم
سعيد : روح زين انته متى بس مب مشغول ...
عبدالله : شو اسوي والله بس ربعي اليوم مواعديني
سعيد : ويا ويهك احينه ربعك اهم منااااااااا
عبدالله : فديت راسك لا بس من زمان ما شفتهم
سعيد : يالله اجلب ويهك قبل ايام سرت لهم
عبدالله : هههههههه مب ذاكره عليك
سعيد : قل ماشاءالله تتهرب يعني
عبدالله : لا والله ... خلاص ولا يهمك بنيي وبقول حق ابويه بعد
سعيد : زين عيل برايك .... لا تنسى تقول حق عمي
عبدالله : انشاءالله يالله برايك
سعيد : اوكى مع السلامة
عبدالله : مع السلامه....
بعد ما بند عبدالله ......
نوف : سعيداااااااان شو قالك عبدالله ؟
عبدالله : وانتي اشلج يالرزه
نوف : صدق
عبدالله : ماشي قوم عمي اليوم عازمينا على العشى
نوف : اهااا.. الله من زمان ما سرنا لهم
عبدالله : انتي اصلا بتسيرين هناك عشان سعيد علينا الحركات
نوف : هههههههه
عبدالله : عيل وين ابويه
مهاري : ما ادري بس اعتقد هو في المكتب
عبدالله : عيل بروح اتصل حق ربعي
وانتي مهاري سيري اتصلي بابوي
مهاري : انشاءالله ...
وسارت خبرت ابوها ان عمهم عازمينهم على العشى ..اما عبدالله سار اتصل في زايد وتعذر له.. انه ما يقدر يسير لهم اليوم لانه معزوم..
الساعه 4 اتجهزت مهاري وخواتها وبنات عمها عسب بيرحون العين مول.. وساروا ويا عبدالله في سيارته ..وهم حاطين اغاني ومرتبشين ..ووصلوا العين مول.. وعلى طول تذكرت مهاري حبيب الروح زايد اللي كانت تشوفه.. قالت في نفسها يا ربي متى بيمر هاليوم واشوفه باجر وهو يوصل اخته وحشني والله.. يا ربي يوم واحد بدون ما اشوفه كانه شهر يمر علي ..وسرحت لين ما يت عوشة وقطعت حبل افكارها ..
عوشة : مهاري والصمخ شو بلاج ؟؟؟
مهاري : لالا ماشي قولي شو تبين
عوشة : شو رايج بهالقميص
مهاري : ذوقج حلو ....
عوشة : صح انه غالي بس عاجبني حيل
مهاري : هي وخاصه انه لونه البنفسجي
عوشة : اكييييييد عيناوي
مهاري : ههههه
لولوه : اقوووووول مهاري وعوشة شوفوا شوفوا منوا ذاك اللي يالس ...
مهاري : وين وين؟
لولوه : هذاك اللي يالس على هالطاوله
عوشة: اي طاولة فيهن ..
لولوه : اللي يالس ويا حرمة
مهاري: شهقت هذا مب جنه ...
عوشة : وانتي صااااجه
نوف : شو بلاكن يالسن تطالعن الناس جذيه
ضحى : ما ادري عنهن
شوق : يالله شو شريتن؟
لولوه : الحقوا الحقوا شوفوا امنو يالس ويا وحده
نوف : شو صاير؟؟
شوق : هذا جنه سعيد
نوف : لاااااااااا سعيد مستحيييل
نوف ما صدقت بغى يغمى عليها.. معقوله اللي تحبه راح يخونها ويا وحده ثانيه.. جذبت عينها ما صدقت.. ونزلت دمعة حااااااره من القلب اااااه يا سعيد هاي اخرتها جيه تسوي فيني.. وصاحت من القلب ومهاري تهدي فيهاااا والبنات كلهن يالسين يهدون فيها
عوشة : خلاص خلاص تكفين لا تصيحين
نوووووف : سعيييييييييد لييييييش انا شو سويييييت
مهاري : خفي صوتج الله يخليج الناس بدوا يطالعووون.. ضحى اتصلي بسرعه في عبدالله قولي له يي بسرعه
ضحى : انشاءالله واتصلت فيه
عبدالله ياهن بسرعه : هاه خلصتوا
مهاري : الحق الحق
عبدالله : شوووو صاير
عوشة : شفنا سعيد ويا وحده ..
عبدالله : امنوووو
شوق : شفنا سعيد ويا وحده
عبدالله : مب وقته المزح الحينه شو صاير
ضحى : الله هداك نحن ما نمزح شفناه والله ويا وحده
عبدالله : من تكووون
مهاري : ما ندري شفنا وحده شقرا يالسه وياه وهو يضحك وياها..
عبدالله : مستحيل سعيد ما عنده هالخرابيط.. بعدين اكيد واحد يشبهه
ضحى : امبلا هو ابصم لك والله انه هو انا اعرف شكله عدل ولا يمكن في يوم اخربط بينه وبين واحد ثاني
نوف : تجذب عيوننااااا يا عبدالله انا ما اباااااه خلاص افصخوا خطوبتي لا ما ابااااااه اكرهه الكلب يجذب علي ويقول انه يحبني جذااااب.. يالس ويا وحده احينه بروحه له و بفضحه
عبدالله : شوي شوي شو هالكلام يا نوف تعالي
ومسكتها مهاري وشوف وعوشة
لولوه : لالا مب ناقصين فضايح
عبدالله : نوف عيب
نوف : ودني البيت بسرعه
عبدالله : انشاءالله يالله ...
وسار عبدالله وهو مب مصدق ولا نوووف المسكينه المنهاره اللي كانت تحبه من قلبها.. واللي عمرها ما تخيلت اللي يصير.. ومحد كان مصدق ان سعيد يكون جذيه معقوله ؟؟
نوف اول ما وصلت البيت ما عرفت شو تسوي غير انها تروح حجرتها ..وتمت تفكر قالت لالا سعيد ما يخوني سعيد يحبني بس انا يمكن تسرعت.. بس شو اسوي والله من حبي له يا ربي.. بس لازم اثق فيه الحين انا يوم شفته ويا وحده على طول صحت وما تمالكت نفسي مب شرط يحبها.. عيل شووو شو يبي فيها ومن تكون ؟
دخل عليها عبدالله وشافها سرحانه
عبدالله : نوف حبيبتي
نوف ما انتبهت له
عبدالله : نووووف
نوف : هاه انت من متى هني
عبدالله : توني داخل عليج لا تشيلين هم حبيبتي انا اخوج وادريبج... صدقيني سعيد مب راعي هالسوالف انا اعرفه عاشرته هذا صديق الطفوله
نوف ارتاحت من كلامه : ياريت والله تدري بكلامك هذا ريحتني ...
عبدالله : انزين يالله قومي بدلي نحن بنسير من الحين بيت عمي ...
نوف : لالا مابا اروح روحوا انتوا
عبدالله : ليش لا بتييين
نوف : عبدالله تكفا اخوي والله مب ناقصه ما اريد ما اريييييد
عبدالله : عيل شو اقول حق امي ؟
نوف : قولها اي شي تصرف قولها تعبانه ما اريد
عبدالله بعد ما حس انها متضايجه وايد : برايج عيل
وطلع من عندها وخبر امه
ام عبدالله : ليش نوف ما بتيي
عبدالله : تقول تعبانه
ام عبدالله : انا بروح اشوفها وانتوا اسبقوني ابوكم في المكتب بعدين بيلحقنا
عبدالله : انزين
وسارت مهاري ويا بنات عمها
-----
سارت الام فوق عند نوف ودخلت عليها وشافت وييها متغير
الام : نوووووف يمه حبيبتي شو بلاج
نوف : هلا امايه لا مافيني شي شوي تعبانه
الام : شو بلاه ويهج
نوف : مافيني شي امايه شوي تعبانه
الام : ما بتييين ويانا
نوف : لا امايه اسفه
الام : لا حبيبتي ما اروم اخليج بروحج جذي قومي يالله ولا ما بروح انا
نوف : امايه حبيبتي انتي روحي انا بخير شو بلاج
الام : خلاص ما بسير حبيبتي ما اقدر اخليج بروحج والله بيلس احاتيج
نوف بعد ما حست ان ماشي فايده ... وما تبي تخرب عليهم : انشاءالله امايه الحين بقوم
الام : يالله انا انطرج في السياره ويا اخوج وبنات عمج
نوف : انشاءالله
وبدلت نوف وسارت وياهم ... وهم في السياره الكل لاحظ سكوت نوف وكانها في عالم ثاني.. بعد ما كانت تسولف وتضحك والبسمه ما تفارج ويهها
ام عبدالله : نوف شو رايج اوديج المستشفى حالتج مب عاجبتني
نوف ما ردت

ام عبدالله : نوووووف
نوف : هلا امايه
ام عبدالله : ليش ما تردين
نوف : ما سمعتج شو قلتي
ام عبدالله : قلتلج شو رايج نوديج المستشفى حالتج مب عاجبتني
نوف : لالالا امايه انا بخير الحمدلله بس شوي راسي يعورني
ام عبدالله : غريبه اكيد مسخنه
نوف : لالا الحمدلله
ام عبدالله : عيل شو بلاج؟
عوشة حبت تغير السالفه : اففففف باجر بنرد لجامعاتنا
شوق : اسكتي الله يخليج ما لحقنا نشتري شي من المول حق الجامعه
ام عبدالله : عيل سرتوا المول شو تسوون ؟
مهاري بعد ما عطت شوق وعوشة بنص عين: امبلا شرينا امايه بس الظاهر ذوقي ما عجبهم
لولوه : لا عجبنا انتي كله ولا ذوقج
مهاري : بدينا بالطنازه افتكينا من عوشة تيين انتي
عوشة : هااااه سمعت حد يناديني
لولوه : لالا محد نادج ما ادري من وين تسمعين انتي
مهاري : افففففف الحين هاي شو بيفكنا من شر لسانها
عبدالله : بسكن انتن ما تشبعن ....يالله قربنا نوصل
وصلوا بيت عمهم ... الكل نزل عدا نوف ما كان ودها تنزل عسب ما تشوف سعيد
عبدالله : نوف يالله انزلي شو تتريين
نوف : مابي انزل
عبدالله : يعني شو اقفل السياره واخليج هني في الحر
نوف : احسن ولا اجامل سعيد
عبدالله : شو تقولين انتي يالله يالله انزلي ...
نوف : بنزل والله عشان خاطرك
عبدالله : يالله انزين
نزلت نوف ... وسارت سلمت على عمها ومرته لكن سعيد ما كان موجود
عبدالله : عيل وين سعيد ما اشوفه ؟
ابو سعيد : والله طلع بقوم الحين بتصل فيه
عبدالله : لالا عمي ارتاح انا بتصل فيه
اتصل عبدالله في سعيد
سعيد : الو
عبدالله : هلا
سعيد : يا مراااااحب والله
عبدالله : اشحالك
سعيد : تمام الغالي اشحالك انت
عبدالله : بخير الله يسلمك .. وينك فيه تراي في بيت عمي
سعيد : والله ... ييتوا من وقت قلت يمكن تتاخرون
عبدالله : لا والله عمي اتصل في ابوي وقاله نيي الحين
سعيد : خلاص عيل انا الحين برد البيت
عبدالله : يالله ننطرك
سعيد : اوكى ..باي
عبدالله : باي
بعد خمس دقايق من ضحك وسوالف الا نوف اللي كانت ساكته طول الوقت والكل لاحظ.. دخل سعيد عليهم ..وسلم عمه وعياله الا نوف قرب من نوف عشان يسلم عليها.. واول ما شافته تغير ويهها دمعت عينها حست بشي غريب.. سعيد حس انه في شي مب طبيعي سلم عليها وردت عليه حاولت تخفي مشاعرها لكن ما قدرت.. الكل لاحظ ان اول ما دخل سعيد تغير ويهها ابتسمت له لكن مب من الخاطر عشان تبين انه مافي شي..
سعيد : اشحالج نووووف
نوف : تمام... شخبارك انت
سعيد : يسرج الحال
وتغير ويهها زياده يوم يلس سعيد حذال عبدالله ...
وتموا يسولفووون ويضحكون الا نوف ...كانت في عالم ثاني عيونها كانت كلها حزن في حزن
بعد ما لاحظت ان الكل يطالعها باستغراب حبت انها ما تبين شي
نوف : هههههه شو بلاها عيونكم علي ما دريت اني حلوه جيه ومعجبيني كثر
عبدالله استغرب منها بس عرف انها ما تبا تبين لهم شي : هههههه ومن قال انا نحن معجبين فيج سيري اطالعي شكلج في المنظره شرات الساحره اللي تطير بالمخمه
عوشه : ههههههههههههههه هي وانت صاج عبدالله
نوف : انا ساحره يالاهبل
لولوه : لاااااااا هاي عوشه
عوشة : مشكوره يا اختي ويي منج اكثر
مهاري : الله يعيينك سعيد بتاخذ هالساحره
تموا كلهم يضحكون على سوالفهم
سعيد : حرام عليكم وين بلقا شرات هالقمر هذي
عوشة : هههههه مبين القمر اللي كانت وياك في المول
نوف تغير ويهها وايد .... وسعيد مب مستوعب الكلام.. وعبدالله خز عوشة بنظره قويه
ام سعيد : من هاي اللي في المول ؟
ابو سعيد : اي قمر اللي في المول ليش المول مفتوح من فوق ؟
مهاري تغير السالفه : هههههههههههه تتمصخر انتوا صدقتوا
عوشة تمت متلومة كيف طلع هالكلام من لسانها : هههههههه امزح وياكم
سعيد تغير ويهه وايد : انزين انا بسير فوق بتسبح وبرد
ابو سعيد : اوكى
بعد شوي من قام سعيد لحقه عبدالله فوق ....
عبدالله : الحمدلله اني حصلت فرصة ارمسك ....
سعيد : امر
عبدالله : ترا البنات شافوك يوم كنت ويا هاذيج الشقرا في المول
سعيد : واللللللللللللللللللللللللللللللله.... حتى نوف
عبدالله : هيه من هاي
سعيد : نوف زعلت ؟
عبدالله : الا صاحت ....
سعيد : ما تسوى علي والله افدي دموعها
عبدالله : ما علينا من هذي
سعيد : هذي صديقتي كانت تدرس وياي يوم كنت ادرس في دبي
عبدالله : شو علاقتك فيها
سعيد : مافي شي بينا لا يروح مخك بعيد ...
عبدالله : عيل شو كنت تسوي وياها ؟
سعيد : شوف انا ولد عمك وانا عمري ما خبيت عليك شي واقولك كل شي والحين يه الوقت اني اقولك.. هذي انا كنت ادرس وياها ..وهي حبتني بس انا ما احبها والله بالعكس كنت الجا لها اذا ما فهمت شي كانت هي الوحيده اللي تفهمني وافهم منها.. وقابلتها اليوم عشان انهي كل شي بيني وبينها ..عشاني خلاص مخطوب وبعدين بتزوج...بس هي كانت تحسب اني انا قابلتها عشاني ابيها ومابا اضيعها
عبدالله : انزين كمل شو صار ؟
سعيد : ماشي قلت لها انا الصراحه ما احبج وانا اليوم قابلتج عشان انهي كل شي بيني وبينج لكن هي صاحت وكسرت خاطري ما اعرف شو اقولها.. اخر شي قلته لها ... انا اسف انا ما قلت لج في يوم انا احبج لكن انتي تعلقتي فيني.. قالت بس انت خليتني اتعلق فيك
قلت لها: انا ما كنت اقصد شي بعلاقتي وياج بالعكس انتي كصديقه
عبدالله : بس ماشي صداقة بين الحرمه والريال
سعيد : صدقني والله ما كنت احبها والله كانت كصديقه وبس
عبدالله : مصدقك لا تحلف
سعيد : صدقني والله انا عمري ما حبيت حد غير نوف بس الحين شو اسوي
عبدالله : انا بقولها كل شي وبفهمها انت لا تخاف ثق فيني انت بس سير اتسبح وانا بنزل تحت يالله بعد شوي بيحطون العشا
سعيد : اوكى انت انزل وانا بلحقك
عبدالله : اوكى
نزل عبدالله وبعد دقايق لحقه سعيد ..... بعد ساعه حطوا العشا وتعشوا ..... وبعدين يلسوا عندهم شوي
عبدالله : شو رايك بو عسكور تسمعنا من القصايد اللي حافظها شوي
سعيد : امممممم
بو عبدالله : من زمان ما سمعتنا صوتك
بو سعيد : هيه والله
عوشه : سعيد يالله عاد
لولوه : شو قلت
سعيد : انشاءالله على امركم
خذ سعيد نفس عميييق وتم يشل بصوته العذب وهو يطالع نوف في عيونها ونظراته كلها حزن واسى :
كنِّي خطا جيتك وقلبي أحْمِلَه ... حالي شغوف ولا تناظر لهفتي
سر الغرام اللي بقلبي تجهله ... وانته غرامك في حشايه ومهجتي
أنا عطيتك من غرامي أجمله ... وانته ولا حتى تحس بلوعتي
لو كان تدري بلِّي قلبي يحمله ... حبٍ صدوقٍ وانت عمري ومنيتي
حبٍ وفيٍ كل اقوله وارسله ... عبر الحروف وينقرا في نظرتي
ليلي سهر .. ليلي حزن ما أطوله ... لولا طيوفك به تخفِّف علِّتي
أسمع صدى صوتك وقلبي يسأله ... والقى ردودك هي عذابي وحيرتي
رجواك انا رجوى الليالي المقبله ... خل السعاده تبتسم في دنيتي
ملّيت من صبري وكثر الأسئله ... ودي أحس بطعم وقتي وراحتي
وانِّي بقلبك لي مكان ومنزله ... واهنا بحبِّي وتحقَّق فرحتي
يا ضي عمري وراحته ومستقبله ... يا تاج راسي لا تزوِّد حسرتي
نوف كانت شوي وبتصيح وهي تناظر عيونه حست بشعور غريب.. الكل استغرب من سعيد لما تم يناظر نوف وسر نظراته الغريبه
عبدالله : صح لسااااانك
مهاري : الللله صوتك ماشاءالله وايد حلو
سعيد : صح بدنك تسلمين مهاري وعيونج الحلوه
عوووشة : وانا عيوني مب حلوه
سعيد : انتي .... انتي قمرررر
لولوه : عيل نوف شو تكون ؟
سعيد انحرج بس تشجع وقال : نوف حياتي ودنيتي كلها
نوف حست بــ قممممة الاحراج كانت تتمنى ان الارض تنشق وتبلعها
ابو عبدالله : يالله بعد جم شهر بتصير لك
ام سعيد : فديتها والله نوف
سعيد : بس هي شكلها ما تباني
ام عبدالله : اشدعوى عاد يا ولدي شو ما تباك وين بتحصل شراتك صح يا نوف
الكل كان ينطر رد نوف .... وهي كانت منحرجه ما تعرف شو تقول
نوف : هيه اكيد
سعيد ابتسم ابتسامه ترد الروح
عوووشه : نوف شو بلاه ويهج هههههههههه
نوف : انجلعي يالله
مهاري : هههههههه لازم تحرجينها يعني
لولوه : ههههههه تعرفونها هذي
وتموا يسولفون .. وما تاخروا عندهم لان باجر وراهم كليات و دوامات ...
رجعوا البيت والكل سار غرفته ... اهني استغل الفرصه عبدالله ودخل على نوف....
نوف: هلا عبدالله
عبدالله : نوف انا ياينج ابا اقولج عن سالفه سعيد
نوف : خير شو قالك
عبدالله : جنه الموضوع مب هامنج
نوف : لو مب هامني جان ما صحت وسويت هالمناحه
عبدالله : ههههه وانتي الصاجه المهم هذي وحده كانت تدرس وياه في الكليه يوم كان يدرس في دبي ....
نوف : يا سلاااااام انزين
عبدالله : شوفي نوف هو قالي انها هي تحبه وهو قابلها عشان ينهي كل اللي بينه وبينها
نوف : وهو ما كان يحبها؟
عبدالله : حلف اكثر من مرة وقال انها شرات صديقته كانت.. كان يطلب منها المساعده يوم ما يفهم شي كانت الوحيده اللي تفهمه وقاللي انه ما يحبها بس هي تعلقت فيه وانه يحبج انتي وبس ماله غيرج
نوف استحت
عبدالله .. : يعني مكان داعي اللي سويتيه انتي تسرعتي
نوف : والله من حبي له
عبدالله : لازم تثقين فيه ولا شلون تبين تاخذينه
نوف : انشاءالله
عبدالله : انشاءالله هذا يكون درس لج
نوف : الحمدلله ...
عبدالله : عيل انا بخليج الحين بسير ارقد
نوف : تصبح على خير
عبدالله : وانتي من اهله....
بعد ما طلع عبدالله حست نوف براحه ورقدت وهي تفكر في غزالها

