قلبي خذا اللي ساكن((ال________سلع))

الجزء الاول

عليا نزلت من غرفتها وسارت صوب الصاله ولقت ابوها يتريق وقالت له :السلام عليكم والرحمه ابويه اشحالك عساك بخير ابو عليا:هلا بالغاليه بخير دام اشوف هالويه الحلو عليا تسلم يااغلى اب فالدنيا ابو عليا: تعالي واتريقي قبل لاتظهرين عليا لا ابويه مالي خاطر بتريق في الكليه تأمرني بشئ؟ ابو عليا لا فديتج مرخوصه وديري بالج على عمرج ..عليا تحب ابوها على راسه وتقول في وداعة الرحمن ابو عليا: ربي يحفظج…

عليا اخر العنقود وايد حلوه وهى دلوعه البيت امها متوفيه يوم كانت صغيره ويحاول ابوها يعوضها في كل شي ومب مقصر فيها.. عليا عندها ثلاث اخوان واختين واللي هم سعيد معرس وعنده ولد اسمه حمد ومايد خاطب بنت خاله ومحمد يدرس في بريطانيا اما الاختين جواهر ولطيفه فهن معرسات وكل وحده في بيت ريلها…

عليا ترمس دريولهم محى الدين اسرع ماباقي شي على الكلاس مافيه على حشرة السير محى الدين :انزين مافي خوف انا يوصل انت في وقت …
عليا :انزين بلا هذره زايده وبسرعه.

دشت الكلاس وهى تقول في خاطرها الحمد الله ماتأخرت
فطامي: هلا والله علايه زين ماتأخرتي ولا السير بيحطج ليت
علايه: ليت ولا لمبه هههههه
عواشي: ههه شحقه متأخره
عليا: تعرفون محى الدين ياحبه حق السوالف واصلتله رساله امسات ويالس يخبرني ان بنته نجحت ويسوق على راحته بس انا ماخليته هزبته وقلت اذا تأاخرت ياويلك وتموا يضحكن البنات ودخل عليهم الاستاذ وقال: good morning ladies بعد مرور ساعتين اتلاقوا الشله في الكفتيريا وهن (عليا.فطامي.عواشي.مريم وعنود) وسارن يتريقن…
البنات يدرسن في اخر السنه لهن في تقنية الشارجه من اربع سنوات وهن اكثر من خوات كل وحده تحاتي الثانيه…

وبعد يومين

عليا تموت على باتشي فقالت حق محى الدين يمرون باتشي اللي على البحيره وفرصه بعد الصبح ماشي زحمه
عليا: محى الدين انزل واشتر اللي دووم تشتريلي ياه انزين
.محى الدين: ان شاء الله ماما عليا
ونزل وتمت عليا في السياره كانت سرحانه تسمع اغنيه ميحد حمد السوالف وفجأه تسمع حد يدق الدريشه بصوت عالي وتمت تدور مصدر الصوت وشافت شاب معصب لان محى الدين ضارب اربع اشياير وموقف جدام سياره راشد وراشد مايقدر يظهر
وتم يدق على الدريشه لين مافتحت عليا دريشه السياره نعم في شي؟
راشد: لاوالله سيارتكم واقفه جدام سيارتي وانا ابا اظهر ومب راايم بسبتكم..
عليا : انزين بسم الله اللحين الدريول بيخوز السياره اتريا شويه ..
راشد: اووووووف بسرعه انا مستعيل .

راشد كان ساير باتشي عسب يشتري حق اخته مربيه وهو شاب عمره وسيم مغرور بطبعه عمره 25 متخرج من الجامعه ويشتغل في شركتهم ..

