بعطيك من الحب ما تستحق ولا بزيد ..

بعطيك من الحب ما تستحق ولا بزيد


صدقني ليتني اقدر احسبك من جديد
ليتني اقدر اتحكم بمشاعر الفؤاد

كل ما احاول اتقرب احس انه ما يفيد
لأن كل ما اتقرب احس انك في ابتعاد

ما ادري تتعمد البعد ولا وقتك عنيد
وكل ما ابطى الوقت فيني اليأس زاد

شف نتيجة الهجر و تأثيره عالوريد
قطع حبل الحياه وانا حيّ من العباد

بعد ما كنت العاشق اللي في حبه شديد
احترق كل مابي و برد اصبح كالرماد

كم قلت لك لاتترك القلب الوحيد
وانته لاهي بدنياك وتسعى فالبلاد

كم بكيت وانهرت قدامك وماني بمستفيد
الا اعتم القلب واظلم وخيم به السواد

بس شوفني بعد العذاب عدت كالحديد
ما يأثر فيني شي وقواس ظلوعي شداد

بعطيك من الحب ما تستحق ولا بزيد
بعد ما كنت لك فيض من المشاعر بوداد

والله ماني باللي وصلت له فرحان وسعيد
كنت احلم بوصلك وما وصلتله المراد

خيبة امل حطمتني و خلفت قلب بليد
ما يعي باللي حوله متحجر كالجماد

كنت دوم اردد ازرع وابشر بالحصيد
وانا زرعت فيك لين زاد زرعك ابفساد

قدمتك على نفسي وجعلتك بقيدي تقيد
ما تعرف دروب الحب وانته توك فالمهاد

من عرفتك عزلتك عن العالم بعيد
وقلت صدقوني هذا غير قلتها بوكاد

قلت صغير السن لاكن بتفكيره رشيد
واكتشفت انك مصدر تعذيب الرشاد

ليت اللي اقوله يقدر يغير شي او يفيد
ما يفيد دام انك بطبعك ظغطت عالزناد

مات القلب من صوبك واصبحت كالفقيد
اللي فقد نفســــــــــــه ولبس ثياب الحداد

((ما يأثر فيني شي وقواس ظلوعي شداد))


يعطيج ااااااااااااااااالف عافيه


وتسلم يمناج ع القصيده