الســــ الجزء ـــــــــــادس
اليوم الثاني نشت مهاري من وقت الصبح..وهي كلها شوق وامل انها تشوف زايد ..لكن للاسف اليوم هذا ما وصل زايد ميثة يت ويا الدريول ..مهاري حست باحباط شدييييد وزعلت لانها ما شافته هاليووم ...
مهاري : صباح الخير
ميثة : هلا صباح الورد يا احلى ورده
مهاري : صباح المجاملات
ميثه : ههههههه لا والله ما اجامل انتي فعلا احلى ورده هذا مب كلامي كلام زايد
مهاري احمر ويهها: الا على طاري زايد ليش ما وصلج اليوم
ميثه : ههههههههههه ليش تولهتي عليه؟
مهاري : عن البياخه صج ليش ما وصلج فيه شي
ميثه : تطمني ما فيه الا كل الخير
مهاري : عيل ؟
ميثه : ماشي ..اليوم ولد عمي بيسافر تعرفينه ربيعه لازم يودعه في المطار بيسير يدرس برع وبعدين بيودي ابوي شوي المستشفى.. بيسوي له تحاليل تعبان شوي هالايام
مهاري : سلامات والله انشاءالله ما فيه الا كل عافيه
ميثه : انشاءالله ...عيل وين البنااات ما نسمع حشرتهن
مهاري : ما ادري عنهن يوم نشوفهن وبعدين يختفن
ميثه : قومي نسير ندورهن
مهاري : يالله.......
قامت مياثي ويا مهاري يدوروهن.. حصلوا منى وفطوم وساره وامون ويا بعض يالسات يسولفن
مهاري + مياثي : سلااااااااااام
كلهم : وعليكم هلااااا
مهاري : وينكم انتووووا من متى ونحن ندوركم
امووون : والله يالسات نسولف
مياثي : عيل وين العنووووود ما اشوفها ؟
ساره : وحليلها مرقدينها في المستشفى
مهاري + مياثي : شوووووووه عن المزح يالله عاد
ساره : والله ما امزح صج هي في المستشفى
فطوم : هيه حليلها اخوها سوا حادث وكانت وياه وتعورت
مهاري : فديتها والله وليش ما خبرتوني هااااه
منى : ما ادري انا اليوم سالت البنات عنج قالولي انج غايبه
مهاري : من هذووول اللي قالولج جيه؟
منى : قوم ريم
مهاري : هيه صح انا امس جذبت عليها قلتلها اني بغيب عشان بس افتك من حشرتها
منى : ليييييش
مهاري : ماشي سالفه مستويه المهم انا لازم اروح المستشفى اطمن عليها
مياثي : اكيد انا بعد بسير
منى : انا امس رحت لها وبعد اليوم بسير لها
فطوم : اكيد وانا بيي وياكم
مياثي : وانتي ساره
ساره : شو بقول بعد اكيد بيي وياكم
امون : نسيتوني
مهاري : لا ما نسيناج خلاص اليوم بنسير انشاءالله العصر يكون انسب وقت
منى : خلاص العصر الساعه 5 اوكيه ؟
كلهم : اوكييييه
مياثي : شو اخباركم بعد
ساره : ماشي الحال مافي اخبار يديده
مهاري : شو ما عرستوا
امون : لا ننطرج ههههههه
مياثي : لا انطروها قريب بتتزوج
منى + فطوم + ساره : شوووووه
امووون : عن المزح
مياثي : هههههههه امزح وياكم لا تصدقووون
منى : اتحرا بعد
فطوووم : الا على طاري العرس ترا عقب شهر عرس اخوووي ولازم تيوون
مهاري : ما ادري والله احتمال ما اقدر ايي
فطوم : الا بتييييين
مهاري : بشوووف
فطوم : والله ان ما ييتي بزززززعل منج
مهاري : خلاص خلاص كله ولا زعلج يالغاليه ...
فطوووم : انزين انتي وبتيين والباجي ما سمعنا رايهم
منى : اذا مهاري يت اضمني انا يايه
مياثي : انا بعد
اموون : انا بحاول يمكن اخوي ما يخليني
ساره : انا بعد
فطوووووم : لاااا انا برمس اخوانكم
امون :: هههههه من صدقج
ساره : خخخخخخخ تبينه ينحرني
فطوم : هههههههه لابرمس امهاتكم عشان تقنع اخوانكم
ساره : اذا جذيه اكيد بيوديني ما بيرفض لامي طلب
امون : وانا بعد
فطوم : عيل باجر برمسها ولا يهمكم
============
في بيت بو عبدالله كان يالس في حجرته دخلت عليه ام عبدالله
ام عبدالله : غريبه ليش ما سرت المكتب ؟
بو عبدالله : والله تعبان شوي مالي خلق اسير
ام عبدالله : سلامتك من الشر والله فيني ولا فيك
بو عبدالله : فال الله ولا فالج يا ام عبدالله لا تقولين جيه
ام عبدالله : فديتك والله
بوعبدالله : فديت اللي يتفداني ههههه
ام عبدالله : فديت هالضحكه
بو عبدالله : الا يا ام عبدالله ابي ارمسج في سالفه ....
ام عبدالله : امر انت بس
بو عبدالله : انتي تدرين ان بنتنا مهاري كبرت الحين وماشاءالله عليها صارت عروسه
ام عبدالله : بدون مقدمات قول شو عندك
بو عبدالله : انزين انا اقصد ان في واحد طلب ايدها مني
ام عبدالله : والللللللله
بو عبدالله : هيه يا ام عبدالله
ام عبدالله قامت ويببت بصوت عالي
بو عبدالله : اسكتي عاد بعدنا ما عرفنا رايي البنت
ام عبدالله : انزين قولي وين شافها؟
بو عبدالله : اهله شافوها يوم كان ملجة نوف
ام عبدالله : هيييييه
بو عبدالله : وعيبتهم ويبونها حق ولدهم
ام عبدالله : انزين وانت شو قلت لهم
بو عبدالله : شو قلت بعد قلت بشاور البنت انتي عاد رمسيها
ام عبدالله : انشاءالله يابو عبدالله .... بس انت تعرفهم سالت عنهم؟
بو عبدالله : اول شي شاوريها وعقب نسال عنهم
ام عبدالله : انشاءالله
كانت ام عبدالله تنطر مهاري بفارغ الصبر الين ما ترد من جامعتها ... عشان تشاورها وكانت فرحااانه مب شايلتها الارض من الفرحه بنتها بتتزوج.. بنتها الغاليه.. كانت تنطر هاليوم بفارغ الصبر تشوف فيها مهاري بتتزوج ....
رجع عبدالله من كليته وحصل امه يالسه في الصاله فرحانه ومبتسمه
عبدالله : السلااااام عليكم يا احلى ام
ام عبدالله : هلا والله وليييدي وعليكم السلام
عبدالله قرب من امه وحبها على راسها : اشحالج اليوم يمه
ام عبدالله : بخير يعلك بخير ....
عبدالله : الله ويهج اليوم منور شسالفه
ام عبدالله : منور بشوفتك يا ولدي قولي شخبار الكليه والدراسه
عبدالله : الحمدلله اليوم كان عندي امتحان سويت زين كان وايد سهل
ام عبدالله : الله يوفقك يا ولدي....
عبدالله : يمه حطي لي غدا يوعااااان
ام عبدالله : معليه حبيبي انطر شوي الين خواتك ما يووون انا بسير ازهب الغدا وانت روح بدل ثيابك
عبدالله : انزين يمه
سار عبدالله فوق وسارت الام المطبخ
وصلت مهاري ويا نوف وشوق البيت ....بعد ما خذاهم الدريول.. وكل وحده سارت حجرتها تبدل ثيابها ونزلن تحت وحصلن الغدى جاهز
تغدوا وخلصوا وعقبها يلسوا في الصاله يدقون سوالف وضحك
دخلت ام عبدالله عليهم : مهاري يمه تعالي شوي ابيج في سالفه
الكل سكت
مهاري : خير امايه
ام عبدالله : خير بويهج حبيبتي بس ابيج بسالفه
مهاري : انشاءالله
قامت مهاري وسارت ويا امها حجرتها كانت مهاري مستغربه اي سالفه شو صاير؟؟.. ام عبدالله يلست ويا بنتها على الشبريه ..
ام عبدالله : ما اعرف وين ابتدي
مهاري : امايه شو صاير
ام عبدالله : لا مافي شي كل الخير حبيبتي
مهاري : عيل يالله قولي
ام عبدالله : انزين حبيبتي تدرين الحين انج انتي بنت كبيره وعقلتي وماشاءالله صرتي بنيه عاقله وفاهمه و صرتي عروسه
مهاري من يابت امها هالطاري تغير ويهها
مهاري : كملي
ام عبدالله : والحين الكل يبيج يمه
مهاري انصدمت

ام عبدالله : شو فيج
مهاري : لاماشي كملي
ام عبدالله : انزين وفي واحد طلب ايدج من ابووج
مهاري تغير ويهها بالمرة حتى هي انصدمت ما عرفت شو تقول : امنو هذا
ام عبدالله : اهله شافوج في ملجة نوف وعيبتيهم وحبوا يخطبونج لولدهم
مهاري صار ويهها جنه حد صااب عليها ماااي بارد ثلج مب قادره تستوعب وتمت تقول في نفسها مستحييييل اللي يصير .... انا ماارضى اكوون لحد الا لزايد وبس لا لاااااا مستحيل انا مابي حد غير زايد ولا ما بتزوج حد غيره .....آآآه
ام عبدالله : مهااااااااري شو بلاج وين وصلتي ؟
مهاري : لا ماشي
ام عبدالله : أنزين شو قلتي
مهاري تبي تقول انها ما تباه بس قالت لا اتسرع .. وبقولها اني بفكر في الموضوع على اساس انها ما تبين ان في واحد محدد في بالها
مهاري: انزين امايه عطيني وقت افكر
ام عبدالله : انشاءالله يا بنتي بس متى بتردين علي؟
مهاري: انشاءالله باجر ولا عقب باجر لان اليوم مشغوله
ام عبدالله : خذي وقتج ....
طلعت عنها امها ويلست مهاري تقول مستحيل اخذه لالالا انا مابي غير زايد ليته هو بداله ....وتمت تفكررر وتفكر في اول صدفه لها وياه..رن التلفون وقطع حبل افكارها
مهاري : الووو
مياثي : هلااا مهاري
مهاري : هلا والله شخبارج
مياثي : تمام شو اخبارج انتي
مهاري : اخباري سوده
مياثي : شووووه عسى ما شر
مهاري: لا ماشي سلامتج
مياثي : يالله عاد شسالفه
مهاري: ماشي ماشي
مياثي : والله قطعتي قلبي قوووولي
مهاري : السالفه ان واحد طلب ايدي وانا ماريده
مياثي : لييييش هلج عصبووج عليه
مهاري: لااااا مستحيل يغصبوني على شي انا ماريده
مياثي : عيل ارفضيه
مهاري: اكيد برفضه بس شو اقول شو السبب
مياثي: بسيييييطه قولي الدراسه وجذيه وانج ما تفكرين بالزواج الحينه لانها بتشغلج عن دراستج وانتي الحين ما همج الا مستقبلج
مهاري : اممممم والله زين خلاص عيل بقول حق امي برد لها الخبر باجر
مياثي : وليش باجر؟؟؟؟
مهاري : على اساس اني قلت لها اني اليوم مشغوله
مياثي : اهااااا اوكيه عيل انا بخليج بسير ارقد شويه وعقب بنش عسب نسير المستشفى
مهاري: اوكيه واتصلي في البنات ذكريهم يا خوفي ينسووون
مياثي : اها خايفه على الفاتوره
مهاري : ههههههه ويا ويهج لا والله خلاص انا بتصل فيهن
مياثي : ههههه امزح وياج خلاص يالله انا بتصل فيهن الحين
مهاري : اوكيه عيل يالله انا بعد برقد تعبانه من هالجامعه
مياثي : اوكيييه نوم العوافي
مهاري : الله يعافيج
مياثي : مع السلامه
مهاري : مع السلامه
===
بعد ما بندت مياثي دخل عليها بعد شوي زايد
زايد: كنتي ترمسين منوووه
مياثي : وانته شلك
زايد : صدق والله ترمسين منو
مياثي : ربيعتي
زايد : اكيد مهاري صح
مياثي : هيه مهاري
زايد من سمع طاريها سار وقرب من اخته :انزين شخبارها شو مسويه شو كنتوا تقولون ...؟
مياثي : افففففف وانته ليش جيه رزه
زايد : عاد صج شو كنتوا تقولون
مياثي : اشياء خاصه
زايد : الله يخليج قولي تكفين
مياثي : بشرط
زايد : امري
مياثي : تطلعني باجر لين ما امل واقولك خلاص لاعة جبدي ابي ارد البيت
زايد : خلاص تم واذا تبين اليوم بعد مع اني مشغول لكن بفضى لج بس قولي
مياثي : لحظه شو بعد عندي شرط
زايد : قولي
مياثي : في الويك اند توديني بوظبي
زايد : تمممممممممم.... بس قولي الله يخليج
مياثي : بعد عندي شرط...
زايد بصوت عالي : ميااااااااااثي تشوفين هالشاشه والله بكسرها على راسج حرقتي اعصابي تراج
مياثي : بل بل انزين خلاص.... بقولك ... بس اخاف تييلك جلطه من هالخبر هههههههههه
زايد : هااااه شو صاير تكلمي
مياثي : بقولك ماشي واحد تقدم لها ويبي يخطبها
زايد من يابت طاري هالسالفه حس ان الدنيا تلف به وتدور انصدم تفاجا من الخبر ..... وبشكل مفاجا قال :وهي شو قالت؟؟؟؟
مياثي : قالت بتفكرررررر وبترد الخبر باجر
زايد :وانا اناااااا اناااااا
مياثي : هههههههه باجر بترد على امها الخبر انها مب موافقه
زايد : الله يغربلج يالهبله
مياثي : هههههههههه قلتلك بتييلك جلطه ما سمعت
زايد : ريحتيني
مياثي : لهالدرجه تحبهاااااا خخخخ
زايد : خاطري اسمع صوتها
مياثي : انجلع يالله عطيتك ويه زياده
زايد : تبين اطلعج بعد هااااه لا تخافين مكانج البيت
مياثي : لاااااااا انت قلت مالي خص والله ان ما طلعتني بقول حق امي
زايد : خلاص يابوي لا تفضحينا ....
مياثي : انزين اسمع اليوم الله يخليك اباك توديني المستشفى لان ربيعتي مسويه حادث ابي ازورها
زايد : يحليلها متى سوت الحادث؟
مياثي : قبل امس
زايد : اوكى بوديج..
مياثي : انزين اطلع يالله ابي ارقد ساعه 4 واعني انزين
زايد : اوكى انا بسير ايلس على النت شويه من زمان ما دخلت
مياثي : اوكى
طلع زايد وسار غرفته وشبك عالنت.. فتح المسن ما حصل حد اون لاين.. شاف عدد الرسائل في البريد الوارد 1..قال خلني اشوف من مطرش لي ..فتح الرساله حصلها من ايميل اسمه مهره وكرت حلو بعنوان ((تدري اني موت احبك وان مالي غير حبك واللي ينبض في ضلوعي ما هو قلبي هذا قلبك ((زايد استانس وايد وايد وايد .. مهاري طرشت له هالكرت يوم كانت في الجامعه.. وضافها على المسن..في نفس الوقت كانت مهاري يالسه عالنت وصلت لها اضافه من ايميل غريب ...استغربت منو هذا وضافته قالت خلني اشوف شو يبي؟ .
زايد : السلام عليكم
مهره : وعليكم السلام
زايد : اشحالج ؟
مهره : تمام منو وياي ؟؟؟؟
زايد : توقعي
مهره : والله الصراحه ما اعرف حد بهالايميل
زايد : انا زايد
مهاري قلبها وقف هذا زايد استانست : هلا والله وغلاااااا
زايد : هلا فيج يالغلا كله
مهره : شو اخبارك ؟
زايد : بخير دامج بخير
مهره : دووووووووم
زايد: الله يسلمج
فجاه دق الباب اخوها عبدالله واضطرت انها تبند المسنجر في ويهه.. وقامت فتحت الباب
عبدالله: انتي ما رقدتي
مهاري : مثل ما تشوف
عبدالله : انزين بسالج امايه شو كانت تريد منج اليوم
مهاري : ماشي
عبدالله : شو ماشي اكيد شي سالفه
مهاري : السالفه يا اخوي العزيز ان في واحد ياي يخطبني
عبدالله : وتقولين ماشي
مهاري : مستحيه اقولك
عبدالله : تستحين من اخووج انزين شو قلتي موافقه وبعدين منو هذا ؟؟
مهاري : سيف ..
عبدالله : هيه عرفته
مهاري : هيه هله شافوني يوم ملجة نوف ويبوني حق ولدهم
عبدالله : وشو قالت العروس؟
مهاري: عروس عاد لا بعدني افكر
عبدالله : ترا الكل يمدح فيه وفي اخلاقه صج والنعم ريال
مهاري سرحت في زايد وما اهتمت لكلامه
عبدالله: حوووه ارمس اليدار انا
مهاري: انزين عطوني وقت افكر
عبدالله : خذي وقتج عروستنااااا
مهاري : هههههه انزين ممكن تطلع ابي ارقد
عبدالله: اوكى ... انا بسير عند ربيعي
مهاري : لا تنسى العصر بتوديني
عبدالله : انشاءالله
طلع عبدالله ... وسارت مهاري على طول دخلت المسنجر ما حصلته طلع ...
قالت : افااااا طلع
بعد شوي تريت خمس دقايق ما دخل قالت خلاص بسير ارقد شويه تعبانه.. بندت الكمبيوتر وطاحت على شبريتها ورقدت وما حست الا بصوت الساعه وهي ترن في اذنها.. قامت غسلت ويهها ونزهبت واتصلت في عبدالله وبعد خمس دقايق كان عند باب البيت وسارت وياه.. البنات وصلن كلهن بس كانوا ينطرون مهاري لين ما تيي ووصلت مهاري وكل وحده شاله باقة ورد وعقب دخلن الغرفه

ان شاءالله باجر انزل لكم الجزء الأخييييييييييييييييييييييييير....

الجزء الســــــــــــــابع
وصلن البنات ..دخلن عندها وسلمن عليها ويلسن شوي عقبها طلعوا من عندها لانها تعبانه وما يبون يثجلون ويطولون عليها.. لكن العنود ما خلتهم يسيرون كانت ملااااانه بدرجة فطيعه ومستانسه بوجودهم ....
مياثي : ما تدرين والله الجامعه بدونج ملل
العنود : عاد عن المجامله ترا بصدق عمري
مياثي : لا ما اجامل والله هذا مب كلامي انا بس كلام كل البنات ولهنا عليج وعلى سوالفج......
مهاري: صدقتي ميثوه
منى : متى بيرخصونج؟
العنود : اممممم تقريبا اسبوع اسبوعين وبرد انشاءالله
امون : الله يقومج بالسلامه يالغاليه
العنود : الله يسلمج
مهاري : كل البنات وصوني اسلم علييييييج وايد وايد
العنود : الله يسلمهم ويسلمج
يلسوا يسولفون عن الجامعه ويحشون في البنات.. وبعد ربع ساعه استاذنت ساره عنهم وفطوم وامون لانه اخوانهم برع ينطرونهم
وبعدها سارت مياثي ومهاري ..
======
رجعت مهاري البيت وبدلت ثيابها ونزلت تحت ما حصلت حد يالس عبدالله طالع ويا سعيد ونوف في بيت عمها وشوق في غرفتها ..
سارت غرفة شوق لكنها حصلتها راقده.. ردت مرة ثانيه غرفتها وهي ما تعرف شو تسوي.. قالت ارقد احسن لي.. حطت راسها لكن ما يالها رقاد واتذكرت سالفة اليوم اللي امها قالت عنها وكيف باجر بتقول لها انها ما تريده.. اه وينك يا زايد ما شفتك لا اليوم ولا حتى في الاجازه والله ولهانا عليك حتى ما تسال عني لهالدرجه انا رخيصه عندك.. هذا قدر حبك لي.. سارت مسكت التلفون وقامت تكتبله مسج ..
اموت انا في حبهم.. وارخص انا عيوني لهم.. ناس سكوني قلبي انا وانا سكنت في قلبهم..هم علموا قلبي الغرام والشوق كله والهيام.. لا حرمني الله منهم ..
زايد من وصله هالمسج كان يالس ويا ربعه يضحك ويسولف.. شل التلفون عشان يشوف من مطرش المسج كان يحسبه مثل اي مسج عادي ..يوم شاف مكتوب ((القلب)) المقصود مهاري فرح من قلبه ومب مصدق اول مسج يوصله منها.. قام من عند ربعه ولا افتكر فيهم حتى ما فكر يرمسهم او شي قام ولا عطاهم ويه.. استغربوا منه.. صحيح اللي سواه غلط بس هو ما حس بعمره كان فرحاااان وايد حاس بان قلبه بيطلع من صدره
حميد : شو بلاه هذا؟
حمد : ما ادري شو جايفنا طوف نحنا جدامه ...
صقر : ما يندرى عنه .... تصدقون قمت اشك فيه
عبدالله : شو قصدك؟
صقر: يعني يكلم وحده ولا يحب
حميد : لا يا ريال زايد ما عنده هالسوالف
صقر: ياخي ما تشوفه شلون صاير عمره ما كان جذي وكل ما نريد نقوله شي يقولي ماشي
حمد : هههههه هذي نتيجة تحاليلك
صقر : صدقوووووني تراني مجرب
عبدالله : هههههههه تعترف بعد ومن هذي تعيسة الحظ
صقر : احترم نفسك وثمن كلامك هذي حبيبة القلب
حمد : الله يعينها ... انزين لين الحين تحبها
صقر : احبها بس الايام فرقتنا
عبدالله : ههههههه مستوي العاشق الولهان
صقر : تنطز عبووووود انا براويك
عبدالله : شو عبود بعد اصغر عيالك انا ...
صقر : عادي ما تفرق عبود بو عابد عبدالله كله واحد
حمد : انا بسير بلحقه وبشوفه انتوا خلكم هني
عبدالله : انزين لا تتاخر انت وياه
حمد : اوكى
من قام زايد من عندهم سار كان يبا يتصل في مهاري .... لكن لحقه حمد عشان يشوف شو سالفته وخرب كل شي
حمد : ليش قمت جنك ما صدقت ان وصلك مسج
زايد : اوووهو انت هني ...
حمد : هي هني ليش مب عاجبك
زايد : لا مب عاجبني
حمد : ليش تكلمني بهالطريقه
زايد : سلامتك حبوب
حمد : انزين ممكن اعرف شو المسج اللي وصلك ومن من؟
زايد : مالك خص....
حمد : تدري انك متغير هالايام ما عدت زايد اللي اعرفه
زايد : شو تباني اسوي يعني
حمد : زايد انت شو بلاك عمرك ما كنت ترمسني بهالطريقه شو هالبرود
زايد : مافيني شي عادي شرات ما تشوفني طبيعي ولا انت تشوفني مينون
حمد : هي مينون مادري اشفيك
زايد : شوف حمد لا تحشرني ترا اللي فيني كافيني
حمد : لا تقول يا شيخ ليش شو فيك بعد
زايد : حمد قوم عن ويهي مالي خلق اشوف هالاشكال
حمد وهو معصب : الشرهه علي انا اني اجابلك واجابل اشكالك
زايد : ثمن رمستك وسير احسنلك قبل لاتحصل كلام ما يعجبك
حمد : لا عيل شو رايك لو اقولك اني مب ساير بتم كيفي
زايد : عيل تحمل اللي بييك مني
حمد : شو بتسوي يعني
زايد : انا قتلك من البدايه انجلع عن ويهي لكن انت ما طعت
حمد : انا مب ساير اريد اعرف شو بتسوي
زايد هني عصب وقامله : من زمان ما كلت ضرب
حمد وهو بعد معصب : لا عطيتك ويه زياده بتمد ايدك بعد يالله جرب
زايد : انا لو امد بدفنك هني
حمد : صححححححح انا اللي بدفنك مب انت يالله اشوف مد ايدك
زايد : صدق انك نذل
حمد : النذل انت واشكالك ....
وقام كلام كل واحد يعلى على الثاني الكل احتشر على صوتهم العالي وقام حمد ما قدر يمسك نفسه يريد يضربه لكن الربع لحقوا عليهم في الثواني الاخيره ومسكوا كل واحد من جتفه ....
عبدالله : عيب عليكم زين جيه تيمعون الناس عليكم
صقر : الله ياخذكم صدق انكم يهال
حميد : والله فشلتونا.... اونكم ريايل بعد هاه
زايد سار عنهم ولا اهتم بكلامهم ..اما حمد تم متحلف ويسبه حتى الشباب ما قدروا يهدونه..وحاولوا يعرفون السالفه لكن هو ما طاع يخبرهم شي
====
اليوم الثاني مهاري ردت الخبر حق امها وقالت لها انها ما تريده ولا تريد تتزوج منه وشرحت موقفها ..امها بالرغم من حزنها لكنها ما كانت تقدر تغصب بنتها على شي ما تباه وخصوصا الزواج لان هذي حياتها...
مر تقريبا شهر وقرب عرس اخو فطوم.. وطبعا كانت مهاري اول المعزومين لان فطوم كانت تحبها وايد.. وكانت تتمنى الف مرة لو تكون مهاري زوجة اخوها.. حتى انها عرضت عليها هالموضوع قبل لكن مهاري رفضت هالشي كان كل تفكيرها في زايد وما تريد حد غيره.. مهاري خبرتها عن سبب رفضها.. فطوم ما قدرت تعارضها وخصوصا انها تحبه وهو يحبها وتمنت لها التوفيج والسعاده..فاليوم هذا تجهزت مهاري حق العرس وسارت الصالون هي مياثي واختها لان اختها بعد كانت مدعوه اللي هي نوف ..وبعد ما خلصن سارن ويا بعض الفندق اللي كانوا بسون فيه العرس فطووم كانت تنطرهم على احمر من الجمر ويوم شافتهم وصلوا استانست من قلبها.. كانت مهاري ولا القمر ظاهره صدق غزالة عيون كل الحريم عليها ..كانت بالفعل حلووه.. وخاصه عيونها السوود اللي كانت تذبح..طبعا مهاري ورباعتها كانوا يالسين الطاوله اللي جنب الكوشه.. وكانوا يالسين يسولفن وفرحانين قامت فطوم وطلعت عالكوشة ورقصت ومسكت مياثي وياها.. مياثي كانت مستحيه لكنها رقصت غصبا عنها اما مهاري البنات كلهن كانوا يقولن لها لكن هي ما رضت الا ان يت فطوم ومسكتها وخلتها تقول وترقص كانت كلها رقـــــه وهي ترقص..طبعا ما طولت مهاري هي ورباعتها غير ثلاث او اربع ساعات و روحن عقبها.. وصدق كانت مستانسه مهاري هاليوم ..
======
مرت الايام ومهاري تشوف كل يوم زايد عن طريق صديقتها مياثي وكل يوم تتعلق فيه زياده وهو يتعلق فيها زياده ..اما حمد وزايد فكل ما كانت تجمعهم الصدفة انهم يشوفون بعض ما كانوا يرمسون ويا بعض ولا حتى يسلمون ..حتى الشباب ملوا منهم ومن طريقتهم ..
اما زايد كان ينطر الفرصه المناسبه عشان يخبر امه وابوه انه يريد يخطب مهاري.. كان يتريا بفارغ الصبر اليوم اللي بيتزوجها فيه.. كان دايم مجتهد في دروسه يريد يخلص الكليه عشان ياخذها..كانت هي حياته وقلبه وتفكيره وكل شي بالنسبه له .....
***
في الكليه ربع عبدالله كلهم كانوا يالسين
زايد : عبدالله
عبدالله : لبيه
زايد : انت اليوم مب طبيعي
حميد : شكله تعبان
عبدالله : ما ادري احس بدوخه وصداااااااع قوي
زايد : من شو؟؟؟؟
عبدالله : مادري احيانا وانا اسوق حتى تجيلي هالدوخه والصداااع احس بتعب فظييييع فجاه
حميد + صقر: سلاماااااات
عبدالله : الله يسلمكم من الشر
زايد : وسرت المستشفى ولا كالعاده مطنش؟
عبدالله : لا ما سرت
زايد : من متى و هالحاله تييلك ؟
عبدالله : من فتررررررره ... يعني قول من زمان
زايد : شوووووف العصر انا وانت بنسير وغصبا عنك رضيت ولا
عبدالله : شو بيسون يعني كالعاده حبوب وادويه ما منها فايده
زايد : على الاقل نطمن عليك
عبدالله : اوكى مب مشكله برايك لا تعب نفسك انا بسير
زايد : لا ارتاح بيي وياك
حميد : وانا بعد يااااي
صقر : نسيتوني ؟
زايد : هههههه سايرين المستشفى نحن بناخذ جيش
حميد : عادي
صقر : وين حمد؟
زايد : لا تيب طاريه الله يخليك كرهني فيه
صقر : هذي اخرتها زيوووود الريال ربيعنا ما يصير تقول جذه
زايد : روح لاه انت بعد اونك الحين الصديق الوفي
صقر : هههههههه والله انت حاله
زايد : بعدين انا اصغر عيالك زيود في عينك
صقر : زيتون احلى هههههههههههه
زايد : وايد سخيف تصدق خربت اسمي
صقر : اصلا هو من زمان خربان عليك مب راكب
زايد : ليش محتر لانه اسمي حلووو
صقر : وانا بعد حلو
زايد : صقر ولا عنز
حميد : هههههههههههههههههه انتوا متفيجين والله ......... الريال تعبان وانتوا يالسين اللي صقر واللي عنز