عليا: تطالعه وهى مستغربه كيف يرمسها بهالطريقه وهوحتى مايعرفها كل هذا عسب ان سيارتهم مخربه عليه وهو معصب وتقول في خاطرها صدق هالريال ماعنده مذهب ولا يحشم الناس.
راشد:وين الدريول ليش تأخر
عليا : بلاك محتشر ؟ مااعتقد مسوين جريمه دقايق وبيرجع الدريول صدق ناس ماعندها اتيكيت..
راشد: شو قلتي يا انسه اتيكيت؟
محى الدين: شو في انت ليش يصارخ على ماما عليا صغير نفر مجنون
يرد عليه راشد: هاللي ناقص بعد دريوليه ولسانهم طويل سكت وكمل شرات صاحبه ويطالع عليا …عليا ماسوتله سالفه وسكرت الدريشه.. وركب محى الدين السياره حتى راشد وكل واحد سار بدربه يفكر في الثاني…



اترياااااا الردوووووووووووووود
وباجر بكمل القصه

الجزء الثاني

راشد وهو ساير بيت اخته تم يفكر انا ليش سويت جيه فالبنيه؟ وليش رمستها بهالاسلوب بس انا كنت مستعيل وهم سادين الدرب عني وهى بعد ماقصرت ردت عليه بس حلوه وهو يفكر رن الموبايل راشد:الو ..
عبدالله:هلا والله بوسنيده وينك ياريال
راشد:موجود تدري انشغلت مع الرضيعه والمولود اليديد
عبدالله:صدق نسيت ابارلك مبروك ويتربا في عزكم ان شاء الله
راشد:تسلم بوحميد…
عبدالله:خلاص عيل بخليك ونتلاقا اليوم
راشد: ان شاء الله
عبدالله: في وداعة الرحمن
راشد: ربي يحفظك ومع السلامه…
عبدالله وراشد ربع من ايام الدراسه ونادرا مايفترقون …

كانوا متيمعين كلهن في بيت فطامي في الويك اند كلهن عليا.عواشي.عنود ومريم ….

عنادي:اقول ميمي وين تتوقعين بيخلونج في الورك بليسمنت(فترة التدريب لانهن بعد ثلاث شهور بيتخرجن) ؟
مريم:والله ماادري بس ابا مكان مافيه وايد ريايل تدرين بعد السلطات العليا ماتوافق (مريم مالجه وبتعرس في الصيف ).
فطامي:الله يعينج انزين بتشتغلين بعد العرس؟
مريم:ماادري قال لي ماشي شغل بعد العرس وانا بحاول اقنعه الله كريم..
عواشي: متى بيخبرونا عن الورك بليسمنت؟
عليا: انا سمعت بعد يومين..
وبعدين تمن يسولفن لين الساعه تسع وخلاف كل وحده سارت بيتهم..
يوم السبت هو اليوم اللي بيخبرونهم كل وحده وين بتكون في الورك بليسمنت
عواشي: يلا نسير الكلاس اللحين معلقين الاسامي والاماكن
ردن البنات:يلا عيل بسرعه وساروا الكلاس وفعلا حصلوا كل البنات متيمعين وكل وحده تدور اسمها
عنادي: انا وعواشي في غرفه وصناعة الشارجه
عليا: صدق والبقيه ؟
فطامي :لحظه بندور
مريم:عيوني اشلقن وانا ادور اسمي واخيرا حصلته انا في مصرف الاسلامي وابتسمت زين والله حماده بيستانس وانا مع بنت كلاسنا شويخ …
فطامي:علايه انا وانتي رباعه حاطينا في شركه الامارات للمقاولات والهندسه علايه: ياسلام بيكون روعه الورك بليسمنت ..
كلهن كانوا مرتاحات من الاماكن وبيكون الورك بليسمنت بعد شهر ولازم يستعدون من اللحين من بروجكتات وبرستنيشن ومحاضرات واشياء مالها اخر ولازم يشدون حيلهن لان هذا السمستر الاخير ...

بعد مرور اكثر من اسبوعين كانت عليا في المكتبه تكمل البحث ويتها فطامي وقالت :اوووووووف بسرعه عليوه انا مستعيله على طول تذكرت عليا راشد وهو يتحرطم عليهم تذكرت ملامحه وكيف هالانسان شايف عمره وطريقة اسلوبه يوم رمسها فطامي وهى عاقده حياتها: علايه بلاج انا من الصبح ارمسج وين سرحتي؟
عليا:ماسمعتج شو قلتي؟
فطامي: ماما انتي فيج شي اليوم شو متريقه فول ولا فلافل هههههه
عليا:خليته حقج الفول يالدبه ذكرتيني بشي ماابى اتذكره وردت تذكرت راشد والموقف اللي حصل فطامي: علايه بالزين قولي لي شو السالفه
علايه: السالفه ومافيها الله يسلمح ويسلم غاليج وخبرتها علايه عن راشد واللي حصل دووم تخبر فطامي كل شي يستوى حتى فطامي ومابينهن اسرار وتمت فطامي تتحرطم عليها عسب انها ماخبرتها بالسالفه من زمان بس عليا بررت موقفها وتمن يسولفن لين ماخلص البريك بعدين ردوا الكلاس وفطامي تغمز لعليا وتبستم لين الاستاذ شافها وعصب ...
خلص الدوام وكل البنات ردن لبيوتهن ومر الاسبوع الاخير ومن يوم السبت كل وحده بتسير مكان التدريب لمدة شهرين.. ...........