=============
رجع عبدالله البيت وهو مب قادر يتحمل اي شي حتى يوم دخل البيت ما سلم على امه على طول طلع فوق ورقد..دخلت عليه بعد شوي امه حصلته راقد .... ما قدرت تواعيه عذرته لانه تعبان ياي من الكليه..رقد عبدالله وما حس بعمره الا التلفون يرن عن اذنه.....
عبدالله : خير
زايد : انت بعدك راقد قم يالله
عبدالله / الساعه جم
زايد : اربع ونص يالله قم بسرعه الحين بمر عليك
عبدالله : انزين يابوووووك فكنا يالله بند
زايد : ما ببند هههههه
عبدالله : يالله بند
زايد : قم اول
عبدالله : والله بقوم بس بند
زايد : اوكى يالله عيل باي
عبدالله : باي
..........
قام عبدالله وتجهز وبعد نص ساعه كان زايد عند باب البيت وسار وياه المستشفى والربع كلهم كانوا وياه ..عبدالله صحيح ان كانت حالته ما تسر لكنه كان متماسك..راسه بعده يعوره وفيه الدوخه لكنه متحمل وكان يالس يضحك ويسولف غصبا عنه ما كان يريد يبين لهم انه تعبان..لكنه فشل جدام زايد.. زايد كان يعرف انه تعبان ومتحمل لانه يعرف طبع عبدالله ما يحب حد يخاف عليه ولا يحاتي...
وصلوا المستشفى وبسرعه دخلوه ..الدكتور سواله اشعة وتحاليل وقاله باجر يجي ..وعطاه بندول وشوي حبوب مسكنه تخفف عنه..
بعد ما رجع عبدالله قال لامه انه كان في المستشفى وامه وايد خافت عليه بس هو طمنها قالها ان ما فيه شي بس شوي يحس بدوخه ....
وعقبها سار عبدالله داره وارتاح ...
..........
اليوم الثاني مهاري قامت من رقادها سارت كليتها وكالعاده شافت زايد وهالمرة هو بنفسه عطاها ورده وهي كانت ميتة ومتشققه من الفرحه اما عبدالله كان تعباااان وايد ومب قادر يتحرك او ينش من مكانه حالته كل يوم تزيد سؤء بس هو كان يتحمل دوم..امه شافت الوقت تاخر وولدها ما نزل معقوله طلع من دوم ما يسلم لالا مب من عوايده..سارت فوق عند حجرة عبدالله فتحت الباب شافته راقد ويهه محمر..خافت عليه يوم شافته على هالحاله
ام عبدالله : حبيبي اشفيك عبدالله رد علي
عبدالله بصوت خافت : هلا يمه
ام عبدالله : ليش ما سرت الكليه
عبدالله : تعبااااان مب قادر
ام عبدالله : يمه اشفيك انت كل يوم حالتك تزيد قوم بخلي ابوك يوديك المستشفى .... تراه اليوم ما سار المكتب
عبدالله : لا امايه فديتج انا شوي تعبان خليني ارتاح وما يحتاج المستشفى امس ساير
ام عبدالله: حبيبي ما اقدر اشوفك على هالحاله
عبدالله : يمه قتلج خليني ارتاح وبتشوفيني بخير اريد انام تعبااان
ام عبدالله : برايك يا ولدي خلاص بخليك
=======
وصل زايد الكليه والربع كلهم موجودين ....بس للاسف ما كان عبدالله موجود لانه تعبان.. الكل استغرب عدم وجووده مع انه العاده يكون اول الحضور..زايد كان يتصل فيه لكن للاسف جهازه مغلق
حميد : شو بعده مغلق؟
زايد : هيه يعطيني مغلق
صقر : وينه هذا
حميد : علمي علمك
زايد كان وايد خايف عليه لانه امس لاحظ عليه انه كان تعبان بس متحمل ..فقرر انه يسير له البيت لانه ما عنده رقم البيت.. عشان يتصل يطمن ..
زايد : انا بسير له البيت
حميد : انت شو تقول اليوم ما عندك امتحان ولا
صقر : هي انا وهو علينا امتحان
زايد : يولي الامتحان والله انا بسير
حميد : انت غبي بيحطولك زيرو
زايد : انشاءالله ابو الزيرو قلت بسير يعني بسير
صقر : انا بيي وياك
زايد : لا خلك هني وياهم
صقر: ما اريد قلتلك بيي وياك
حميد : خذوني انا بعد
كان حمد يالس وما تكلم بكلمه لكن يوم شافهم بيسيرون قال
حمد : خذوني وياكم
وقاموا ويا زايد وركبوا موتره وساروا بيت عبدالله..وصل زايد مع ان هاليوم نفسه عليه امتحان بس خوفه على عبدالله كان اكبر ....
نزلوا كلهم من السياره ... وسار دق الجرس زايد فتحت له الخدامه ..ابو عبدالله من شافهم عرف انهم ربع عبدالله وعرف انهم يووا عشاان يطمنون عليه
ابو عبدالله : حيالله من يانا
زايد : الله يحييك عمي
طبعا بعدها سالوا عن عبدالله لكن ابو عبدالله طمنهم عليه وقالهم انه راقد الحين تعبان شوي..زايد هدا بعد ما طمنهم ابو عبدالله
وعقبها يلسوا شوي ويا ابو عبدالله وساروا لان وراهم كليه....
======
طبعا طافه الامتحان زايد... لكنه ما اهتم لان عبدالله اهم من كل امتحانات الدنيا
==========
العصر ....سار زايد المستشفى ...اما عبدالله ما قدر يسير وياه كان بعده تعبان.. هالمره سار زايد بروحه ..وقاله الدكتور انه مافيه شي ...
زايد ما تطمن لان مب معقوله هالتعب كله ومافيه شي ..وكلم ابو عبدالله على اساس انهم يسافرون برا ويسون له تحاليل واشعه ويطمنون عليه اكثر .ابو عبدالله على طول وافق لانه شاف ولده فعلا تعبان هالايام ....وقرروا انهم يسافرون بعد اسبوع ..مهاري كانت تبا تسافر وياهم لكن للاسف وراها الكليه وما يصير تخلي الكليه..اما زايد قرر انه يسافر وياهم ولو انه امه ما كانت موافقه يهد دراسته لكن بعد ما شافت انه مصر وانه عبدالله ربيعه ربيع الطفوله ما قدرت توقف في ويهه ..عبدالله كانت حالته كل يوم تزيد ومب قادر يستحمل زياده كان يخفي تعبنه ويتحمل جدامهم ..حتى انه مرة حاول ينزل تحت عند ابوه كان هذا اليوم الاخير وباجر بيسافرون المانيانزل تحت وكان راسه يعوره وفجاه يت له الدوخه وطاح مكانه ..مهاري كانت يايه من المطبخ شافته صارخت صرخه سمعت البيت كله ..ابوها ياااا وهو يركض ونوف وشوق وامهم..وشافوا عبدالله طايح ابو عبدالله شله وركب سيارته سارت مهاري يابت عباتها هي وامها وطلعن وياه
الام كانت تصيح طول الدرب ومهاري كانت وياها بس كانت بينها وبين نفسها ..وصلوا المستشفى ودخلوه الطواري بسرعه ...
بعدين طلع لهم الدكتور وهو شكله حزين ..الام من شافت الدكتور قامت عنده وقالهم ان عبدالله فيه ورم في المخ وهذا الشي تطور عنده وانه محتاج عمليه اليوم ولا بيموت وما بيتحمل الالم ..واحتمال العمليه تنجح واحتمال لا..الام كانت تصيح وهي تدعي ربها وابو عبدالله قلبه بتقطع على ولده نزلت دمعة من عينه وكان يدعي الله انه تنجح العمليه لانها بتستغرق وقت اما مهاري كانت تصيح ويا امها وهي تدعي له ...
=====
في البيت نوف وشوق ..قامت نوف تبا تتصل فيهم واتصلت كان يعطيها مغلق ..كانت هي واختها وايد يحاتووون حتى ان نوف ما قدرت تمت تصيح ...زايد حب انه يطمن على عبدالله فاتصل له لكن موبايله كان في حجرته لكن محد رد ..اتصل مرة مرتين ثلاث اربع لكن نفس الشي محد يرد ..زايد قلبه فز ليش ما يرد علي هذا؟ مب من عوايده..ما عرف شو يسوي غير انه ينتظر يمكن يتصل فيه لكن ما اتصل فرجع هو يتصل فيه مرتين ثلاث وهم نفس الشي..قام زايد وسار بيتهم فجت الباب الخدامه كل شي كان يصير بسرعه
زايد : السلام عليكم
الخدامه : واليكم السلام
زايد : وين عبدالله ؟
الخدامه : بابا سير وياه المستسفى هدا في واجد تعبان هدا طيح
زايد فج عيونه : شوووووو اي مستشفى وين متى قولي
الخدامه : مادري انا بابا
زايد ما عرف شو يسوي غير انه يتصل في مهاري كان خايف لان اكيد هي تدري..سار اتصل فيها ... وكانت هي في الحمام تغسل ويهها اللي كله صار دموع حتى ان الجحال كله كان على خدها من كثرة الدموع ..شافت رقمه ما بغت ترد عليه لانها كانت تصيح ومالها نفس تكلم حد بس غصبا عنها ردت
مهاري : الو
زايد : مهاري شو بلاه صوتج وين عبدالله شو بلاه وينه
مهاري تمت تصيح وقالت له انه تعبان وفي غرفة العمليات.. وسالها عن المستشفى وبعد ربع ساعه وصل ..والكل كان ينتظر الدكتور بعد ساعه وشي ظهر الدكتور وهو شكله حزين..الكل وقف يوم شافه
زايد : دكتووووور بشر
الدكتور : عظم الله اجركم يا اخوان
الكل لحظه صمت لين ما استوعبوا المقصود
مهاري صارخت :لااااااااااااااااااااااااا شو تقول انت تكفا تكفا يا دكتور قول ان اخوي حي لا تجذب
ابو عبدالله لوا على بنته وهو يصيح..الدكتور نزلت دمعه من عينه وهو مب عارف شو يقول اما الام ما قدرت تتحمل الموقف طاحت مكانها
مهاري وهي ماسكة امها : اماااااااااااااااايه
ونقلوها بسرعه لان ارتفع ظغطها..اما زايد من سمع هالخبر تم يصيح مثل الياهل وهو ماسك راسه ويقول ليتني انا ولا انت ياخوي.. توسل الدكتور عشان يدخل ويشوفه لكن الدكتور منعه لكنه دخل بعد اصرار.. وشاف عبدالله ومسك ايده وهو يصيييييح ويقول:ليت يومي قبل يومك ياااااخوووووووي
كان يصيح من قلبه ..عبدالله هذا ربيعه صديق الطفوله كان دايم ويا بعض في كل شي ..كانوا يتشاركون في الحلو والمر..كان كل واحد ما يقدر يستغنى عن الثاني ..كانت لهم احلى الذكريات ويا بعض ..لكن هذا قدر الله وقضاءه محد يقدر يعترض ............
الجزء الاخيـــــــــر
بعد اسبوع من وفاة عبدالله ... واللي الكل اتفاجا ..الكل حزن عليه وخاصه زايد اللي بالفعل كان له والنعم الصديق..كانت الدنيا في نظره سودااا..كان زايد ما يقدر ينام يتذكر ربيعه اللي كل يوم صوته على مسمعه ..الحين كيف ؟؟..كان دايم يفهم نفسه ويقول خلاص عبدالله راااااح ..ما كان يقدر يستوعب ان عبدالله ماااات..خلاص ما بيشوفه ما بيقابله ما بيرمسه مرة ثانيه ما بيكلمه ما بيسمع ضحكته اللي كانت كلها براءه..كان يحس بفراغ ... كانه شي ناقصه ..زايد قطع الكليه حالته كانت صعبه وامه اللي كانت كل يوم يزيد خوفها عليه .. كانت تحاول وياه لكن للاسف كانت تقول من حقه اللي يسويه ..... هذا ربيعه وياهم عشرة عمر ..
ام عبدالله وابو عبدالله مهاري ونوف وشوق.. كانوا دايما يحسون ان البيت خالي فيه حد ناقص فيهم.. عبدالله آآآآه يا عبدالله كانوا مشتاقين يسمعون سوالفه ضحكاته همساته ..ام عبدالله كان تتماسك وتمسك دموعها لكن احيانا تكون الدموع اقوى من الانسان قدرته على التحمل .
الكل كان مفتقده ..مهاري قربت تخلص الكليه.. كانت تحاول تشد حيلها بس تفكيرها كان كله في اخوها اللي راح
بس دام كان تذكر الله وتقول حكم الله مااحد يقدر يعترض ....
مر شهرين وطبعا فيه تاجل زواج نوف وسعيد بسبب عبدالله اللي ما كانوا قادرين ينسووووونه ..اما مهاري كانت تشد حيلها وكانت دايما تذكر اخوها يوم كان يوصيها على دراستها وتحاول قدر الامكان انها تييب شي عشان تحس برضى وتسعد على الاقل اهلها ..
بعد شهور ..رجع زايد لطبيعته ورجع لكليته بس ما قدر لين الحين ينسى عبدالله ربيعه ..لكن هالشي مقدر ومكتوب ..وربعه كلهم كانوا نفس الحاله بس طبعا زايد غير لانه ربيعه من زماااااااان اللي فعلا تعود عليه وتعود وجوده وغيابه يشكل فراغ كبير في حياته ..
لكن قدر الله ما شاء .....
مرت الاياااام وتخرجت مهاري من الجامعه بامتياز والكل فرح فيها واولهم امها وهي بالفعل حست برضىالنفس لانها حققت اللي كانت تريده واللي يريده اخوها منها ....
اما بعد جم شهر تزوج سعيد نوف ..كان دايما سعيد يحاول يسعد نوف باي طريقه وكان بالفعل ونعم الزوج.. كان يحبها وتحبه.. وحبهم اكبر من الوصايف
اما زايد ..بعد ما تخرج والكل فرح فيه.. تمنى زايد لو ان هاللحظه كان وياه عبدالله اكيد الفرحه ما توصف.. آه يا عبدالله كنا دايما ننطر هاليوم وهالساعه وهاللحظه وهالدقيقه بفارغ الصبر.. لكنك رحت عنا قبل لا يجي هاليوم.. ودعتنا للابد رحت وخليتنا ..
بعد جم اسبوع من تخرج زايد ..تقدم لمهاري وطبعا هي وافقت عليه.. وتزوجوا وعاشت حياة حلووووة ويا حبيبها اللي كانت تريده واللي كانت تحلم فيه وكان يحلم فيها غزالها وغزالته..ويابت ولد سماه زايد على اسم اخوها وربيعه.. (( عبدالله )) ورباه زايد احسن تربيه كان دايما يحاول يخليه مثل ربيعه عبدالله بنبل اخلاقه وطيبته وحسن معاملته ..كانت حياة مهاري وزايد من اروع قصص الحب.. تربى عبدالله في كنف امه وابوه وتربى احسن تربيه وعاش حياه سعيده ..
النهاية

والسمووووووووووووووووووحه ادري لعوزتكم

بس ان شاءالله القصص اليايه بنزلكم كل يوم جزء

مرحبا بالحضور يبت لكم قصه حلوه ورهيييييييييييييبه ان شاءالله تعجبكم

تابعوها معاي

عطني من أوقاتك يا حبيبي دقايق
للكاتبة : منطوق قلبي

الجزء الأول:

العاش انسانه رقيقه حساسه وعاطفيه زياده عن اللزوم.. ما عليها زود في الحلاه طول بعرض.. ينعد فيها القصيد من حلاتها وهي بعد تعد القصيد وتشل شلات.. صوتها رهيب .. بعد الثانويه ما كملت دراستها وتمت في البيت مع امها واخواتها واخوانها .. ابوها متوفي من عمرها 15 سنه وهي اكبر وحده عندها 3 خوات واخوان اثنين اصغر منها ....
العاش : اماااااايه ... ملالالالالالالانه ...
ام العاش : انزين شواسويلج ... قلتلج روحي الجامعه مع بنات عمج ما طعتي...
العاش : اووووه ... لا ابى الخامه و لا ابى غيرها ...
ام العاش : عيل سكتي .... مللتيبي ....
العاش : امممممممممممم ..... انزين خلينا نروح البر ....
ام العاش : مالي بارض ارووح مكان ..
العاش : والله انكن حرمات ... اقولج البر قلتيلي مالي بارض ...خلاص عيل بروووووح الموول ..
ام العاش : هذا الي قاصر المول بعد ... الله ينطبه جنه ما خلا خيااس ما ظوااه ...
العاش :ههههههههههههههه .... فديتج والله يالعيوز ... في ذمتج لو كل يوم اسرح عنج الخامه منو بيقصر الدوب عليج كل يووووم الصبح ؟؟........
ام العاش : فديتج يابنتي انا ما بنفعج ... ما بتنفعج الا شهادتج ... هههههههههههه و الا ريلج ..
العاش : وين دربه هذا بعد ؟!!؟ ..... لا ريل و لا شي .... فديتج انا اصلا ما بعرس
فجاه رن تيلفون ام العاش كانت ختها موزه متصله بها.. نشت العاش عنها وراحت اتشوف الطباخ شوه مسوي غدى..وبعدين رجعت الصاله عند امها
ام العاش : العاش المغرب بروووح حق خالتج.. موزه تباني اشوف عونيتها لعرس خلف ولد خالج ....
العاش : و الله ؟!!؟ خلاص عيل بخاويج .. من زمان ما شفت لطوف و فطامي
============
في بيت خالتها موووزه ..
العاش : هلا والله .. شحالج فطامي ؟؟؟
فاطمه : بخييير و نعمه .. انتي شحالج ؟؟...
العاش : عم بندفش يابنت خالتوووو ... ههههههههههههههههههه وين لطووف ؟؟؟
فاطمه : فووق ... يالسه عالكمبيوتر من الصبح ..........
العاش : خلينا نروحلها .. ههههههههههههههههه بطفربها شوي ....
راحت العاش وفاطمه حجرة لطوف و لقنها يالسه على النت ...
العاش : عيييييب عليج ... انا قلت بلقى لطووف في الاستقبااال و انتي اطرقعييين صبوعج عالكمبيوتر ......
لطوف : مرحبا ملايين ولايسدن ... فديت روووحج و الله ما دريتبج انج بتيييينا و الا جاااان سويييت حفله هههههههههههههه
ونشت لطوووف وسلمت على بنت خالتها العااش ....
العاش : خلي عنج ... شوووه تسوين ؟؟؟؟
لطوف : هههههههههه ... العب عالشباب في النت ... اففف يالعاش لو تشوفين شو مسويه فيهم ههههههههه …..مظهرتلهم قرووون هههههههه...
العاش : هههههههه ...... ما تستحين تلعبين عمخاوين شما ؟؟ ... عيب عليج ههههههه منقووود منقوووود هههههه..
لطوف: هههههه ... فديتج تعالي شوفي شوبسوي بهذا DaloOo3_AD
ويلست العاش عند لطووف ويلست اتشوفها شواتسوي و هي مب عارفه نص كلامهم ...
العاش : لطوف شوهذا ؟؟ ... عيب عليج ما ظويت دار من رمستكم ... يابويه لا ترمسون عربي شرات الناس و لا حتى انجليزي ....
لطوف و هي تضحك عالعاش : هههههههه العاش احنا نتكلم بالعربي بس نكتب بالانجليزي ...
العاش : وشالله حادنكم عهالعثره .....
مع الوقت عجبتها العاش السالفه ... و صارت اتقول حق لطووف شوه اتقوولهم ....و مر الوقت ويت فاطمه اتقول للعاش ان امها تباها عشانهم بيروحون .
لطوف : العاش باتي عندنا ... فدييييتج ..
العاش : وين ابات .. لا ما اريد برووووح بيتنا احسن لي الحين بيظوي خالي مطر و علوووه السبال و مالي بارض اتواجع معاه ... افففففف كيف اكره هالانسااااان ..
لطووف : ايه منوه السبال ؟‍.. باباتي سبااال يالسباله ؟‍
العاش : لا فدييييت خشمه بو غيث .... لا انا اقصد علوووه .. هو السبااال .. حاشرني دشي الجامعه و دشي الجامعه جني عرااسه ...
ويلسن يظحكن ..
لطوف : العااااش بنبات نسولف عالنت طيعي الشووور ...
العاش : ههههههههههههههههههه ... الرحمن خليني اجابل عيوزي احسن ..
=============
وتمر الايام والعاش عنفس الحال ما عندها شي تسويه و ان طلعت يا تروووح البر او المزرعه عند امها ... و نادر اذا بترووووح السووق ... و في يوم اتصلت العاش ببنات خالتها موزه وكلمت لطوووف .... يلست لطوف اتقولها عن السوالف الي تستويلها في النت ... و كيف ترد عليهم و تتواجع مع فلان و تمدح فلان .... بعد ما سكرت عنها العاش فكرت انها تشتريلها كمبيوتر و تتعلم على النت و قالت لامها ..
العاش : امااااايه ..... اريييد كمبيوتر ...
ام العاش : شوووو ؟؟؟‍ ... و شوووه هذا بعد ؟؟؟ ......
العاش : ههههههههههههه امايه هذا شي شراااات االتلفيزيون ....
ام العاش : ويوم هو شراات التلفيزيون شووو تبينه من قل التلفيزيونات عندنا ...
العااش : لا امي ههههههههههه ... هو غير .. امي لو اقولج ما بتعرفينه ...
ام العاش : وانتي شحايتج فيه ؟!!؟؟..... بس بس من اللعبه ..
العاش : اماايه لطوف عندها ... ولطوف مب احسن عني ... وانا بصراااحه يالسه في البيت و ملالالالانه و الله .....
ام العاش : ما عليه فالج طيب .. بس خلينا نتفجج من عرس خلف وعقب يستوي خيييير انشالله ...
==============
خبرت العاش لطوف وصارت كل يومين اتروووح عندها الين ما تمت تعرف كل شي عن النت .. وتمر الايام ويقرب عرس خلف ولد خالها ... و البنات مرتبشااات ... وين بيتعدلن ؟؟؟ و متى بتيييهم الحنايه ؟؟؟ و غيرها من سوالف البنات ...
==============
.يوم عرس خلف في قرية البوم في دبي ...
ام العاش : لوهم معرسين في خيمه مب أخيرلهم من هالقاعه .......
ختها موزه : يابويه بغيتووووو هل دبي .... هذي حياتهم هل دبي الا قاعات ..
العاش : امبونكم ياهل العين ما يعيبكم شي ....
كان العرس واايد فخم و العرووووس رهيبه ... بس الكل كان يشوف العاش كانت مسكته مع انها كانت لابس يشمك و فاتحه شعرها يعني مب مسويه شرات بنات خاوالها و مع هذا كانت تفتر الها الرووووس كل ما اتروووح مكان ... و قبل لا يدخلون المعرس اتصلبها حمد خوها ....
حمد : العاش مفتاح البيت عندج ؟؟؟؟ ...
العاش : لا عندي امي ... ليش بترد العين ؟؟؟؟
حمد : هيه ... برد مع الشباب ... خلاص خلص عرس الرياييييل .... انزييين العاش خذيه من عند امي و طلعيلي برى ...
العاش : انشاالله الغالي ...
راحت العاش وخذت المفاتيييح من عند امها ولبست شيلتها و عباتها و طلعت هي و لطوووف من القاعه ادور حمد .... بس مالقته ... ما انتبهت لا هي ولا لطوف ان في حد كان يالس على الطرف الثاني من الممر (كان خلف المعرس و معاه واحد من الشباب ) و هم اروووحهم ما شافوهن ..... بس انعكست صورتهن على الزجااااج فانتبهووو لهن .. اول ما شافهن خلف نش صوبهن و تم الثاني يالس و هو فاج ثمه من الي يشوووفه ... كانت ملاك احلا انسانه ممكن يشوفها في حياته ... جمالها رباني .... كل مافيها حلو طولها بعرضها اديها ويها .. كل شي فيها حلووو ... في ذيج اللحظه اتصلت العاش بحمد اتشوفه وين .... اول ما سكرت عنه شافت خلف ياي صوبهن .. فتغشت عنه بعكس لطووووف الي يلست تضحكله ...
خلف : يالله عليج ... شعنه متغشيه بعد ؟؟
العاش : و من متى وانا اتم امجابله ... دومني اتغشى ... ههههههههههه
خلف : لا عاد من زييين الغشوه الي متغشيتنها ... يابويه شيلتج و عباتج ما منهن نفع لو تعقينهن خير ...
العاش و هي تضحك : مالت عليك يالملقووووف ... الله يعين حرمتك عليك ...
خلف : عطاري حرمتيه ... شوووه حلووووه ؟؟؟؟؟
لطوف : لو ما كنت تحيدها حلوه ما خذتها ....
خلف وهو مستحي : لمي ثمج .. انا ما سألتج انا سألت العااااش ...
وشوي وان حمد حادر عليهم بس لف صوب مكان بعدين ياهن ....
وراح صوب العاش وهو معصب ...
حمد : شو موقفنج هنيه .. مجابله جدام الرياييييل .؟؟؟؟؟؟؟؟ ....
العاش : حي وينهم الرياييييل محد الا خلف ..؟؟؟؟!!!!!...
لطوف : اوين الياهل مسوي عمره ريااال ...
العاش : لطووووووف .....
حمد : لا والله ؟!!!!؟ ... وراشد مب ريااال ؟!!؟؟؟ .... جنه من الصبح يشوفكن ... ولا حافظ عليج متستره فيا هالعباه و الشيله ..
لطوف : منو راشد ؟؟؟؟؟ ..... ما شفناه وين كان ؟؟؟؟؟؟؟
خلف : افا يابوشهاب .. انا عندهن .. وبعدين بو سنيده حشيم مايرفع عينه في حرمه ..
عطت العاش المفاتيح لحمد ... وراحوو عنهن .. و هي راجعه القاعه تذكرت اتقول شي لحمد فردت هي ولطوف عشان اتقوله .. و شافن راشد و حمد وخلف واقفييين في نص الممر .. ماتت لطوف يوم شافت راااشد .. راشد ريال اتفز له ميالس بالريااايييييل ... له هيبه الي يشوفه يقول ولد شيوووخ .. طول بعرض ....ما عليه قصووور
لطوف : العاااااااااااااش .... شووفي محلالالالالالالاته ....
العاش وهي مب مهتمه : هذا راشد ؟؟؟ .. ما كنت اتوقعه جذيه .... مب هو الي يدرس في بريطانيا ؟؟
لطوف : ياويل حالي اسميني ما ببات الليله من عقب ما شفته ... حشى مب حلاه فيه ... رحييييييييييم ما شالله عليه ..
العاش : اوووووه تراه الا رشووووود ....
لطوف : مالت عليج .. هذا وهو ولد عمج و هذي رمستج !!!!... والله لو هو ولد عمي اني اقردنه ههههههه...
العاش : مره واااااصل خذيه ... اففففففف هالانسان عمره ما عجبني ... على فكره تراه شيييبه دااااق الثلاثييييين .....
لطوف : الا هذا احلا عمر للريايييل .... ياويلي محلاته .. مره ما اتقولين الا ولد شيووووخ ..
العاش : شاخت ركبج عسى .... طوفي طوفي جدامي قبل ليشوفنا حمد ما فيني للسانه ..
بعد ما راح حمد تم خلف و راااشد برووحهم ... راشد ضاربنه الفضووول ايريييد يعرف منوه هالبنت الي شافها ...
راشد : خلف منو الحرمات الي رحت و سلمت عليهن ...؟؟؟؟؟
خلف : اي حرمات ؟؟!!!!!.....
راشد : الي كنت عندهن يوم ياك حمد ....
خلف : ههههههههههههه .... امحق حرمات ... هذيل لطوف بنت عمتيه موزه والعاش بنت عمتيه مريم .... العاش بنت عمك سعيد ...
راشد : قووول والله ؟؟!!؟؟ ... العاااااش !!!!.... اي وحده فيهن ما عرفتها ؟؟؟....
خلف : ههههههههههههههه .. الي اوين متغشيه عني ..
راشد : صدق و الله ؟!!؟؟ هذيج العااااااش ..... ماشالله عليها كبرت اعديب
ها من زمان ... من عزى عمي الله يرحمه ... و قال في خاطره مب الا كبرت بس الا حلوت صارت ملاك ماله مثيل.

الجزء الثاني

و بعد عرس خلف ... سافر راشد بريطانيا عشان يكمل دراسته و هو باقله سنه و نص و يخلص ... و كل خاطره في العاش ... كان يحلم بها في ليله ونهاره ... ايريد يخلص بس عشانها ... ومع هذا العاش ما فكرت فيه ولا لحظه .. وخاصة بعد ما تعودت على النت و صارت تصبح و تمسي عليه ....
اول شي العاش بنكReEeM_ZaYeD ولطوف بنك DeHeN_3oOoDا
كانت ادش المنتديات والماسنجر بس بعدين علمتها لطوووف على الشات و صارن ايدشن .. بس لطوف ما كانت ادش وااايد عشان دوامها في الجامعه .. بعكس العاش الي ما كان عندها شي اتسويه ...كانت تتواجد 24 ساعه فيه .... الكل كان يعرفها .. و وااااايد من الشباب الي كانووو معجبين بها ... ووااايد الي قالولها انهم يحبونها و غيرها من هالسوالف ... بس العاش ما كانت معبر حد منهم .. كانت دايمن تتواجع معاهم بسبب وبدون سبب ... بس بينها و بين نفسها عمرها ما صدقت سوالف النت .... كان في الشات واحد نكه Die4ZayeD كانت معجبه فيه ... ما كان يعطيها ويه و لا يسويلها مثل باقي الشباب ...
شحاااااااالك ؟؟eHeN_3oOoD
: بخير قبل لا اشوووفج ....Die4ZayeD
: الشرهه مب عليك الشرهه على الي يسلم عليك و يعطيك ويه ....DeHeN_3oOoD
: و منو عااااد الي قالج سلمي ؟؟؟‍‍؟؟؟Die4ZayeD
: والله ما تنعطى ويه .... الي بيكلمك مره ثانيه .....DeHeN_3oOoD
: لا ارجووووج بموت ... لا ما استحمل بعدج .... يعل العين ما تشوووفج ...Die4ZayeD
: يااااالزفت ............... اكرهك ....DeHeN_3oOoD
: لا عاد انا الي اموت فيج ... ما ابات الليل من حبج ......Die4ZayeD
: تعرف شووووووووووووووه ؟؟؟؟؟؟.......DeHeN_3oOoD
: شوه ؟؟؟؟.....Die4ZayeD
: زوووووووووووووووووووووول ........DeHeN_3oOoD
: والله ؟؟؟ .. من عيوني .....Die4ZayeD
وطلع من الشات..تمت العاش متلومه لانها حست انها غلطت عليه.. وفي اليوم الثاني كانت العاش اتسولف مع ALMo7tRaM & 3yOoOn_AL3in ودش نفس الشخص الي تواجعت معاه امس ... اول ما شافته طرشتله على الخاص ..
: السمووووووووووووووحه منك الشيخ ... اذا كنت غلطت عليك امس ...DeHeN_3oOoD
: انا المفروض الي يتعذر الشيخه مب انتي ... انا الي غلطت عليج ... السموحه منج يالغاليه ...Die4ZayeD
: لا افا عليك مسموح الشيخ .... ما حصل الا كل خيرر .....DeHeN_3oOoD
: غصبا عنج مسموووح .. مب بهواج .. ههههههههههههه ...Die4ZayeD
: روووووح لا ..... جلب ويهك يالزفت ... ههههههههههههههههههه ....DeHeN_3oOoD
: والله ؟؟؟؟..... اجلب ويهي ؟؟؟؟؟؟ .....Die4ZayeD
ترد عليه وهي مب عارفه شوه الي صار الها : بصراااااااااحه ............DeHeN_3oOoD
: امممممممممممممم بصراااااااحه ...... شوووووووه ؟؟؟!!!!!!؟؟؟Die4ZayeD
: ..................... لا ... DeHeN_3oOoD
: ههههههههههههههه ..... حلاتج بعد اتقولين هيه ........Die4ZayeD
: هههههههههههه....... مالت عليك والله ما تنعطى ووووووووووويه ........DeHeN_3oOoD
وتمر الايام وتطورت علاقة العاش بهالانساااان الي ما تعرف حتى اسمه ... و تمت اتكلمه يوميا على الماسنجر ...
: اممممممممممممممم ... ممكن اطلب منج طلب ؟؟!!!؟؟.....Die4ZayeD
: لبيه الشيخ ....DeHeN_3oOoD
: ممكن ما ادشين الشاااااااااااات .......Die4ZayeD
: امممممممم ......... ليش ؟!!؟؟؟ ....DeHeN_3oOoD
: بس ... ما اريدج ادشييييييييينه ........Die4ZayeD
: اذا قلتلي سبب يقنعني .. ما بدش ...DeHeN_3oOoD
: اوكي ولو قلتلج ... لو كنت غالي عليج لا ادشين ... بدشين ؟؟؟!!!!؟؟؟Die4ZayeD
: اممممممممممممممممممم .......DeHeN_3oOoD
: شوه المفروووض افهم من هالاممممممممممممممممممم ...؟؟؟؟؟؟؟؟......Die4ZayeD
: ليييييييييييييييييييييييييييش ؟؟؟؟؟؟؟؟؟؟؟.......DeHeN_3oOoD
: بصراحه ... لاني احبج واموت كل ما اشوفج اتكلمين غيري .......Die4ZayeD
و هي منصدمه : شووووووه !!!!!!!؟؟...... اتحبني ؟؟؟؟؟؟....DeHeN_3oOoD
: و امووووووووووووووووووووت فيـــــــــــــــــــــــــــــــــــــــــــج.... ........Die4ZayeD
: بس انت ما تعرفني ..... وانا ما اعرف عنك اي شي .....DeHeN_3oOoD
: شووووه تريدين تعرفين عني ..... انتي تقريبا تعرفين كل شي عني .........Die4ZayeD
: اممممممممممممممممم ...... بس ما اعرف اسمك ....DeHeN_3oOoD
ههههههههههه .... اسمي حمدان بن سيف المحيربي .... من هل بوظبي عمري 25 . اممممممم انسان وحيد و .....يحبج Die4ZayeD
: ..............................DeHeN_3oOoD
: الغاليه اعتقد انج نسيتي تكتبين شي في المسج الي طرشتيها حقي .............Die4ZayeD
: هههههههههههههه يالزفت ما نسيت بس ما عرفت شووووه ارد عليك .....DeHeN_3oOoD
: قوليلي احبــــــــــــــــــــــــــك .. و بس ......Die4ZayeD
: ههههههههههههههههه .......DeHeN_3oOoD
: اوكي خلاص قوليلي اسمج ....... يالزفته ...هههههههههDie4ZayeD
: هههههه اسمي عايشه الكتبي من هل الخليف يدلعوني العاش .. عمري امممممم 20 و بس ...DeHeN_3oOoD
استمرت علاقتهم شهوور.. والعاش بتموت عليه وما تقدر اتفكر في غيره.. كان حمدان كل الدنيا في نظر العاش ..ووجوده عندها يسوى الدنيا وما فيها مع ان علاقتهم كانت محدوده في النت بس .. وفي هالوقت كان راشد يفكر في العاش بنت عمه الي صارتله سبب يعيش عشانه ..سبب يصبره على الغربه.. في يوم كان راشد يالس مع الشباب في شقتهم وكل تفكيره بالعاش الي صارت حلم حياته.. صار يتنفس هواها ويتغذى بشذاها.. كان خلف اييبله كل اخبارها.. وهذا الي كان يصبره ...
ناصر : بوسنيده ............. وين وصلت ؟؟؟؟؟؟
راشد : ااااااااااه يابوهيوان .......... وصلت الخليف .......
ناصر : الخليف ؟؟!!!!؟؟!!؟!... و انت شو لك في الخليف ؟؟؟
راشد : قلبي و روحي و عمري و كل دنياي ...
ناصر : اب اب اب ...... الرياااال غارج و ما عندنا خبر .....
راشد : اووووه نصووور فكني من طنازتك .... و الله ما لي خاطر ...
وشغل غنيه ميحد حمد يابحر و يلس يسمعها ... بعدها دش راشد النت و دش موقع http://www.myuae.com/
عودتلي من ماضي الوقت تذكار ... تذكار خل ابعدته الليالي
و اسباب ظرف حط في خافقي نار ... سوالها بها داخل الصدر فالي
ياليت يدري ناعس الطرف وش صار ... ان جان ما خلاني بجو خالي
لانه يعرف اني من الناس ما اختار ... غيره و لا ابدل سواه بدالي
راشد : و الله يا نااصر بمـــــــــــــــــــــــــوت عليها ...
ناصر : اوكي موت على كيفك بس لا تحشرني ... يالس اقردن وحده في النت ..
====================
في يوم كانت العاش يالسه على النت تستنا حمدان.. بس ما دش.. وبالباجر نفس الشي ما دش.. صارله يومين وهو ما ايدش والعاش خايفه عليه مب عارفه شوه الي صارله.. فاتصلت بلطوف وقالتلها.. دشت لطوف الشات وسالت واحد من ربعه فقالها انه سوى حادث من يومين وهو مترقد في مستشفى خليفه..خبرت لطوف العاش ويلست العاش تصيح.. خايفه ليكون وايد انصاب.. مب عارفه كيف ممكن تتطمن عليه..كانت الساعه 12 فليل ولعاش بتموت عشان تعرف اي شي عن حمدان ..فاتصلت بالمستشفى وسألت عنه.. فحولوها على غرفته ..
حمدان : ألووو ...
العاش تسمع صوته ومب قادره تتكلم .....
حمدان : الووو ..... الوووو ...... والله ما تستحووون ....
وسكر .. رجعت العاش واتصلت مره ثانيه ...
حمدان : الووو ...
العاش : .... الووو ..
حمدان : مرحبا الساع ..
العاش : شحالك ؟؟
حمدان : بخير ربي يسلمج ....
تمت العاش ساكته لان دموعها منعتها من الرمسه ....
حمدان : الشيخه ... رب ما شر ؟؟؟؟
العاش : فديييييتك حمدان ...
ويلست تصييييح ........ حينها عرفها حمدان
حمدان : فديت روووحج العاش ... كيف عرفتي اني في المستشفى ؟؟
قالتله العاش كيف عرفت انه مرقد في المستشفى وكل شي.. يلست العاش اتكلم حمدان ساعتين وزود وهي مب حاسه بعمرها.. دشت الممرضه على حمدان عشان تعطيه الدوى فاطر حمدان انه يسكر عنها.. بس قبل لا يسكر قالها .
حمدان : العاش .......
العاش : لبيه الغالي ......
حمدان : ممكن اقولج شي ... بس توعديني انج ما تزعلين مني ......
العاش: ههههههههههههههه .... شوووو ؟؟؟
حمدان : فديت صوتج .... حد قد قالج ان صوتج حلو ؟؟؟
العاش و هي مستحيه : هههههههههههههههههه .... هيه قالولي .... و مب بس صوتي الحلووو ..
حمدان : هههههههههههه يالغروور الي بيذبحج ...... فديييييييييييييييت الحلوه و الله
===============
استمرت علاقتهم عالماسنجر بس من فتره لفتره كانت العاش تتصل بحمدان ... و كملو سنه تقريبا ... كانت العاش وااااااايد تحب حمدان لدرجة ان هالحب عماها عن خطاها معاه.. في يوم اتفقووو انهم يتواعدووون ... بس ماعرفت كيف او وين ممكن اتشوفه.. قالتلها لطوف انها بتساعدها اذا احتاجت لمساعده عشان اتشوف حمدان.. وصادف ان بخيته حرمت خلف ربت وكانت في مستشفى الكورنيش في بوظبي.. وكان من المفروض انهم بيروحولها فاتفقت العاش مع حمدان انها بتشوفه في هاليوم بس متى او وين ما تعرف بس بتتصل به وبتقوله
لطوف : ما عليج العاش خلي السالفه عليه ...
العاش : لطوووف خااااااااايفه ....
لطوف : ما عليج من شي ... لا تخافين .... العاش ما تبين اتشوفين حمدان ؟؟؟
العاش : الا بموت عشان اشوووووفه ... فديت روووحه ...
لطوف : خلاص عيل خليها عليه ....
راحت العاش وامها و معاهم لطوف بوظبي وراحو المستشفى حق بخيته حرمة خلف .. بعدها بعشر دقايق قالت لطوف حق خالتها انها بتروح المغربي عشان اتفصل لها نظاره وشلت العاش معاها ... وتم اللقا بين العاش وحمدان في قصر الهند .. دخلت العاش ولطوف المطعم وكانت الساعه 4:30 .... كانت العاش اتكلم حمدان في التيلفون ..
العاش : حمدان وين انت ؟؟؟؟
حمدان : في السياره بعدني ما نزلت .....
العاش : لا والله ؟؟؟ ... شوه تستناني اعزمك يعني ؟؟؟
حمدان : ههههههههه ..... لا قلت بشوفج اول شي... جاد تكونين خسفه و الا شي ... عشان اشرد قبل لا ادبس بج ... هههههههههههههه
العاش : مااااااااالت عليك ... انا خسفه ؟؟؟!!!!؟؟؟؟ ... خلني اشوفك بس و بنتفاهم ...
حمدان : ههههههههههههههه .... دشيت المطعم ...
دخل حمدان المطعم وكانت العاش واقفه عند الريال الي يسوي الاساور ويبيعهن.. اول ما دش حمدان التفتت العاش صوبه.. كان لابس كندوره كركميه.. كان رهيب.. وقف قلبها يوم شافته ..
حمدان : السلام عليكم ...
لطوف : وعليكم السلالالالام .... تمت العاش ساكته
حمدان وهو ملتفت صوب العاش : شحالج ؟؟
العاش : .. بخير ربي يسلمك .... انت شحالك ؟؟؟...
حمدان : بخير و سهاله ... اممممممم .. ليش واقفات ؟؟ تعالن بنيلس ... شوه وين تبن فوق و الا تحت هني ؟؟؟....
لطوف : لا انا السموحه منكم بروووح و برجع بعدين ..