تتوقعووون شوووبيصييييير.......................
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟ ؟؟؟؟؟؟؟؟؟؟؟؟؟؟؟؟؟

هااااا شووورااايكم ابى الردووود

وبكرا راااح اكمل....

يعطيج العافيه ع القصه

اصراحه اتعب الواحد الين يقراها وتفر العيون فر ...خخخ

لا ماعليج كملي...

الجزء الثالث
يوم الخميس عليا كانت في حجرتها ترتب اوراقها والملفات وفكرت انها تنزل يمكن تلقا حد وتسولف معاه لانها من ردت الكليه ارتاحت شويه وجابلت الاوراق والملفات..سارت الصاله ولقت مايد يالس يطالع مباراة الشارجه ..
عليا: هلا مايد غريبه ماسرت النادي؟
مايد: بغيت اسير بس رديت من الدوام وايد تعبان وماقدرت اسير ..
عليا سلامات وشو نتيجة المباراه؟
مايد يبتسم ابتسامة فخر ويقول اكيد نحن فايزين ياطويلة العمر..
عليا: انزين انا ملانه سولف معايه
مايد:اللحين وقت سوالف انا مندمج في المباراة.. تذكر انه كان يبا يرمس عليا عن هند خطيبته اقوووول عليوه
عليا: خير
مايد:الخير في ويهج ياويه الخير
عليا:ماشاء الله من متى كل هالاحترام والادب هههه
مايد:اختى لازم اعطيج عيوني بعد
عليا:هههه لا ماابا عيونك المشلقه هههه
مايد:انا عيوني مشلقه انزين ماعليه وفركرتون الكلينسكس عليها
عليا: خلاص قول كلي آذان صاغيه
مايد: شو رايج تعزمين بنات خالوه عندنا
عليا:وانا اقول كل الكلام الحلو عسب تشوف هنوده وتغمز له
مايد:صدق عليا من زمان ماشفتها
عليا: فالك طيب تدري انا مقصره وماأسأل على خالوه وبناتها شو رايك نسير باجر ونتغدى عندهم؟
مايد: فالج مايخيب الغاليه باجر بعد ماارد من المسيد بنسر اوكي ويبتسم
عليا: ان شاء الله عيل انا بسيرو بتصل فيهم وبخبرهم..

رمست عليا هند وخبرتها ويوم درت ام هند استانست وقالت مره وحده بنعزم بنات اختي كلهن عليا, جواهر ولطيفه من زمان ماشفناهن …