العاش : شوووووووووه ؟؟؟؟.... وين بترووووحيييين ؟؟؟؟؟
لطوف : شوه وين بتروحين ؟!!.... بروح المغربي افصل النظاره
وطلعت لطوف بدون ما تعطي فرصه للعاش عشان اترد عليها
حمدان : العاش ...
العاش : لبيه ..؟؟؟
حمدان : فوق و الا تحت ؟؟
العاش : على كيفك ..
حمدان : خلاص فوق عيل ... ههههههههه عشان تعقين غشوووووتج هههههههه ..
العاش : بايخ ..

الجزء الثالث مب وايد طويل فنزلته مع هالجزء

الجزء الثالث
كانوا بيركبون فوق بس قالهم النادل انهم ينظفون فوووق و ما بيفتحون الطابق الثاني الا الساعه 5 راحووو و يلسو على طاوله في طرف المطعم .... يلس حمدان امجابل العاش .... كانت العاش واااايد مستحيه ...
حمدان : امممممممم ... ما بتعقين الغشوه ....... لو شوي بس ؟؟؟؟
العاش : شوووووووووه ؟؟
حمدان وهو يطالع الطاوله الي عدالهم في الطرف الثاني : لا .. لا تعقينهااااا ...
العاش : هههههههههههه ليش ..؟؟؟؟؟؟
حمدان وهو يقلد ظحكت العاش : ليش ؟؟ .... لا والله ؟؟؟ ما اتشوفين الشباب ؟؟؟
ظحكت العاش من حمدان وتمت ساكته ... حمدان يالس يتأمل العاش
حمدان : ادييييييج حلوه ....
حطت العاش اديها تحت الطاوله و هي خايفه : شكرا
حمدان وهو يظحك : ههههههههههههههه خييييبه ....
بعدها ياهم النادل وقالهم اذا كانو يبون يروحون فوق ... قامت العاش و عقبها حمدان .. و عند الدري
Lady first حمدان:
يوم وصلو الطابق الثاني
حمدان : اي كبينه تبين ...
العاش : اي وحده شووه تفرق يعني ...
حمدان : هههههه والله ما تنعطييين ويه ....
دشو في كبينه .. يلس حمدان جدام العاش
حمدان : العاش ... ههههههههههههه ما تبني ايلس عدالج ؟؟
العاش : شوووووه ؟؟؟؟ والله لو قربت مني اني افلعك بهالصحن ....
حمدان : ههههههههههه .... خيبه خيبه ... كتبيه ... تسوينها بصراحه
العاش : لا والله ؟؟؟؟... يعلك تسد عوقها الكتبيه ...
حمدان : فدييييييييت رووووووح الكتبيه و الله ... انا كلي فدوى عشانها
سكتت العاش ما عرفت شوووه اتقوله و هي مستحيه ...
حمدان واونه يغني : اممممم ... شيلي الطرحه عن الوجه السموووح ... نوري كل الوجود بطلتج ..
كملت عنه العاش : املكيني بالغلا عمر و رووووح .... زلزليني لا رميتي طرحتج ..
سكت حمدان وهو يسمع العاش تغني ... شافت العاش نظرة الحب في عيونه ... قطعت عليهم النادلة اليلسه و عطتهم قائمة الطلبات و طلعت عنهم ... حينها عقت العاش غشوتها ... انتبهلها حمدان بس ما التفت صوبها ... وتم يقرى ... بعدين رفع عينه صوب العاش ... شاف ااايه من الجمال جدامه
حمدان : لو ما كنت متأكد انج العاش جان قلت انج ملاك نازللي من السمى ..
العاش : هههههههههه ... بصدق عمري بعدين ....
حمدان : ههههههههه من حقج الغاليه .......
بعدها اتصلت لطوف بالعاش عشان تعرف هم وين يالسين ... يتهم و يلست عندهم شوي ..
حمدان : الشيخه ما تبين شي؟؟... عصير .. ماي .. اي شي ؟؟؟
لطوف : تسلم ... ما عندنا وقت لازم نرووح خالوه من الصبح تتصل بي
العاش : اووووه صح .. انا ما رديت عليها يوم اتصلتلي ..
لطوف : هيه عشان جذيه خالوه ذبحتني ... امممممم ..... هاه حمدان شوه رايك بالعاش ؟؟؟؟؟؟؟؟؟
حمدان : العاااش؟؟ .. ااااه.. ما عليها زووود بنت سعيد.. تعرفين انها ذبحتني.. يوم كنت اسألها عن شكلها كانت اتقولي ابشع عن نجوى كرم واحلا عن انتصار الشرااح.. ههههه ذبحتني والله ......
لطوف :هههههههههه ... بس اعتقد انها احلا عن نجوى كرم ... و الا شوه رايك ؟؟
العاش : بس لطووووووف .... افففففففففففف يله يله خلينا نرووووح ....
طلعو من الكبينه كانت لطوف اولهم وبعدها حمدان وعقب العاش.. عند النزله داست العاش بكعبها على طرف عباتها فكانت بتطيح فلا اراديا حطت ايدها على ظهر حمدان عشان ما اتطيح عليه ..
حمدان : شوووه بلالالالاج ؟؟!!!!!؟؟.
العاش : لا ماشي بس كنت بطيح ...
حمدان : ههههههههه ما تبيني اشلج ؟؟؟؟..ههههههههههههههههههه
العااااش : يالزفــــــــــــــــــــت ....
وتمر الايام والعاش تحس انها تخون ثقة امها فيها .. تحس انها انسانه منافقه .. مب عارفه شووووه اتسوي .. فقررت انها تقطع علاقتها بحمدان ..
لطوف : العاااااش ؟؟؟.... اكيد انتي مينونه ؟؟....
العاش : لطوووف ... حمدان لو يباني تراه يدل بيت هليه .....
وتفاجأت العاش ان حمدان ما حاول انه يتصل بها او حتى يعرف سبب قطعها للعلاقه بينهم وتمر الايام والشهووور والعاش عايشه على ذكرى حمدان ... تتذكره في كل دقيقه من يومها.. رجع راشد من بريطانيا بعد ما خلص دراسته.. و اول شي سواه انه راح بيت عمه في الخليف ... عل وعسى يشوف العاش الي صارت كل حياته .. و لكنه للاسف ما شافها ... كان بيموت بس عشان يشوف طيفها ..
راشد : خلف بين بس عشان اشوفها .. لو اشوفها ثواني ..
خلف : راااشد ... تحبها ؟؟؟؟؟؟؟
راشد : الا بموت عليها ..........
خلف : نصيحه خذها مني .. لو كنت تحبها خطبها قبل ليخطبها حد غيرك ...
راشد : شووووه ؟؟؟؟ حد غيري ؟؟؟ مستحييييييييييل .......
مرت سنه على اليوم الي شافت فيه العاش حمدان.. كان يوم 21\7 ...نفس اليوم الي شافت فيه حمدان.. ما قدرت العاش انها تمنع نفسها انها ما تتصل بحمدان.. كانت الساعه 6 المغرب
حمدان : الووو ...
العاش : الووو
حمدان : فدييييييييت راعية هالصوووت ياناس ....فديييييييتج العاش ....
العاش : هلا حمدان ....... شحالك ربك الا بخير ؟؟؟؟؟؟........
حمدان : انا شحالي؟؟؟....و الا انتي ... وين كل هالغيبه ؟!!!!!!؟؟ حرام عليج .... هنت عليج ؟؟!؟
العاش : حمدان ...
حمدان : عووووووونج ......
العاش : تتذكر هاليووووم ؟؟؟.؟؟...
حمدان : انتي تتذكريييييييين ؟؟؟؟؟؟
العاش : وعمري ما نسيته .....
حمدان : والله ؟؟؟.......
العاش : والله...........
حمدان : فديييييييييييتج و الله ...........هاه قوليلي شوه دنياج و ........ شووووووه عرستي ؟؟؟؟......
العاش : مستحيل اكون لحد غيرك ............. و انت ؟؟؟؟؟؟؟
حمدان : هههههههههههه بعدني اعزب ..........
تمت العاش تكلمه اكثر من ساعه و كل خمس دقايق تصيح كل ما تتذكر موقف حصلهم و الا سالفه استوتلهم .....
العاش : حمدان ... بخليك الحين ......
حمدان : لا تقولين بخليك .... بترجعين تتصلين ؟؟؟؟؟......
العاش : ما ادري .... يمكن ....
حمدان : ارجوج العاش ..... ارجوج انا بستناج اوكي حبي .....
العاش : انشالله .......
سكرت العاش عن حمدان و ي فرحانه ....كان يوم 31\7 اتصلت العاش بحمدان وحطتله على الفويس مييييل ماله غنية ميحد بحتفل بعيد ميلادك.. وقالتله( كل عام وانت الحب يالغالي ... وانشالله عيد ميلادك الياي اكون وياااك و نحتفل) .... مر اسبوع من ذك اليوم و مافي اي خبر عن حمدان ..... في فتره كانت تي للعاش مكالمات من رقم غريب اكثر من مره ... بس كان يصادف انها تكون تتسبح و الا التيلفون ما يكون عندها .... و ما حاولت انها تتصل ... بس في مره اتصل بها نفس الرقم فردت عليه .....
العاش : الووو ......
وتفاجأت انه حمدان .....
حمدان : الله لا يحرمني من راعية هالصووووت ......
العاش : هلا و غلا ملايييييييييييين و لايسدن .....
حمدان : فديت روحج و الله ........ شحالج ؟؟؟؟؟؟
العاش : بخير و نعمه يالغالي .... انت شحالك .؟؟؟؟؟؟؟................
حمدان : آاااااااااااااه ... ولهاااااان ...
العاش : ههههههههههههههههههههههههه ........
حمدان : فديييييت ظحكتج و الله ........................ العاش ..؟؟
العاش : لبيه .....
حمدان : قولي انج تحبيني ............
العاش : حمدان .. انا ما احبك بس الا امووووووووووت فيييييييييك ......
حمدان : فديتج و الله .......
حست العاش ان حمدان فيه شي ... فيه شي مب طبيعي .....
العاش : حمدان ... ممكن اطلب منك طلب ؟؟؟
حمدان : عيوني لج الغاليه ااااامري .....
العاش : حمدان .. انا ما اريدك تتصلبي مره ثانيه..لاني مب دايما اكون بروحي عشان اقدر ارد عليك ..وبعدين انا ما اريد استمر وياااك على هالوضع
سكت حمدان و ما قالها شي .......
العاش : حمدااااااااان ؟؟؟؟؟
حمدان : من حقج العاش .... السموحه منج اذا كنت ازعجتج ... بس يووم تقدرين ممكن ادقيلي ... ارجوج العاش .....
العاش : من عيوني الغالي ...
سكرت عنه العاش وهي حاسه ان حمدان فيه شي بس شوه هو ؟؟؟؟..... ما تدري ...بعد ما اشتغل راشد و رتب وضعه رمس هله على انه يخطب العاش بنت عمه سعيد ...
بوراشد : زين ما اخترت الغالي ..... فديتها العاش حرمه ما عليها قصووور ...
ام راشد : حليلها يتيمه .... زين يوم انك بتاخذها .... بتستر عليها ..
راشد و هو معصب من رمست امه : الا هي الي بتستر عليه ..
راحت ام راشد و رمست ام العاش عن السالفه ... طلبت منها ام العاش وقت الي ما اتشاور العاش ..
ام العاش : العاش ............... العاش ........
العاش : لبيه امايه ........
ام العاش : تعالي اباج في سالفه ....دخلت العاش حجرة امها ..
ام العاش : سكري الباب ...
العاش : خير يالعيوووز رب ما شر ؟؟!!!!!!!!؟؟...
ام العاش : يتني اليوم عمتج مزنه .. و رمستني في سالفه و ابا اشاورج فيها
العاش : خير انشالله يالغاليه ؟؟.....
ام العاش : رااشد يبااج ...
العاش : شوه يبااااااا ؟؟!!!!!!؟؟؟
ام العاش : شوه يبا بعد ؟؟؟ يبا يعرسبج ....
العاش : شووووووه ؟؟!!!!!!؟ ... مره ما طرالي ..
ام العاش : حي شوه ما طرالي بعد ؟؟؟؟!!!!!!!!؟؟؟ ... شعنه ما تبينه ولد عمج .. بتظوين اخير عنه انتي ؟؟!!؟؟
العاش : امايه ما ادانيه ...... ابغض شوفته .....
ام العاش : ما عليه عقب ما تاخذينه بتدانينه ..... و بتموتين عالتراب الي يدوووسه ...
العاش : هذا الي قاصر بعد ....... بعدين لطوووف تحبه ... لا لا ما اقدر ..
ام العاش : وانتي شوه لج بلطوووف ... لو هو بغاها جان خطبها ... ما تعنالج انتي من بد البنات ....
العاش : مااااا اريده ....ما اريده ... ويلست تصيح .... لو بويه حي ما جان قلتيلي هالرمسه ...
اول ما سمعت امها رمستها سكتت لانها تعرف ان سعيد ما كان بيغصب بنته على شي ما تباه حتى لو كان ولد خوه .... في نفس اليوم الساعه 4 الصبح اتصلت العاش بحمدان بدون ما تعرف السبب.. بس حبت انها تحسبه قريب منها ..يحسسها بحبه ... بس حمدان تاخر الين ما رد عليها ... و اول ما رد عليها كان يتلعثم لدرجة ان العاش حست انها مغلطه في الرقم ..

الجزء الرابع..

..العاش : حمدان ؟؟؟؟؟.....
حمدان : لحظه .....
وخذ فتره بعدين رد عليها كانت العاش تسمعه يفتح ابواب و يسكرهن
حمدان : هلا ... مرحبا ملايييييين بالغاليه ..
العاش : شوه كنت نايم ؟؟؟؟
حمدان : لا عادي حبي ...
العاش : حمدان .........
حمدان : عووونج الغاليه ....
العاش : امي كلمتني في سالفه اليوم و كدرتني .... ما قدرت انام منها ..
حمدان : رب ما شر ؟؟؟؟؟؟
العاش : حمدان ....... خطبني ولد عمي .....
تم حمدان ساكت فتره ..... مب عارف شو يرد عليها ...
العاش : حمدان شو بلاك ساكت؟؟.. زعلت؟؟.. حمدان انا مستحييييل اكون لغيرك حبيبي.. صدقني.. عشانك انا مستعده اني اتم بلا عرس طول عمري
حمدان : العاش ........ وافقي ...
العاش : شوووووو ؟؟!!!!!!!!!!!!!؟؟ ... انت شو اتقول ؟؟؟
سكت حمدان وما رد عليها ..سكتت العاش فتره بعدها استوعبت كل شي ..
العاش : حمدان ... انت عرست ؟؟؟..
حمدان وهو منصدم : كيف عرفتي ؟؟!؟!!؟ ..
العاش وهي تصيح : يعني عرست ؟!!!.... حرااااااام عليك والله حراام عليك ...
حمدان : العاش....
العاش : ليش ما قلتلي من قبل .. لييييييش؟؟.... ليش ما قلتلي اول ما كلمتك ذاك اليووووم ؟؟؟..
حمدان : لاني كنت بعدني ما عرست ..
العاش : بس كنت مالج ؟؟
حمدان : هيه ..... بس ...
العاش : ليش كلمتني .. ليش .. ليش كنت تتصل بي .. ليش حرام عليك ...
حمدان : لاني احبج ... وامووووووووت فيج .. لانج كل حياتي ....
العاش : حلوه ؟؟؟؟
حمدان : مب عوفه ..
العاش : منو خذت ؟..
حمدان : كبش الفداء .. بنت عمي .. بس والله والله ما احبها والله اني احبج والله ..
العاش : متى عرستوا ؟؟
حمدان : 30\7 .... قبل ما اتحطيلي الفويس مسج بيوووم ...
العاش : ..... وسمعت كلامي البايخ ؟؟؟؟...
حمدان : وذبحني ...العاش والله انتي حياتي .. والله مستحيل اني انساااج ... ارجوج لا تقسييين عليه ارجوووج ..
العاش : حمدان .. انساني .. انا ما اقدر اني اظلم بنت الناس .. انا ما ارضى اني انحط في مثل هالموقف .... وانت المفروووض ما ترضالها هالموقف
حمدان : انا ما قصرت في حقها بشي ..... حقوقها توصلها كامله ....
العاش وهي اتصيح : قبل شوي يوم كلمتك كنت نايم عندهااااااا ؟؟؟...
حمدان : ...... هيه ..
العاش : الله يسامحك ... والله ما استاهل منك كل هذا ...
حمدان : والله ولا انا استاهل بس شو اسوي ....
العاش : خلاص حمدان ... هذي اخر مره تسمع فيها صوتي ...
حمدان : حراااااام عليج العاش .. انتي حياتي لا تظلميني مثل ما ظلمني بويه بهالعرس .... حرام عليج ..
العاش : حمدان .. اللي يعشق يعاف كل انسان ثاني غير خله ....
حمدان : والله والله والله اني احبج والله ....
العاش : حمدان .... تضمها لصدرك ؟؟؟؟...
حمدان : العااش ..
العاش : ما اريد اعرف ما اريد .....
ويلست تصيح .....
حمدان : العاش .. لا تلوميني .. انتي الي خليتيني سنه ما اعرف شي عنج .. وين دارج .. حيه و الا ميته ... عرستي و الا لا ..؟؟
العاش : بس ما نسيتك ... الا زاد حبك بقلبي ... حمدان ... انا كنت اهويسبك في ليلي ونهاري ... هذا جزاي !!؟؟ ... ليتني نسيتك ... اريد اكرهك ... اريد اكرهك ... يلست العاش تصيح .... ليتني مت قبل لا اعرف انك عرست .... ليتني ما عرفتك
حمدان : حرام عليج العاش .. تراج تذبحيني بالكلام هذا ... لا تظلميني ... والله اني احبج وباقي عليج لو كرهتيني ... بتمين حب حياتي الوحيد ..
العاش تصيح وتضحك في نفس الوقت : اذا يتك بنت بتسميها العاش ؟؟؟
حمدان : وراسج لاسميها العاش ..... وانشالله بتكلمينها و بتقولج اسمي العاش ..
العاش : ليش حمدان انت عندك امل اني اكلمك بعد هاليوم ...
حمدان : كل الامل لاني اعرف انج تحبيني وما بتقدرين تنسيني ..
العاش : ارجوك ..... ارجوك حمدان ....
حمدان : انتي اللي ارجوووج ... العاش و الله اني احبج ..
العاش : اسمحلي حمدان بسكر عنك امي قامت عشان تصلي الصبح ...
حمدان : بترجعين تتصلين ؟؟؟
العاش : مع السلامه حمدان ..
حمدان : بستناااااااج العاش ...
سكرت العاش عن حمدان وهي منهاره مب عارفه شو اتسوي ... يلست تصيح مب عارفه شووه المفروووض اتحس اتجاه حمدان... تكرهه .. تحتقره ... ما عرفت .. كل الي تعرفه انها ما اتحبه بس الا تموت عليه ...
==========
بعدها بيومين عرفت لطوووف ان راشد خطب العاش ... اول شي سوته انها اتصلت بالعاش عشان تتاكد ... اكدتلها العاش الخبر .. انصدمت لطوووف لانها كانت اتحب راااشد ..
لطوف : العاش مستحييييل تاخذين راشد ..... العاش حمدان يحبج ... مستحيل تخونينه ..
العاش : اخونه ؟؟؟... حمدان عرس من شهر الحين ...
وقالت العاش حق لطوف كل شي صار بينها وبين حمدان ...
لطوف : اممممممممممم ... يعني شووو بتوافقين على راشد ؟؟؟؟؟...
العاش : ارجوج لطوووف مالي خاطر اتكلم عن راشد و لا عن غيره .......
بعدها بيوم اتصلت ميثه خت راشد و بنت عم العاش .. وكلمت العاش وقالتلها ان راشد يحبها وشارنها ويباها.. انه مستعد يسوي اي شي هي تباه.. استمرت العايله تضغط على العاش عشان تاخذ راشد.. وفي النهايه وافقت العاش على راشد مع انها ما اطيق اسمه.. بعدها باسبوووع كانت الملجه.. الكل حضرها عدا لطووف.. كانو يعتقدون انها مريضه.. بس الحقيقه انها ما قدرت تتحمل اتشوف راشد لحد غيرها..حتى لو كانت العاش بنت خالتها و توأم رووحها ..بعد الملجه حاول راشد انه يتقرب من العاش.. كان دايما يتصل بها بس هي ما كانت اترد عليه.. يوم كان ايييهم في البيت ..كانت تتعلث باي شي عشان ما تطلعله.. وتشوفه.. ما كانت تقدر تتخيل انها ممكن اتكون لانسان غير حمدان.. راشد كان يعتقد انها تستحي منه.. كان عاذرنها في اي شي تسويه .
في يوم كانت العايله كلها في البر وعزبهم كلهم عدال بعض ... كانن البنات يالسات على عرقوب والشباب على عرقوب والشواب والحرمات على صوب عنهم .
ميثه : يله العاش عديلنا شي من قصيدج ...
فاطمه : شوه عديلنا .. الا شليها النا شله ...
لطوف : يله العاش .... عشان خاطري ...
شلت العاش وحده من قصايدها اتقول فيها ..
ساهر الليل قلبي بين شوق وحناني ... ينتظر شوف شمس شارقه و اذاني
ينتظر شمس ملفاها صوب خل دماني ... تحمل اشواق المحبه لكل قاصي
ودانيو اشهد ان سكرة الشوق داء اعترني ... ما عرفت لزاد طعم و النوم جافاني
شامخه نفسي بين بدوي و عرباني ... و لكن الشموخ لجله خيل عصاني
مسكني واحة الصمت ومكتفي بمكاني ... و لكن الاسف ليل العاشقين ابتلاني
وصرت اليوم انظم اشعاري بافتتاني ... لجل شوق لفى من دار خل غزاني
حارت هواجيس الفكر و الخوف اعتراني ... و اطلب مواثيق المحبه و هذا شاني
لاهنت خلي و لا لك ند ثاني ... و لكن ما للمحبه احترام في زماني
منيتي تروي ظمى شوقي لو ثواني ... و استزيد بالشوق لي منك لفاني
هذا الشعر له في ضميري قدر و شاني... و الشعر منطوق قلب ينطقبه لساني

سمعها راشد و باقي الشباب و يلسوا يتغامزوون على راشد .....
خلف : اكيد عاديتنها فيك و انت برى البلاد ...
علي : مب هين بو سنيده مطيح البنت من زمان ... هههههههههههههه
راشد : حوووووووووووه .... شوو نسيتووووا انها حرمتيه يالسبلالالالالالالالالالان ؟!!!!!!..
ويلسووا الشباب يضحكوون ويسولفووون ....وراشد فرحان .. معقوله العاش تحبني بس مستحيه مني ؟!!؟.. معقول كانت تحبني وانا في بريطانيا .... ذبحته هالافكار و مب عارف شوو يسوي عشان يعرف ...
قال لميثه خته انه يريد يتكلم مع العاش لو 5 دقايق بس لازم يكلمها .. راحت ميثه وقالت للعاش بس العاش ما طاعت .. ما عرف راشد شوو يسوي عشان يكلمها لو ثواني بس .. بالباجر المغرب كان الكل بيرجعووون بيوتهم فاستغل راشد هالشي ..
راشد : عموه مريم انا ما بتحرك من العزبه الا اذا حرمتيه خاوتني في هالدرب ..
انصدمت العاش ما كانت تتوقع ان راشد ممكن يقول جذيه ...
ام العاش : رشوود تراك الا مالج .... يوم بتعرس تأمر على كيفك ..
ضحكت العاش من رمست امها
راشد : عموه شوو رشود بعد ؟!!!؟... عنبوو ريال بلحيتيه و تقوليلي رشووود !!!... و انتي شوو يظحكج .. يله يله جدامي السياره يله ...
العاش : دامني في بيت بويه مالك كلمه عليه ...
ونشت العاش وراحت هي والبنات خيمتهن يلمن اشياائهن .
راشد : اتشوفينها بنتج ؟؟؟.. ما عليه بشووووف رمست منوه الي بتمشي ..
خلف : ههههههههههههه ... اظني الا رمستها الي بتمشي يابوسنيده ... هههههههههههههههههههه..
راشد : بنشوووف ....
راح راشد صوب خيمتهن ....
راشد : هووووووود هووووووووود ....
ميثه : هدااااا ...
دخل راشد الخيمه و شاف العاش يالسه و عاطيتنه ظهرها ...
راشد : بنات .. يله عطني مقفاكن لو سمحتن ... اريد ارمس حرمتيه شوي ... وعانفرااااااااااااااد
نشت فاطمه وميثه بس لطوف ما طاعت تطلع ...
لطووووف : ما اقدر اخلي العاش برووووووحها ...
ميثه : يالله عليج وين بروووحها !؟؟!!؟.... ريلها عندها ... يله
وسحبت ميثه لطوف و فاطمه و طلعن من الخيمه ...
العاش : ميثووووووووه يالزفته .. بتشوفين ....يالبااااااااااااااايخه ..
راشد وهو يضحك : شحالج ؟؟.
العاش : لا والله ؟؟...
راشد : شوفي انا اكلمج بادب .. لا تحديني اتصرف وياج بطريقتي ....
العاش : لا و الله ؟؟!!؟ و شوووو بتسوي بتضربني ...!!!!؟..
راشد : اريدج ترجعين ويايه العاش .. بوصلج الين باب بيتكم ...
العاش : ما اريد .. برجع مع امي و حمد ...
راشد : شوفي بترجعين بغيتي و الا لا ...
العاش : لالالالالالالالالالالا .....
راشد : خلاص عيل بشلج وبركبج السياره ........
العاش : تخسي .... والله ما تقدر ....
راشد : اخسي ؟... اوكي بنشوووووووف اقدر و الا لا ...
وطلع عنها وعند الباب قالها : العاش ان حديتيني والله بشلج والله .... اففففففففففف .. اسميها بتي عخاطريه ..
العاش : شووو هي الي بتي عخاطرك !!!!!؟؟؟....
راشد : ههههههههههههههه اني اشلج .....هههههههههههههههههههههه
حست به العاش يتكلم جد.. عمرها ما تخيلت راشد البااااارد ... الي يخاف على كندوورته لا تخيس.. ممكن يكلمها بهالطريقه .
ويوم قدهم بيركبون السياييير ..
سأل خلف العاش وهو يظحك : هاه العاش عند منوه بترديييييييييييين ؟؟؟؟؟
سكتت العاش فطالعها راشد بنظره ......
العاش : اففففففففففففففففففففف ...... مع راشد ..
خلف : هههههههههههههههههه ما فيه حيله الكتبي مشى رمسته عليها ...
ام راشد : هههههههههههه ظهر عرج المناصيييييييير فيه ..هههههههها
أم العاش : لا فديتج يامزنه .. خلي عرج المناصير بعيد عن بنتي ..
قامت العاش عشان تركب السياره عند راشد و فتحت الباب الوراني ....
راشد : حوووووووووووووه ... وين وين بتركبين ؟!!!
العاش : شوووووووه بركب ... و الا غيرت رايك ؟؟
راشد : لا ما غيرته .... بس بتركبين جدام عندي .... انا مب دريولج الشيخه ...
العاش : اففففففففففففففففففففففف .... يا عوافتك ...
راشد : لا تتأففين ...

الجزء الخامس

قامت العاش وركبت عدال راشد .... كانت لطوووف تشوفهم و ذابحتنها الغيره .. مب عارفه شووو اتسوي ..كان راشد مشغل ميحد حمد في الدرب ... كان يريد يكلم العاش بس هي كانت لافه بويها عنه كأنها اتقوله لا تكلمني ... يت غنية ميحد مرحبا بطارش نباكم..فطول عالمسجل ... عرفت العاش انه عاننها بهالغنيه .. بس هي تجاهلته ..
راشد : العاش فديتج .... سمعي هالمقطع ....
العاش : لو سمحت لا تتفداا ..
راشد : شوو...؟؟!!!!!!!!!!!!!!
العاش : اقولك لا تتفدااا شوووو ما تفهم ؟؟؟
راشد : ليش انا تفديتج ؟!!!!!....
العاش : لا يدي الي تفداااااا ..... اففففففففففففففففففففف
راشد : افففففففففففففففففف منج .. طاف المقطع ..... الحين الحين سمعي ..
((ليتني غيمه في سماكم ... جاد بمطر في حويكم بروي الارض و فلاكم ... لا و لا ابغي الشمس تيكم((
العاش : هيه حلوه .............. و لفت ويها عنه ...
راشد : شوووووو ما تحبين ميحد ؟؟
العاش : افففففففففف ... كنت احبه بس من سمعته في سيارتك كرهته .. ارتحت ؟
انصدم راشد من رد العاش عليه.. ما عرف ليش كلمته بهالطريقه ... بس قال في نفسه انا استاهل كنت وايد عوف معاها و العاش رقيقه و مب متعوده حد يمشي كلامه عليها .. كان راشد يستمد الاعذار للعاش في اي شي تسويه ... و كان يوم عن يوم يحبها اكثر ..و العاش ما كانت اتفكر فيه حتى و لا يطري عبالها حتى ... كل تفكيرها بحمدان .. حمدان الي خانها ... حمدان الي تموت عليه ..... مرت الايام و قرب يوم عرس العاش و راشد ..
==============
يوم العرس 5\1 .... الصبح ..
العاش : اففففففففففففففف لطوف ما اريد اعرس .... ما اريد .. فديتج قوليلهم ما اريد ...
لطوف : الحين ؟؟؟؟.... كان المفروض اتقوليلهم ما اريد اول ما خطبج راشد مب الحين ..
و في ذيج اللحظه دخلت موزه خت العاش .....
موزه : العاش امايه اتقولج تبين ريوووق ؟..
وانتبهت موزه ان العاش تصيح ...
العاش : ما ا ريد شي ... ما اريد ...
طلعت موزه وراحت صوب امها و قالتلها ان العاش تصيح ...
ام العاش : العاش فديتج شوبلاج ؟؟؟؟؟؟؟؟؟؟؟؟..
العاش : امي ما اريد اعرس فديتج و الله ما اريد ..
ام العاش : شووووو ؟؟؟... شووو هالرمسه بعد ؟!!!؟..... العاش فديتج ترى راشد شارنج و يباااااج و الله ..
العاش : بس انا ما اباه ..... اكرهه ... اكررررررررررررررهه و الله و الله اكرهه ..
تمت العاش على هالحال الين العصر ... بعدين ينها البنات و راعية الصالووون .... ارتبشت معاهم العاش ... بعد العشا دخلوا العاش الخيمه ... كانت انسانه ثانيه ..كانت ملاك .. الكل كان يشوفها ساكتين مب قادرين يتكلمووون ما يريدونها اتغيب عن عيونهم لو ثواني ... بعدين دخلت العاش البيت .. و كانن بنات العايله مسويات حفله خاصه بالعايله عقب ما راحووو المعازيم .... كانووو يالسين في الميالس و محتقلين و الي يرقص و الي ايوووول والي ينعش .... كان جووو ثاني ... جووو كله فرح و وناسه ..
راشد : يابويه هذي مب حاله اريد اشووووف حرمتيه يا ناااااااااااااااااس رحموني ..
خلف : هههههههه .. اثجل شوي .. خلك ريال .. ههههههه ما عليك شر حرمتك بتجابلها الين ما اتلوع جبدك والله .. ههههه اسأل مجرب هههههههه
راشد : خلوف لم ثمك لا افلعك بالملاس الحين ....
خلف : ههههههههههههههههههههههههههههههههه... من وين بتيبه الملاس؟؟ههههههههههههههههههه
قبل لا يكمل راشد وجعته مع خلف .. زقرووه عشان يدخلونه عالعاش.. الكل كان عندها يوم دخل راشد .. يلسوو يتصورون .. بعدين الكل طلع وتمت العاش و راشد برووحهم ...
راشد : مبرووك عليج ..
ما ردت العاش و تمت ساكته ...... ما عرف راشد شوو يقول او يسوي
راشد : امممممممم ....
العاش ...لفت العاش صوب راشد .... حينها تجرأ راشد و مسك يد العاش ...سحبت العاش يدها من يد راشد و صاحت : لا تلمسني ......... لا تلمسني
راشد : اوكي .. اوكي .. لا تصيحين ما بلمسج ...
تمت العاش تصيح وراشد ما يعرف شوو يسوي .. قلبه يعوره كل ما شاف دموعها ... بس مب قادر يسوي اي شي .. خايف من ردت فعلها ... استناها الين ما سكتت بروحها ....
راشد : اممممم .. العاش ما بتعقين فستانج .. اشوفج تعبانه منه ....طالعته العاش و شاف الخوف في عيونها ... حينها تمنى الموت ولا شوفة الخوف في عيونها .. قام راشد و فتح الكبت و طلع للعاش جلابيه و عطاها للعاش ...
راشد : نشي عقي فستانج.. اذا تبين بطلع من الحجره ..قامت العاش ودخلت غرفة الملابس عشان تعق فستانها ... يلس راشد يستناها في الحجره ... فجأه سمعها تصيح .... راح صوبها ودق عالباب ..
راشد : العاش ؟؟؟؟؟.... العاش شوبلاج ؟؟؟!؟
فتحت العاش الباب وكانت بعدها بالفستان و تصيح ....
راشد : شوبلاج ليش تصيحين ؟؟؟؟
العاش : .......................... ما عرفت افتح جرار الفستان ...
راشد : اوكي لفي بفتحه لج ..
العاش : بس لا تشوووف ..
ضحك راشد فخاطره من العاش ... فتحلها الجرار و لف ويه عنها .. عقت العاش الفستان و لبست الجلابيه و طلعت الحجره .... لقت راشد يالس على طرف الشبريه ... ألتفت راشد صوبها اول ما طلعت .. ما شالله عليها قمر في الفستان و قمر في الجلابيه ....
راشد : العاش انا تعبان من يومين ما نمت ... تراني بنام ..
العاش : وين بتنام ؟؟؟؟؟
؟راشد : وين بعد ؟!!.. هنيه بنام ..
العاش : رووووح نام عند حمد خويه ..
راشد و هو يضحك : العاش انا بنام ..
تمت العاش واقفه ومنصدمه وهي اتشوف راشد ينام على شبريتها ومب مهتم منها والله انه ما يحس .. زفت .. بايخ .. يلست العاش اتسبه فخاطرها .. تعبت العاش وهي واقفه .. راحت صوب الشبريه و يلست على طرفها الثاني و شافت راشد و هو منسدح على الطرف الثاني ..تعبت العاش وهي تحس بالنعاس .. خرت عينها شوي ... فجأه تحرك راشد ففزت العاش .. انتبه راشد للعاش ..
راشد : العاش نامي ... والله ما باكلج .. ويلس يضحك عليها .....
راحت العاش وحطت المخدات بينها وبينه ظحك راشد من حركة العاش : ههههههههههههههه العاش فديتج نامي ...
العاش : حرام عليك ... افففففففف نام وفكني من حشرتك ..
سكت راشد عن العاش .. تم واعي ما قدر انه ينام ... معقوله العاش صارت حرمتيه ؟؟ معقوله ما يفصل بيني وبين العاش الا مخده ؟؟.. معقوله العاش تمت حلاله ؟؟..
نامت العاش من التعب ونست ان راشد عدالها .. وهي نايمه ومب حاسه بعمرها ... حركت ايدها وحطتها عصدر راشد .. وقف قلبه وهو يشوف اييد العاش عصدره .. الاييد الي طول عمره وهو يحلم انه يلمسها .. قام راشد وحب اييد العاش وحطها عالمخده .. ويلس يتأمل العاش وهي نايمه .. ملاك مالها مثيل .. ما حس بالوقت الين ما سمع أذان الصبح ... نش راشد وتسبح وطلع من الحجره ولقى عمته مريم ام العاش يالسه في الصاله .. سلم عليها وراح المسيد يصلي .. دخلت ام العاش عالعاش وشافتها نايمه ..
ام العاش : العاش ... العاش ..
قامت العاش : امي ..!!ا
م العاش : نشي ريلج نش و راح المسيد يصلي ..
العاش : ريلي ؟!!؟... اووووه راشد .. ويلست تتلفت ..
ام العاش : ظهر راح يصلي .. نشي تسبحي وتعدلي ..
العاش وهي تصيح : امايه .. راشد مسك ايدي ..
ام العاش : ويدي ريلج لازم بيمسك ايدج ..
العاش : ما اريده .... امايه فدييييييييييتج و الله ما اريده ...
ام العاش : ما عليه باجر بتبغينه ... ما عليج شر ... نشي نشي قبل لا يرد ريلج ...
قامت العاش وتسبحت و تعدلت و طلعت الصاله و شافت راشد يالس عند امها و خوانها و يسولف معاهم جنه واحد منهم ...
العصر .. راحت العاش وراشد بيت هله وراحت معاها ختها موزه عشان يرتبون اشيائها في قسمها في بيت هل راشد .. ساعدنها خوات راشد ميثه و حصه و روضه بعد في الترتيب ... بعد صلاة المغرب كانت العاش و ميثه في الحجره و دخل عليهن راشد .
راشد : ميثووه مب حاله من متى و انتي في الحجره طلعي شوي اريد ارمس حرمتيه شوي ..
ميثه وهي تضحك : اثجل يالملقوووف ... ههههههههههههه
راشد : ههههههههههههههههه برى برى ..
راح راشد و يلس عدال العاش ...
راشد : العاش شووه رايج نرووح باجر دبي ؟؟.
.العاش : شوو دبي ؟!!!؟... ليش ؟؟؟؟؟؟
راشد : عشان نيلس ويّا بعض شوي هنيه كل شوي بتينا فلانه و علانه ...
العاش : ما اريد ارووح مكان ...
راشد : عراحتج بس لا تصيحين ..
العاش : ايه لا تم اتقولي لا تصيحين لا تصيحين انا مب ياهل جدامك ...
راشد : شووه اسوي من امس وانا كل ما اقولج شي صحتي
العاش : مالت عليك .. طلع برى .. ما اريدك عندي ..
طلع راشد عن العاش وهو يظحك يعتقد ان العاش يالسه تتغلا عليه .. راح راشد عند ميثه خته وقالها تقنع العاش عشان يرووحون دبي ... كلمت ميثه العاش و اقنعتها انها اترووح وراشد دبي لو يومين عن خاطره ...في نفس اليوم .. ين الحرمات عشان يسلمن عالعاش .. ين بنات عم راشد و هلها .. وتمووا يالسين الين وقت متأخر وراشد بيموت .. شووهذا اريد ايلس مع العاش.. افففففف الله ينطب الحرمات لا كثرن.. عنبوهن في الشووه يسولفن .. و تم يتحرقص وهو معصب .. ما صدق راشد يووم عرف ان الحرمات راحن راح قسمه ... كانت العاش تتسبح يوم دخل الحجره .. شغل التلفزيون ويلس يشووفه الين ما طلعت العاش من الحمام ..
راشد : حشى مب سبووح .. عبرتي المى .
العاش وهي مستحيه ومعصبه منه : الله يطول بعمر الحكوومه .. ما عليك خساره
راشد وهو يضحك : مب لسان عليج ترديلي الكلمه بعشر
العاش وهي تظحك : خلاص عيل لم ثمك عني ..
راشد : لا والله فرحانه بعمرج انتي؟؟.... شوو لم ثمك ايه ريلج مب اصغر عيالج .
ما ردت العاش على راشد ... بس عطته نظره عن مية سبه ...
راشد : خيييييييييييييييييييييييييييييييييييبه ...
العاش : راشد ..
.راشد : خلاص خلاص .... اخاف اقولج شي تصيحين عليه ...
العاش : ايه .........
ظحك راشد وسكت عن العاش.. تم يشوفها وهي تسحي شعرها ..آاه فديتها والله ذابحتني..كانت العاش منتبهه لنظرات راشد بس خلت نفسها انها مب منتبهه بعد ما خلصت العاش راحت صووب الشبريه ويلست تشوف التلفزيون كان راشد يالس عالكرسي يشوف التلفزيوون بس كل فكره عند العاش

الجزء السادس...

من التعب انسدحت العاش شوي .. فجأه لقت راشد فوق راسها ..
العاش : ايه شبلالالالاك ؟؟؟!!!...
راشد : ماشي الحييييين الحييين تحبيني ...
العاش : اييييييييه ..
راشد : لا ماشي ايه الحييييييين تحبيني يله يله ...
يلست العاش تصيح .. خيبه شوو ها .. هذا ما قد شاف بنات من قبل ... يالله ما ادفشه ...
العاش وهي تصيح : ما ارييييييييييييييييييد و يلست تصيييييييييييح
راشد : افففففففففففف مب حاله ..
العاش : شوه انت ما شفت بنات فحياااتك ؟!!!؟؟؟...
قال راشد فخاطره شفت بس مب مثلج ...
العاش : روووح بعيد ... رووووح وين ما كنت .......
راشد : ما اريد هذي شبريتيه وبيلس عليها ...
العاش : حرام عليك راشد .. أرحمني
قام راشد ويلس عالكرسي ومسك الرموت كنترول وتم يحيس بين القنوات سكتت العاش ... بس حست ان راسها كبر البيت من التعب من يومين ما نامت وتعب العرس و حشرت الحرمات عندها اليووم زادت عليها ..تمت ما سكه نفسها ما بتنام الين ما ينام راشد ... بس ما قدرت تستحمل خرت عينها ونامت .. استغل راشد الوضع فراح صووب العاش وحبها فوق راسها ..فزت العاش من حركة راشد ..
راشد : والله اني احبج العاش والله .. حرام عليج ليش تعذبيني ؟!!؟..
تمت العاش ساكته .. شاف راشد انها فرصته ...
راشد : ما اريد شي من الدنيا الا انتي ...و مسك ايد العاش و حبها ... فديتج العاش .... و الله و الله انتي اغلا ما في الدنيا فناظري ...
سكتت العاش مب عارفه شووه اترد عراشد .. اول مره تنحط في هالموقف ... تمت ساااااااكته وخايفه
راشد : العاش .... ...
لفت العاش ويها عن راشد و دمعتها عخدها ..
راشد : خاطري في شي ....خاطري تحبيني ...... حبه وحده بس ..
بغمت العاش: ما ارييييييييييييييييييييييييييييييييييييييييييد ... ما اريييييييييييييييييييييد
راشد : والله ياليله ما اخليج الين ما تحبيني ...
العاش : اماااااااااااااااااااايه ....
ويلست تصيح
راشد : والله مب حاله كل ما اكلمج صحتي ...
سمعوا دق عالباب كانت ميثه ... سمعت صياح العاش ...
ميثه : راشد ......... راشد ... شوووبلاكم .. شوووه بلاها العاش ؟!!!!!؟؟؟..
طلع راشد من الحجره وهو معصب ..
راشد : افففففففففففففف ... شوفولكم طريقه فيها تراها طفرتبي والله بصيااااحها .. حرام لا ادش بها مخيرز ..
يت ام راشد عهزاب ولدها .. ودخلت هي وميثه عند العاش و لقنها تصيح ..
ميثه : العاش ؟... شبلالالاكم .. شوووه مستوي ؟؟؟..
العاش : روحي تخبري خوووووج ...... مالت عليه الطفس ... حشى ملغووووووث ..
ام راشد : ودي بالستر .. شو استوى عاد ؟؟..!!!؟.
يلست العاش تصيح وراشد محتشر برووحه في الصاله ... راحتله امه ..
ام راشد : ياولديه ترى البنت ياهل وما تعرف شي ... فديتك انت العاجل رووح روووح صوب حرمتك وراضها ...خذها بالمسايس ... فلخت البنت
راشد : حرام ما ادخل الحجره الين ما تي وتحبني عراسي ..
سمعته العاش : بيبطي .... والله لا يدخل .. والله ما احبه ..
راشد وهو يرد عالعاش : والله ؟؟!!؟.. والله انج تحبيني مب الا عراسي عخدي بعد ..
ميثه : العاش روحي راضيه ... خويه واعرفه والله ما يرضى الا اذا رحتيله ..
قالت العاش فخاطرها احسن اروح اراضيه.. الحين خده بعدين الله يعلم وين ...
طلعت العاش و ميثه وراشد يشووفها ويظحك .. راحت العاش وحبته عراسه وربعت حجرتها وتسحب ميثه معاها ... لحقها راشد
راشد : ههههههههههههه حشى هذي مب حبه ..
العاش : الود ودي اعظك ..
مات راشد من الظحك ... كانت ميثه بتطلع بس العاش مسكتها ..
العاش : قولي لخووج تراني ما برووح عنده دبي باجر .. خليه يرووح بروووحه ...
راشد : بترووووووحين ...
العاش : ما برووووووووووووح ..
راشد : بنشوووف ..
ميثه : حرام عليك راشد ..
راشد : جب ... ايه ميثوووه ما عندج حجره ؟!!؟؟.. يله يله ..
ميثه : يالله ياعوافتك ..
ضحك راشد : يله يله .... برى برى ..
طلعت ميثه فراح راشد و سكر البا ب بالمفتاح ..
العاش : والله لو لمستني اني اصااااااااااااارخ ..
راشد : حشى .. انتي ما يعورج ثمج من الصريخ ؟!!!؟؟... هيه هيه شغلي الونان الحين ...
العاش : دفـــــش
يوم السبت الصبح سرحووا دبي و يلسووا فيها 4 ايام .. يوم الاربعا رجعووا العين ... راحت العاش حق هلها و راح راشد عند الشباب ..
ناصر : هلا و الله بالمعرس ..
راشد : مرحبا الساع ... شحالك بوهيوان ؟؟
ناصر : بخير و نعمه و الله .. انت علومك معرسنا .؟؟..
راشد : الحمدلله ....
وسكت .... كل ربعه حسووا ان فيه شي مب طبيعي ... مب هذا راشد الي متعودين عليه ...اتصل راشد بخلف ....
راشد : شحالك بو نوره ؟
خلف : هههههههههههههه الفال لك بوسنيده ... بخير ربي يسلمك .. علووم ؟؟
راشد : اي فال ؟؟!!؟؟..
خلف : نسميك بو شيخه ... هههههههههههههههه و الا انت بتظوي الريال و انا اظوي البنات ؟!!!!؟؟... لا يابويه مالك بد من البنات ..
راشد : و الله انك متفيج و ما عندك سالفه ..
خلف : افااا .. رب ما شر بو سنيده ؟؟
راشد : ااااااااه يا خلف خلالاص وصلت حدي منها ..
خلف : من منوه ؟!!؟؟... راشد شوو مستوي ؟؟؟..
راشد : العاش ذابحتني يا ريال ... لا بالزين نافع و لا بالشين ناافع .. شاب راسي منها مب عارف كيف اتعامل معاها ..؟!!!!.
خلف : راشد ترى العاش مب متعوده ان حد يتحكم فحياتها .. اصبر عليها .. تراكم الا من اسبوعين معرسين .. انا الين الحين ما اعرف بخووت عدل .. مع اننا كملنا تقريبا سنتين و نص الحين ..بس ساعات احسها انسانه اول مره اشوفها ..
راشد : خلف ياخي يوم مسكت ايدها ذاك اليوم يلست تصارخ و تصيح ... كل ما اقولها شي صااحت ما اعرف شووه اسوي وياها .. ياخي الي ذابحني اني احبها و اموت كل ما اشووفها و اشووف عمري مب قادر المسها و الله امووووت ..
.

خلف : تباني اخلي بخووت ترمسها ؟؟
راشد : رمستها ميثه من قبل و ما نفع ..
خلف : راشد بخوت بتعرف الها ... بخوت مثلها وحده معرسه و الحرمات ياخي يفهمن لبعض ..
راشد : ااااااااااه ...
كلم خلف بخيته حرمته عشان تكلم العاش بس ما تحسسها ان راشد رمس عندهم عنها ..
بخووت : العاش شووه بلالاج ؟؟؟... شكلج مب شكل وحده عروووس ؟!!!!؟؟...
العاش : افففففف يابخووت بموت و الله ..
بخوت : ليش العاش ؟؟.. راشد مقصر في حقج ؟؟.... عووف ويااج ؟؟..
العاش : لا ... بس انا ... كيف اقوولج ... بخوت مب قادره اتاقلم مع فكرة اني اكون حرمة راشد ... مب طايقه لمسه لي ..
بخوت : لازم العاش .. هذا شعوور كل بنت اول ما تعرس ... بس حرام عليج .. راشد يحبج و يموت عالتراب الي تمشين عليه ... ما يستاهل انج شوي تتنازلين عشانه ؟؟!!!
العاش : انزين شووه اسوي ؟؟..
بخووت : ترحبيبه في ييته وفي ظهرته .. ادخنينه قبل لا يطلع .. تتعدليله .. ما تجابليه غبرى جن ميتلج ميت ... العاش الريال لوو يحب وحده .. كم بيصبر عليها ؟!
العاش : شوه قصدج ؟؟
بخوت : قصدي لو لفته وحده الحين و حسسته انه غير عندها وانه ريال وما يعيبه شي .. يعني حسسته برجولته .. والله لا يطبج ويطب ترابج و يرووحلها .. العاش الريال شرات الياهل يبى حد يحبه يهتم فيه ..
العاش : ما ادري و الله يابخووت
بخوت : يوم بتردين مطلقه بيت امج بتدرين .... عاد عقب فوات الفوووت ما ينفع الصوووت ...
يلست العاش تفكر في رمست بخوت الها ... شووه الي خلا بخووت تكلمها ؟!!؟؟.. معقوول راشد كلمها ؟!!.. صدق راشد يحبها ؟!!.. بس هو عمره ما قالها انا احبج ...... معقوول راشد ممكن يطلقني ؟؟!!؟...
بعد كلام بخوت للعاش حاولت العاش انها تتجاوب مع راشد.. عالاقل صارت تسوي الي يطلبه منها.. حس راشد بتغير العاش بس بعده يحس ان العاش بعيده عنه امياال.. ما تبادله نفس شعوره ..يحاول المستحيل عشان يراضيها.. ما خلا لا دبي ولا بوظبي ولا الشارجه الا ووداها.. يحس احيانا ان العاش ملكه بجسدها وروحها.. بس ساعات يحس ان جسدها عنده و روحها في مكان ثاني..مكان مستحيل يكون قلبه.. بس ما بايده حيله لان العاش نظر عيونه وسبب حياته .. بعد مرور 3 شهور من عرس راشد والعاش.. يلست ام راشد تلمح عليهم من ناحية الحمل
ام راشد : العاش فديتج ما رحتي وكشفتي جاد انج حامل يابنتي و انتي ما تدرين ...
راشد : امي ... العاش مب حامل .. ومتى ما الله كتبلنا العيال بيوون انشالله ...
نشت العاش عنهم وهي زعلانه من تلميحات عمتها ..
راشد :امي دخيلج لا تعيدين هالرمسه مره ثانيه ... الشييييييييييييمه ..
ام راشد : يابويه اريد اشووف بذرك .. ودها المستشفى .. جاد حرمتك ما تبذر
راشد : امي والله مب حاله والله ..
ونش عن امه وراح صووب العاش الي كانت يالسه في الحجره و تصيح ..
راشد : فديتج العاش .... لا تصيحين .. فديت رووحج والله دموعج مب هينه عليه و الله ..
العاش : لا راشد صدقها عمتيه ..
راشد : العاش ... لو الله ما يرزقني بعيال منج ما يهمني .. انتي عندي بالدنيا ....
العاش : لا راشد انا اريد ارووح اي عياده عشان اكشف ...
راشد : العاش .. شوفيني ...رفعي راسج ..
رفعت العاش راسها صووب راشد ..
راشد : العاش.. انا احبج .. ولو يبتي عيال والا ما يبتي بتمين اغلا شي في دنياي ..متى ما الله رزقنا بالعيال ياحياهم الله .. لا تحملين نفسج السبب ...يمكن انا الي ما ايييب عيال ...
العاش : راشد ..
راشد : خلالاص انسي الرمسه الي استوت في الصاله .. و ما عليج من امي و من كلامها ..
كانت العاش تحس بحب راشد الها .. بس مشكلتها انها ما تقدر تبادله حبه ... لان قلبها لحمدان بس ... اقنعت نفسها انها مستحيل تعطي قلبها لحد غير حمدان ... لو هو خانها هي ما بتخوونه بتصوون حبه في قلبها ...
في يوم كان راشد معزوم في عرس واحد من ربعه في بوظبي .. تأخر فيه و يوم رجع لقى العاش نايمه .. تم يالس يتأملها .. يالله كيف احب هالانسانه .. انتبه ان العاش مب عاقه دبلت العرس و هو يعرف ان العاش لازم تعق كل الخواتم قبل لا تنام .. اكيد كانت تعبانه و ما انتبهت للخواتم في ايدها.. راح ويلس عدالها ومسك ايدها يريد يعق الها الخاتم بدون ما يوعيها .. كان يحاول يعقه فنشت العاش وهي تشووف راشد ماسك ايدها ويمط الخاتم .
العاش : راشد شوووه تسوي ؟!
راشد : فديتج .. ما شي بس شفت الخاتم في ايدج وادريبج ما تحبين تنامين بالخواتم .. بس كنت اريد اعقه بدون ما اوعيج ...
العاش : افففففففف حرام عليك راشد ... لا مرتاحه منك في النهار و لا في الليل بعد ...
راشد : فديتج والله ما كنت اريد اوعيج .....
العاش : خلالاص راشد انا وعييت ... خلاص عاد رووح تسبح ونام وفكني ..
ما انتبهت العاش انها جرحت راشد باسلوبها.. لانها ما كانت مهتمه اصلا براشد ..تأثر راشد وايد بكلامها واسلوبها.. حزت في خاطره السالفه.. ونام وهو زعلان ..
في يوم كانت ام راشد يالسه عند ام لطوف و يسولفن وعندهن لطووف ...
ام لطوف : شحال العاش ؟؟
ام راشد : العاش ؟؟.. ما عليها شر .. راشد مب مقصر فيها بشي
ام لطوف : شووه ما سوتلها حد .. ما حملت ؟؟؟..
ام راشد : ما حملت لين يوومج هذا ..
ام لطووف : ما شالله من 8شهوور معرسين و ما حملت ؟!!!؟؟... واقع فيها شي .. ما راحت تكشف ؟؟
ام راشد : ما ادريبها والله.. محد شاورني بشي.. جنها راحت هي وريلها ما يندرابهم والله.. الا انا ما بسكت اريد اشوف بذر ولديه وجن هذا حال العاش بيوزه وحده غيرها ..
يوم سمعت لطوف هالكلالام فرحت .. قالت في خاطرها عندها امل ان راشد يرجعلها .. بعدها بيومين اتصلت لطوف بميثه وقالتلها عن رمست الحرمات
ميثه : افففففففففففففف ... يالطووف لو تشوفين امي شووو مسويه في البيت ...طفرت بالعاش و راشد بسبب هالسالفه ... لدرجة ان العاش من يومين عند هلها ...
لطوف وهي فرحانه : انزين و راشد شوو رايه في السالفه ...؟؟.
ميثه : راشد يموت عالعاش ... ومستحيل يعرس عليها وهو قال لو الله ما يرزقني بعيال عادي العاش عنده بالدنيا ..
ماتت لطوف يوم سمعت هالكلام.. يعني راشد بيطير من ايدها مره ثانيه.. شوووه تسوي!!؟؟؟... هي تحب راشد .. و العاش ما تستاهله ... يالله شووه اسوي عشان ارجع راشد لي ... يلست لطوف تفكر في هالسالفه يوميين كيف ممكن تخلي راشد يغير رايه في العاش ؟!!؟..بعدين تذكرت سالفة العاش مع حمدان المحيربي ...هذا املها الوحيد الي بيخلي راشد يكره العاش وللابد

الجزء السابع

بالباجر اتصلت لطوف براشد ... كان راشد في دوامه ..
راشد : الوو .. مرحبا الساع ..
لطوف : مرحبا ملاييييييين و الله .... شحالك الغالي ؟
راشد : بخير ربي يسلمج ..
لطوف : عساك دووم ...
راشد : يميع انشالله ..
لطوف : عرفتني ؟؟؟
راشد : السموحه الشيخه ما عرفتج و الله ...
لطوف : ههههههههههههه .. اكيد ما بتعرفني ... لانك اول مره تكلمني في التيلفون ...
راشد : منوه يتكلم ؟؟؟..
لطوف : انا لطيفه .. بنت خالة العاش حرمتك ..
راشد : هلا هلا و الله ... شحالج لطيفه ؟.؟
لطوف : بخير دامك بخير الغالي ..
راشد : تسلمين الشيخه ..
لطوف : ربي يسلمك من كل عوووق انشالله ..
راشد وهو متململ : انشالله .((.سكت راشد مب عارف شووه يقول .. مب عارف ليش هذي متصله((
لطوف : امممممممم .. بوسنيده .. اريدك في رمسه ..
راشد : آمري الشيخه .
.لطوف : امممممممممم ... انت تعرف ليش العاش ما حملت الين الحين ؟؟
راشد : سمحيلي الشيخه هذي السالفه بيني وبين حرمتيه وما اريد حد يدخل فيها ..
لطوف : انا ما بدخل بس حبيت اقولك حقيقة حرمتك اللي ما تعرفها .. حينها يمكن تغير رايك
راشد : لو سمحتي ..
لطوف : انت سمعني وبعدين قوول الي تبااه ...قالت لطوف حق راشد كل شي كان بين العاش وحمدان الفت اشياء من عندها وزااادت اشياء وايده عالحقيقه ... استغلت السالفه لصالحها .. ما كانت تدري انها تطعن راشد بكل كلمه تقولها .. تذبح فواده وهي تتلذذ....
راشد : خلصتي ؟؟؟
لطوف وهي منصدمه من ردت فعله : ليش ما يكفيك الي سمعته ؟؟!!!..
راشد : اذا خلصتي سمحيلي بسكر ..
لطوف : خلصت بس قبل لا اسكر ... تأكد ان حرمتك تيب عيال .. بس هي اللي ما تبى تيب منك عيال ..
سكر راشد عن لطوف وهو بيموت غير صدمته بسالفة العاش وحمدان.. صدمه اخر كلام لطوف ..معقول العاش هي الي ماتبا تيب عيال منه .؟؟!! مات راشد وما قدر انه يمسك نفسه اكثر.. طلع من دوامه وراح للعاش بيتهم..عحظه محد كان في البيت الا العاش لان امها في بيت خالها وخوانها في المدارس.. دخل راشد حجرة العاش و لقاها يالسه تشوف التلفزيون ..
العاش : رب ما شر راشد ؟!!!؟؟.. شووه يابك من الدوام الحين ؟؟؟!!!
راشد : ليش ما كنتي تبين تشوفيني ؟؟؟؟؟!!!!!؟؟؟؟..
العاش : راشد شبلاك ؟؟..
راشد : شوووه بلاني ؟؟!!.. انتي الي الله بلاني بها .. سنين وانا اعشم عمري بج .. ابات الليل اهويسبج ... واصبح بس عشان اشووفج .. و في النهايه تجازيني انج تخونيني ...
العاش : اخوووونك ؟؟؟!!!!... شووف راشد انا ما اسمحلك تكلمني بهالطريقه انت فاهم ..
راشد : لازم ما بتسمحيلي .. بس لو كنت حمدان حبيب القلب جان سمحتيلي
العاش و هي منصدمه : حمدان ؟؟!!!!!!
راشد : هيه حمدان .... شووووه ما تعرفينه حمدان ؟؟؟!!!!!!!!!!؟؟....
سكتت العاش مب عارفه شووه تقول له ... مب عارفه كيف ترد عليه ..
راشد : شوووه وينه لسانج ؟!!!!!!؟؟..... و الا خلاص مالج ويه ترمسين عقب سواد ويهج ؟؟؟؟
العاش : و الله يا راشد اني قطعت علاقتي به من قبل لا اعرس بك و الله ...
راشد : و الله ؟؟؟؟!!!!... بس الرمسه الي وصلتني تقول غير ...
العاش : اي رمسه ؟؟؟!!؟؟... و الله و الله اني قاطعه علاقتي به من قبل لا تخطبني حتى ..
راشد : خلي عنج انتي الين اليووم و انتي تكلمينه ... و الين بااااجر بعد ..
العاش : لا الله و راسك اني ما اعرف شي عنه ... حرام عليك و الله اني ما اكلمه و لا اعرف شي عنه
راشد : لا تحلفين براسي ..... انا ما ادري انتي شوووه كنتي تتوقعيييييين ؟؟!!!!!... اني ما بعرف بالسالفه يعني ؟؟؟!!
لعاش : منوه قالك ؟؟؟!!؟
راشد : منوه قالي ؟؟!!!؟؟... ليش الشيخه تتوقعين الخياس يتغبى ؟؟!!!.. لا فديتج
العاش : راشد منووووووووووووووه قالك ؟؟؟!!؟؟..
راشد : رووحي شوووفي انتي حق منوه قايله عن خياسج ...
يلس راشد يهزب العاش ويسبها من حرته اللي بقلبه كان وده يموت ولا ينحط في مثل هالموقف مع العاش وهي .... انهارت العاش و هي تسمع راشد و هو يجرحها بكلالامه و هو حتى مب عاطنها فرصه عشان تتكلم ....
العاش : جـــــــــــــــب ..
راشد وهو منصدم : جب ؟؟؟؟!!!... وما حس بعمره الا وهو يصفعها طراق.. في هاللحظه سكتت العاش ويلست عالشبريه وهي ماسكه خدها منصدمه معقوله راشد يصفعني ؟!!.. راشد يشوووه ايييده.. تمناها انقطعت قبل لا ترفع عالعاش.. سكت راشد يحاول انه يهدى شوي
العاش : انت مب من حقك انك تحاسبني عالماضي.. حقك تحاسبني من اليوم الي شليت فيه اسمك الين اليوم.. راشد انا صنتك في غيابك قبل حضورك وربي يشهد على كلامي ...
راشد : لا تلوميني ... انا ريااااااااااااااااااال ..
العاش : وانا انسااااااااااااااااااااااااااااانه ... و ما في انسان معصوم من الغلط ..
راشد : صح ... بس انتي غلطتي ومستمره في غلطج ...
العاش : شوووه انت ما تفهم ؟؟.. اقووووول انا ما اعرف اي شي عنه و الله اني قاطعتنه قبل لا تخطبني بسنه و الله ...
راشد : لييييييييييييش تجذبين؟؟... اذا انتي معترفه بعلاقتج به ...
العاش : انا ما اجذب ... انا ما انكر معرفتي بحمدان ... بس والله ان علااقتنا انقطعت من سنين والله ..
راشد وهو معصب : لا تجذبيييييييييييييييييييييييييين اقووولج ..........
العاش : طلقني ..
راشد : شوووووووووووووووووووه ؟!!!!!!!!!!...
العاش : اقولك طلقني .. مستحيل ابات ليله عذمتك من عقب اليووووم ...
راشد : تبين تتطلقين عشان يخلالج الجو مع حبيب القلب ؟!!!.. لو انطبجت الارض عالسمى طلاق ما بطلق.. وبخليج في بيت هلج معلقه لا انتي بمطلقه ولا انتي بمعرسه ...
العاش : راااااااااااااااااشد ...
بس راشد كان طلع من الحجره وراح عنها.. خلاها مع دموعها.. اوكي ليش اصيح شوه يعني انا اصلا ما احبه.. برايه زواله من الدنيا ما اريده.. انا اصلا اكرهه.. اكرهه.. اكرهه.. ويلست تصيح.. مر اسبوع من ذاك اليوم والعاش ما تسوي شي غير انها تصيح.. سألتها امها شو الي استوى بينها و بين راشد.. بس العاش ما رمست وما قالت لحد عن الي استوى بينهم.. ونفس الشي راشد.. ما طاع انه يكلم حد في السالفه..كانت العاش ما تطلع من حجرتها ونادر اذا بتاااكل.. ما كان خاطرها في اي شي في هالدنيا.. انزين ليش انا احب حمدان ما احب راشد ليش زعلانه عفراقه ؟؟!!.. ليش استهم منه وهو مب مهتم حتى يعرف الحقيقه مني؟.. ليش راشد عاملني بهالطريقه؟!.. منوه ممكن يكون وصله السالفه؟؟.. لطووف؟.. مستحيل لطووف مب نذله عشان اتسوي هالشي.. كانت العاش وايد تعبانه وامها عندها في حجرتها تلحفها والعاش تصيح.. شافت العاش انها ما عقت دبلة عرسها ..
العاش وهي تصيح : كان راشد يعق الخواتم اذا نمت بهن ..
ام العاش : ياويلي منج ..فديتج لا تصيحين ..
العاش : كان راشد دوووم يقولي فديتج لا تصيحين .. امااااااااااايه راشد خلالالالالالالاني ...
ويلست تصيح .. راحت امها ولحفتها وبندت الليتات ..
العاش : كان راشد هو الي يبند الليتات كل يووم فليل...
تمت هذي حياة العاش.. راشد كان يقوول.. راشد كان يسوي.. عورت قلب امها عليها.. فكلمت راشد..
ام العاش : فديتك ياراشد ..شووه الي مستوي بينك و بين حرمتك ..
راشد : عمتيه انتي ما سألتيها ؟؟.
ام العاش : سألتها وما طاعت ترمس ... حتى خالها رمسها ... يابويه جن السالفه سالفة الحمل ترى هذا مب بيييييدها ..
راشد : عمتيه هالسالفه بيني و بين العاش .. الشيمه لا حد يدخل بينا ..
ام العاش : يابويه ذي مب حاله .. كل ما رمسناكم قلتوووا هذي بينينا ... انزين خبروونا شووه المستوي ؟؟؟
سكت راشد .. ليش العاش ما كلمت هلها؟؟.. ليش ما طلبت الطلاق منه مره ثانيه؟؟.. اكيد مستحيه من سواد ويها ومالها ويه ترمس عند هلها ..
.

من اسبوع والعاش مالها خاطر للعيشه ... بس محد استغرب الوضع لانها من شهر من بعد زعلها هي وراشد ما كان لها خاطر لشي.. في يوم طاحت العاش عليهم فشلوها المستشفى.. كانت المفاحأه.. العاش حامل ... الكل فرح بهالخبر و اولهم العاش ... اول شي سوته انها اتصلت براشد وهي في المستشفى و كانت اول مره تكلمه بعد الوجعه ..
راشد : الوو..
العاش : هلا والله
راشد : هلا ..
حست العاش ان راشد ما يريد يكلمها.. ما كانت تدري ان قلب راشد وقف يوم سمع صوتها ... يالله محلا صوتها فديتها والله وغمض عيوونه يتخيل العاش جدامه و هي تبتسم ذيج الابتساامه الي تذبحه ..
العاش وهي فرحانه : اممممممم ... بو سنيده ببشرك بخبر يسعدك ...
راشد : مع اني اشك انه ممكن شي يسعدني من صووبج ...
العاش وهي حاز فخاطرها رمست راشد : لهالدرجه عايف كل شي من صوبي ؟!..
راشد : شووه فخاطرج .. شووهالخبر هذا ؟؟..
العاش : ما شي بس حبيت اقولك اني حامل ..
سكت راشد من الصدمه فرحان ومستغرب في نفس الوقت ... معقول العاش حاااامل
العاش : راشد ؟؟؟... راشد ليش ما ترد عليه ؟؟؟..
راشد مب عارف شووه يقول ... يحاول انه يستوعب السالفه ... العاش حامل مني !!!!!... بيصيرلي عيااال من العاااش !!!...
العاش : حرام عليك راشد والله حراام والله ما استاهل الي تسويه فيني والله...
وسكرت.. فسرت العاش سكوت راشد غلط .. وراشد ما استوعب الامر الا بعدين.. بس العاش كانت قد سكرت.. انهارت العاش.. راشد ما يباني .. راشد كارهني ..كاره ان يكون له عيال مني.. راشد عايفني.. وتمت العاش عايشه في هالافكار ..الكل عرف ان العاش حامل واولهم لطوف الي انهارت مب عارفه شوه تسوي.. تعمدت العاش انها تنشر الخبر عند كل العايله.. عشان تشوف ردت فعل راشد صوبها..بعد ما استوعب راشد فكرة ان العاش حامل منه.. اتصل بالعاش ..العاش وقف قلبها اول ما شافت رقم راشد ...
العاش وهي مخليه نفسها مب مهتمه : الوو ...
راشد : الوو ... السلالالام عليكم ..
العاش : مرحبا الساع .. وعليكم السلالالام ..
راشد : شحالج ؟؟..
العاش : الحمدلله ..
راشد : امممممممممممممم ... و انا بخير و نعمه ربي يسلمج الغاليه ..
العاش : بس انا ما سألت عن حالك !!...
راشد : شوووه اسوي بج .. ما سألتي قلت اتبرع واقوووول .. ههههههههههههههههه
العاش في خاطرها:يالله كيف هالانسااااااان رهييييييييييييييييب ... محلات ظحكته .. ياويلي احبه ... ربي يساعدني ..
راشد : امممممممممممممم .... و شحال البيبي ؟؟.
العاش : ... يهمك تعرف ؟؟؟..
راشد : لازم مب ولديه !!!..
العاش : شووه خلالاص خليته ولد بعد ؟؟..
راشد : ولد والا بنت ما يفرق عندي ( و قال في خاطره مب مهم المهم انه منج (
تمت علاقة راشد بالعاش علاقه سطحيه.. كان راشد يحب العاش ووااايد يحاتيها بس في نفس الوقت ما تحق نفسه انه يسامحها..ما يرضى على نفسه انه يكون مذلة عشانها عشان واحد ثاني..اكتشفت العاش انها تحب راشد.. مب لشي بس لانه حبها وبغاها.. لانه يخاف عليها من الهوى الي تتنفسه.. وهي جازته بالبعد والجفى ..واليوم هي مستعده اتسوي اي شي عشانه.. كان راشد يتصل بالعاش.. يشوفها اذا شي ناقصنها او اذا محتايه شي.. وكانت العاااااش تتعلث باي شي عشان تتصلبه ... تمواا لا اراديا يكلمون بعض كل ليله.. مع ان كلامهم كان وايد رسمي الا ان العاش ما كانت تقدر تنام الا اذا كلمته ... و في اوقات مواعيدها للمستشفى كانت تتصل براشد عشان يوديها
راشد : العاش انا في الدوام الحين .. خلي الدريول يوديج ..
العاش : امايه شلت الدريول وما ادري متى بترجع ..
راشد : خلاص بخلي ميثوه اتطرشلج دريولنا ..
.العاش : لا والله ؟؟... ليش هو ولد الدريول ؟؟
راشد : شووه؟؟..
العاش : شووف الي في بطني انت ملزوووووم به مب الدريول .. يله انا استناك لا تتاخر ..
وسكرت عنه بسرعه عشان ما يغير رايه ..
راشد وهو يظحك.. ااااااه من هالانسانه ذابحتني و الله...
واستمروا عهالحال.. والعاش مب عارفه شوه تسوي عشان راشد يغير رايه فيها ويصدقها..كانت تريد تعرف منوه قاله عن السالفه.. بس ما حبت انها تتواجع مع راشد مره ثانيه..كان احساسها يقولها ان للطوف دخل في السالفه.. بس هي مستعده اتسوي اي شي عشان ترجع راشد لها..في يوم كانت العاش تكلم راشد في التلفون.. وطاحت من ايدها غرشت العطر و طاحت عالارض وانكسرت حاولت العاش تلم الزجاج فجرحت ايدها ..
.راشد : العاش.. شوه بلاج ؟؟!!..
العاش : ااااي راشد يرحت اييييدي... اففففففففففففففففف تعورني راشد ...
راشد : عمتيه وين عنج ؟؟.
العاش : امايه ناااااايمه ..
راشد : اوكي اوكي برايج ...
سكر راشد عن العاش وراااااح صوبها .. واول ما وصل عند بيتهم اتصلبها ..
راشد : العاش .. انا برى تقدرين تطلعين ؟؟؟.
العاش : ان شاء الله الغالي ..
طلعت العاش من حجرتها وراحت صوب راشد الي كان موقف سيارته في حووووش فلة العاش..اول ما شاف راشد العاش تمشي صوبه نزل من السياره و راح صوبها ...
العاش : راشد بلاك شي استوى ؟؟؟..
راشد : اشووووف اييييييدج ...
انصدمت العاش من موقف راشد ومدت ايدها لراشد.. يلس راشد يشوف ايد العاش.. اااه فديت هالايييد والله.. ليته في ايدي ولا ايدها.. يلست العاش تتأمل راشد.. كأنها تشوفه اول مره.. فدييييييته من عيلته عليها ما سكر عقم كندوووورته حتى .... فدييييييييييييت والله محلاه ..
راشد : اففففففففففففففف ... خفت ليكون يرحج عميق.. بس الحمدالله اليرح بسيط ..العاش وهي اتشوووف راشد بعده ماسك ايدها : امممممممم .... شكرا ..
وفي هاللحظه طاحت عين العاش في عين راشد.. ما عرف راشد شوه يرد عليها.. اول مره ما يشوف نظرة الخوف في عيونها.. شاف نظره ثانيه.. نظره مب عارف معناها ..
راشد : اممممممممممممم .... دام انج بخير باستأذن عنج ..
وخلى اييييدها.. ولف ويهه عنها وكان بيروح صوب سيارته ..
العاش : لا ... لا .. وين بتروووح ؟!
وحطت ايدها على كتف راشد بعد ما لف عنها.. انصدم راشد من لمسة العاش له.. فجأة سحبت العاش اييييدها ... لف راشد صوب العاش
العاش : اممممممممممم ... بات عندنا اليوم (قالتله هالشي بنظره كلها حب وحنان)
راشد : هههههههههههههههه ... لا وين ابات ...
العاش : ليش راشد ترى هذا بيت عمك ....
راشد : و..؟؟!!..
العاش : .............. وبيت حرمتك .
سكت راشد ... العاش تباني ابات عندها .. معقوله العاش تكون صادقه ؟؟.. معقوله لطوف جذبت عليه ؟؟... يالله الشك ذابحني ...
العاش : امممممممم لا تتوقع اني بخليك تسري ... خلاص خلاص بتبات عندنا هههههههههههههههه..
راشد : ههههههههههههههه ... يعني ما لي مفر ؟؟؟..
العاش : هههههههههه مستحيل ..
دخلت العاش وراشد الفله وراحوا قسم العاش..عند صلاة الصبح نش راشد وراح يتسبح ..نشت العاش وسمعت راشد وهو يتسبح.. استنته العاش الين ما طلع..بعد ما طلع راشد انتبه ان العاش واعيه ..
راشد : شووه وعيتج الغاليه ؟؟..
العاش : لا عادي فديتك..
انتبه راشد ان هذي اول مره العاش تتفداه.. قامت العاش وراحت الحمام.. لبس راشد كندورته وراح المسيد.. ويوم رجع لقى عمته مريم يالسه تشرب حليب في الصاله.. انصدمت ام العاش يوم شافت راشد.. بس فرحت عالاقل رد لبنتها ..يلس راشد عند عمته يسولف معاها.. عقب نشوا خوان العاش عشان يسرحون مدارسهم.. طلعت العاش من حجرتها.. شافها راشد.. يالله محلاتها.. ههههههههههه ومحلاة بطنها الصغير.. يالله بعد كم شهر بيكون لي ياهل من العاش .. يت العاش ويلست عدال راشد وصبتله حليب ..
العاش : ليش لابس هالكندوووره؟؟..
راشد : مب ياييب عندي كنادير ..
.العاش : عندي لك كنادير في الكبت ..
راشد : لا خلاص عاد .

العاش : شووه خلاص عاد ... عليك دوااام .. شووه بتسرح بهالكندوووره ؟؟..
راشد : لا برووح البيت و بغير ثيابي ..
العاش : ليش هالعثره كلها نش نش ..
نشت العاش ..
راشد : العاش بشوي شوي وانتي تنشين .. مب زينه هالنشه لج ..
فرحت العاش لرمسة راشد .. فديته يحاتيني ..دخلت العاش حجرتها وراشد وراها فتحتله الكبت وخذتله كندوره وعطتها له .. طلعت عنه عشان يتلبس وراحت وحطتله يمر رجعت العاش الحجره ولقت راشد يتسفر ... حطتله العود ويلست ادخنه ...
رن تيلفون راشد .
راشد : الووو..
ميثه : راشد وين انت .؟؟.
راشد : واللله الا في الدار .. رب ماشر ؟؟
.ميثه : شووه انت ما بت في البيت ؟؟..
راشد : لا
ميثه : لا والله ؟؟.. وين بايت؟؟
راشد : فبيت عمي سعيد ..
ميثه : امممممممممممم ... يعني عند العاااااااااااااااااااش ؟؟؟..
راشد : انت شوه تبين متصله ؟؟
.ميثه : عطني العاش عشان اتاكد ..
راشد : وتتأكدين من شوووه ؟؟
.ميثه : مالك دخل عطني العاااش ..
راشد : العاش ميثوه تباج ...
وعطى العاش التيلفون ..
العاش : هلا والله ..
كان راشد يسمع كلام العاش و مب فاهم شي منه ... خاطره يعرف عشوووه تضحك ...
العاش : خلاص .. بدقلج بعدين ..
طلع راشد عن العاش وهو ميت يحبها ويموت فيها بس لطوف زرعت الشك في قلبه من صوب العاش.. معقوله العاش تنافق ؟!!.. كيف ممكن تكون جذيه معاه ولها علاقه بواحد ثاني في نفس الوقت كيف.. كيف ؟؟! تمت هالشكوك الحاجز بين العاش وراشد.. والعاش مب عارفه شوه ممكن تسوي عشان ترجع راشد الها بعد ما حست بقيمته وغلاته في قلبها.. كانت العايله كلها في العزبه ومثل كل مره البنات في صوب والشباب في صوب والحرمات والشواب في صوب .كانت العاش يالسه عند البنات بس كل فكرها براشد.. الي كان يالس يسولف هو وخلف والباقين.. ويشوووف العاش و نظراتها له ...
العاش : بنات .. بنات بشل شله ... امممممممممم ...لعرب عيونهم سود ..
الكل فهم ان راشد هو المعنااااي بالرمسه ...شلة العاش رفجه عليك اتقولي تم لحمد العامري ..
العاش :رفجه عليك اتقولي تم ... و تقول حاظر ياغناتي
عود تراني حيل مغرم ... مشتاق شووفك ياغلاتي لك
الغلا لك زمني زم ... و اثر على طابع حياتي
شرواك بين الخوذيا يعدم ... وصفك عديم في بلاتي
عودك لذين و خصراهضم .. و عيون سود و ناعساتي
يا زاكي اليدين و العم ... لا تكون سبه في وفاتي
مركب هوانا قد تحطم ... يوم المراكب راسياتي
فديت رووحك لي تبسم ... و عيد الليالي الماضياتي
بعدك حبيبي زادني هم ... و زيد ونيني واعبراتي
ما دمت بلي صار تعلم ... هل كيف تتعمد شقاتي
ارجوك يالمظنون ترحم ... حرام ليلي ما اباتي
رفجه عليك اتقولي تم ... و تقول حاظر يا غناتي
خلف : تم .. مره افا عليج ... الي بغيتيه الغاليه ...
العاش وهي تضحك : ههههههههههههههه تسلم و الله الغالي ..
راشد : خلف تعال بنمشي شوي ..
قام خلف وراشد يتمشوون ... قال راشد لخلف سبب مشكلته مع العاش .. قاله كلام لطوف له وقاله ردت فعل العاش .. قاله كل شي صار بينه وبين العاش ...
خلف : والله يا راشد ما اعرف شووه اقولك ... بس انت ما رجعت و كلمت العاش عن السالفه مره ثانيه ؟؟..
راشد : لا ما كلمتها .. اخاف اكلمها تقولي طلقني شرات ذاك اليوووم و انا ما استحمل فكرة اني اطلق العاش ... و بذات الحين وهي حامل مني .. بس ياخي الشك لاعببي و الله ما ابات الليل من السالفه .. احبها و امووت عالتراب الي تمشي عليه .. بس ذابحني الشك من صوبها ..
خلف : انزين راشد وافرض ان العاش صادقه معاك وان الحقيقه هي نفسها الي قالتها العاش .. شوووه بتسوي ؟؟
راشد : خلف العاش ما انكرت علاقتها به ...
خلف : بس حلفتلك انها قطعت علاقتها به قبل لا تخطبها .. والعاش مستحيل انها تستمر بعلاقه بشخص وهي متزوجه ..
راشد : بس لطوف تقول ان العاش الين اليوم مستمره معاه و الين باجر بعد لانها تحبه ..
خلف : ولطوف قالتلك انها ما تبى تحمل منك.. وسبحان الله هذي حامل منك حتى قبل لا تستوي هالمشكله.. يعني لو تفكر بغيرك كانت مستحيييل تيب عيال منك.. الا كانت بتحاول انها ما تخلي اي شي يربطها بك.. عشان تتطلق وتعيش حياتها عراحتها.. وعن الحب .. اعتقد ان العاش تحاول تثبتلك انها تحبك .. راشد تعرف تحبك انت مب حد غيرك ..
راشد : بس ..
خلف : راشد لا تحاسب العاش عماضي انتهى .. حاسبها من اليوم الي شلت فيه اسمك ... واذا بتحاسب عالماضي فالعاش من حقها انها تحاسبك بعد ومافي انسان معصوم عن الغلط .. راشد العاش تحبك .... ياخي العمي يشوووف حبها لك ..
راشد : ما ادري والله يا خلف ..
خلف : راشد اليوم العاش تباك بس الله يعلم شوه بتكون عليه الحال باجر .. لا تخلي الشيطان يهدم حياتكم وانتو توكم في اولها.. لا تخسر العاش عشان سالفه انقضت لانك ان خسرتها بتخسر واااااايد .. بتخسر حب حاولت توصله سنين و اللحين هو بين ايديك فلا تضيعه ...
رجع راشد وخلف عند الشباب .. طرش خلف مسج لبخيته حرمته عشان ترووح هي و العاش بعيد عن البنات لانه يريد يكلم العاش ..
بخيته : العاش .. تعالي بنرووح نشووف قوم عمتيه شووه يسون ..
لطوف : برووح معاكن ..
بخيته : لا لا خلج هنيه عند البنات .. هههههههههههه انا و العاش بينا رمسه
العاش : ههههههههههههه رمست شووه ؟؟؟
لطوف : وهاي الرمسه ما تنقال عندنا ؟!!!!!؟.
بخيته : هههههههههه رمست حرمات وراهن ريايييل و انا و العاش معرسات و انتن بنات عييييب تسمعن هالرمسه هههههههههههههه
العاش : هههههههههههههههههههههههه ... يله
قامت العاش وبخيته عن البنات وهن يمشن صووب عزبت خلف ريل بخيته ..
بخيته : العاش .. خلف طرشلي مسج بغى يرمسج و انا ما قدرت ارمس جدام البنات ..
العاش : رب ما شر ...؟؟؟
بخيته : والله ما ادري .. صبري باتصل به ........
اتصلت بخيته بخلف وهو كان يمشي صوبهن ..
خلف : هههههههههه شحالج ام البنات ؟؟
بخيته : فديت البنات ..
خلف : ههههههههههههههههههه ... هاه العاش لا تكونين تمشين على طريق بخوووت و تظوين البنات لراشد ههههههههههههههه ؟؟.
العاش : هههههههههههههه حرام عليك خلف هههههههههههههههههههههه
خلف: المهم بغيتج في رمسه
العاش : لبيه ..
خلف : رمسني راشد اليوم عن السالفه الي استوت بينكم ..
بخيته : اي سالفه ؟؟!!

خلف : بخوت لمي ثمج ..
العاش : امممممممم ... وانت شووه رايك ؟؟
خلف : مب مهم راي المهم ان راشد يباج فاذا انتي تبينه لا تظيعينه من ايدج.
العاش : والله اباااااااااه
خلف : خلاص عيل .. عليج به .. وانت حرمه تعرفين كيف تتعاملين مع ريلج
بخوت : العاش ان بغيتي معونه انا تحت امرج الغاليه وترانا خوات ...
العاش : فديتج الغاليه تسلمين والله ..
خلف : وللعلم بس ترى لطووف هي سبب المشكله
العاش : شووووووووووووووووه ؟؟؟!!!!!!..
خلف : انا ما اقولج عشان ترووحين تتضاربين معاها انا اقولج عشان تاخذين حذرج منها ...
العاش : اممممممممممم ... والله كنت شاكه .. بس ربي يساعدني و انشالله ما تسمع الا كل خير و ربي عسى يطولي بعمرك
خلف : هههههههههههههههههههه ... هذا الي اخذه منكم .. عوار الراااااس جني يبتكم و نسيتكم هههههههههههه
رجعت العاش وبخيته و يلسن عند البنات ..
لطووف : هاه خلصت سوالف الحرمات ؟؟؟..
العاش : لطووف شووه بلاج .؟؟؟..
لطوف : شبلاني بعد ؟؟!!؟؟... ما شي الا حركتكن مالها معنى تنشن عنا و جن بينكن شي ما تبنى نعرفه ..
العاش : صح لطووف بينا شي ما نباكن تعرفنه ...
ميثه : لا والله وشووه هالشي عاد ؟؟؟..ا
لعاش : والله يا ميثه انا ما تميت اثق في حد اخاف اقولج تروحين ترمسين من ورايه عند حد .. او تسبيني عند ريلي
وشافت لطوف كأنها اتقولها انتي المعنايه بهالرمسه ..عقب ما تعشوا تزهبوا عشان يردون بيوتهم ..
حمد : راشد شل حرمتك المدني فياك .. حشى ما خلوني اسوق .. ايه البنت حامل ايه براااض عختك ... حشرني العيايز ..
راشد : مدني في عينك ..
ام العاش : عيز حيلك عسى والله محد عيزبي الا انت وخوانك وإلا انا بعدني بنت والا شوو الراي يا مزنه ؟؟.
ام راشد (مزنه) : هههههههههههههههههههه عنبوه يامريم بناخذ زمانا و زمن غيرنا .. ههههههههههههه
حمد : وشهد شاهد من اهله ..
ام العاش : شووه ؟؟
حمد : هههههههههههههههه ماشي نشي نشي خلينا نسري ... و بوسنيده حرمتك انت شلها مع كرشتها هذي
العاش : هههههههههههههه اصلا راشد غصبا عنه بيشلني ..
خلف : هههههههههههه .. ابصم بالعشر ان الكتبيه بتمشي رمستها على بو سنيده ..
حمد : هههههههههههههه وانا ابصم بالعشرين ختيه و اعرفها ...
راشد : لا والله ؟؟؟؟؟..
العاش : والله ...
وراحت العاش وركبت الرنج وراشد يشوفها ..
خلف : ههههههههههههههههههه ... خل عرج المناصير ينفعك الحين ههههههههه.
راشد : والله ؟؟؟ وين بخوووت ؟؟.. تعالي شلي ريلج لا اخبصلج ويهه اللحين
بخيته : ما رمت لحرمتك استقويت عريلي ؟؟؟ ههههههههههههههه
العاش : راااشد .. يله ..
خلف : ههههههههههههههههههههههه ... رووح روووح حرمتك تباك هههههههههههههههههه..
راح راشد وركب سيارته وهو يضحك ... آاااااااااه محلاته وهو يضحك ... يلست العاش اتدور في السياره ..
راشد : حووووووووووووه ... شووه تسوين ؟؟
.العاش : افففففففففففف ... ادور شريط اسمعه ..
راشد : لا والله ؟؟؟... انا عاد اريد اسمع عيضه .
.العاش : وانا خاطري اسمع ميحد ..لقت العاش الشريط الي كانت تباااه .. يلست تعيده الين ما وصلت مرحبا بطارش نباكم.. وطولت عليها.. فهم راشد قصد العاش من هالحركه بس ما عطاها ويه ..
العاش : اففففففففففففف ... عندك شريط حمد العامري ؟؟
راشد : لا ..
العاش : عادي مب مشكله ..بندت العاش المسجل ولفت صوب راشد ...
ما عرف راشد شووه بلاها الين ما سمعها تشل شلة حمد العامري .
العاش : عطني من اوقاتك حبيبي دقايق ... وان كان ما تقدر تسد الدقيقه
بعطيك انا مصدر مشاعر وثايق ... من عاطفت رووح وفاها وثيقه
رجواك يامن رجوة القلب ضايق ... و من شفتك ينسى عذابه و ضيقه
ريجه مذاق الكيف و الذوق رايق ... و من عذب ريقه اجمل المسك ريقه
وكوذر الفردوس و النهر سايق ... و احلا من الشهد المصفى رحيقه
لا تبتعد عني تشب الحرايق ... و تجعل غرام الشوق فيني حريقه
انا اشهد اني عنك ماني بطايق ... لان خفوقي ما يدور عشيقه
انا طريدك حر درناس فايق ... و الحرلي من طار يعرف طريقه
عطني من اوقاتك حبيبي دقايق ... و ان كان ما تقدر تسد الدقيقه
العاش : ممكن راشد ؟؟؟
سكت راشد ... يالله كيف يحب هالانسانه ... في ذيج اللحظه نسى راشد لطووف و رمستها .. كل الي يريده هو العاش ..
==================
العاش : راشد ... رااااااااااااشد
راشد : هاه فديتج ..
العاش : راشد قوووم .. حاسه نفسي بربي ..
راشد : شووووووه ؟؟؟؟.. انزين شووه اسوي ؟؟؟
العاش : روووح وع عمتيه ... آاااااااااااااااااه ..
راشد : اوكي اوكي .... بس لا تصيحين ..
العاش : ياويلي ما بصييييييح روووووووووح بس
راح راشد ووعى امه وشلو العاش وودوها توام ..اتصل راشد وخبر عمته مريم ام العاش ان العاش في المستشفى..وفي المستشفى راشد خايف عالعاش.. العاش في غرفة الولاده و عندها امها وعمتها ...
العاش : امايه .. اريد راشد ....
وتصيح ام العاش : ودي بالستر ... شوو تبين الريال؟ اروووحه يتحرقص برى ..
العاش : فديييييتج امايه اريد راشد ...
طلعت ام العاش صوب راشد ...
ام العاش : راشد .. حرمتك محتشره تباك
راشد : فديتها ..
وربع راشد صوب العاش ..
العاش : راشد بموت ....
راشد : لا فديتج .. لا ان شاء الله ..
مسكت العاش اييييد راشد
راشد : العاش لحظه لحظه ... لا تمسكين ايدي اليمين .. مسكي اليسااار ..
العاش وهي تصيح : و الله انك متفيج .... ليتك مكاني ..
راشد : شوه اسوي تراه في الفلم كسرت ايد ريلها وهي تربي .. تكسرين اليسار مب مشكله .. فدوى عن راسج الغاليه ..
العاش : راااااااااااااااااااااااااشد يالزفت ..
ربت العاش ويابت بنت قمر .. في غرفة العاش في المستشفى ....
ام راشد : هاه فديتك شووه بتسمونها ؟؟
راشد :العاش ماتيب الا العنوود .... انشالله العنوود .
طلعت ام راشد وام العاش من الحجره ويلسن في الصاله ...
راشد : تستحجين السلالامه غناتي
العاش : ربي يسلمك من كل عووووق الغالي ..
راشد : فديتج و الله ....
وحب العاش على راسها.. 23\4كان تاريخ ميلاد العنووود ... وكان ميلالالاد حب العاش وراشد ....

النهاية
ان شاءالله عيبتكم القصه