اليوم الثاني بعد مارد مايد من المسيد كانت عليا تترياه في الصاله عليا اتفقت مع خواتها انهم يسيرون بعد صلاه الظهر تقريبا ويوم كلهم وصلوا بيت خالتهم ام سيف دشت عليا مع مايد وسلموا : السلام عليكم ورحمه الله خالتها والبنات وعليكم السلام والرحمه
ام سيف: هلا والله بعيال الغاليه وينكم عنبو لاتنشدون عن اخباري ولا نشوفكم الا نادرا
مايد: افا الغاليه انتي مكانج في القلب
عليا اسمحيلي انشغلت بالكليه وادري بعمري مقصره في حقكم بس دووم كنت أنشد هند عنج .مايد يسلم على بنات خالته ميره وفاطمه وحبيبة القلب هند وقال خلاص عيل انا بترخص عنكم وبسير ميلس الرياييل اكيد قوم سيف هناك
ام سيف: مرخوص الغالي وبنشوفك خلاف مايد: ان شاء الله
تأمروني بشي؟ ويطالع هند
ام سيف: سلامتك
قبل لايظهر دشن خواته لطيفه وجواهر سلم عليهن وظهر بعدين سلموا على بعض وتموا يسولفون لين ماتغدوا بعد فتره آذن العصر
أم سيف: يلا بنات كل وحده تسير تصلى ترى أذن العصر ردوا عليها البنات ان شاء الله بعد ماخلصوا الصلاة جواهر ميلسه ولدها خالد في حضنها وكانوا الصغاريه يلعبون بلي ستيشن والبنات يسولفن
لطيفه: عليا متى بتبدأ فترة التدريب؟
عليا: باجر ان شاء الله
ميره: وين حطوج؟
عليا: شركة الامارات للمقاولات والهندسه
هند: اربيعتي ميثا داومت هناك و تمدح المكان لا تحاتين بيعيبج
عليا: ان شاء الله خير …
الساعه خمس ونص جواهر ولطيفه ردن بيوتهن بعد ماسلمت عليا على ام سيف وبناتها ظهرت وقالت لهند وصليني لين الباب مايد موصنها هند فهمت .. عليا وهى تمشي بلاج مستحيه بعدنا ماشفناه
هند: وين مايد
عليا: اكيد في السياره وحليله متعذب الريال
هند بصوت واطى يعلنى فداه
عليا: شو قلتي؟؟
هند: سلامتج …
مايد يالس في السياره يسمع اغنية تدري اني موت احبك ويفكر في هند اووف متى اعرس شافهن ويقول في خاطره هلا بقلبي فديتها ماحلاتها..
عليا تغايضها مشكوره انسه هند ممكن تردين البيت اللحين
هند: خليني اسلم على مايد
.. مايد : هلا والله بالقمر
هند: هلا فيك
مايد:متى بتتخرجين
هند: السنه اليايه
مايد: الله يسامحج بتخليني اترياج وايد
هند: شو نسوي ونزلت راسها
عليا: نحن هنا يلا مايد انا مستعيله وراي دوام باجر
مايد وهو يتحرطم: انزين دقايق ويطالع هند خلاص القمر بسير شي في الخاطر؟ هند: سلامتك
مايد:الله يسلمج ...
دشت هند البيت وفي الدرب قال مايد وهو معصب شو فيج ماخليتي ارمسها على راحتي عليا: كل هالسوالف مارمست
مايد: ماعليه علايه انا اخوج حبيبج جى تسوين فيني!
عليا:هههه خلاص روميو كل يوم بنتغدا وبنتعشا في بيتهم شو رايك
مايد: هههه تتمصخرين حضرتج
عليا: انا شاء الله يوم بتعرسون بجابلك ليل نهار
مايد :متى بس …
مايد نزل عليا البيت وبدل ملابسه وظهر عليا سارت حجرتها وتمت تفكر في باجر الله يستر شو بيستوى دقت على فطامي وقالت لها انها بتمر عليها وبيسيرون رباعه بدال ما يوصلها ابوها فطامي رضت وبتمر عليها الساعه سبع ونص لان الشركه في شارع الجوازات والطريق زحمه ومايبن يتأخرن من أول يوم ……

اليوم السبت والساعه سبع ونص مرت عليا على فطامي وشرات ماتوقعوا الدرب زحمه
عليا: محى الدين اسرع مافينا نتأخر
محى الدين: ان شاء الله
فطامي: محى الدين بنتك أشتغلت بعد ماتخرجت
محى الدين: هى يشتغل في شركه كبير داخل بلاد مال انا
فطامي: زين والله ومرتك شو علومها
محى الدين: واجد زين
عليا: فطامي دخيلج اسكتى هذا راديوا مابيسكت وبنتأخر
محى الدين: انا مافي كلام واجد
فطامي: خلاص عيل بنكمل سوالفنا بعدين
عليا: يكون احسن محى الدين اسرع شويه وتموا يضحكون من سوالفه ..
محى الدين: وصلنا هذا عماره كبير شركه داخل
عليا: الحمد الله في الوقت المناسب اقول محى الدين مر علينا الساعه 2 ونص اوكي
محى الدين: اوكي ..
نزلن ودشوا الشركه بعد ماتعرفوا على الموظفين وعلى المكان قالت السكرتيره ان المدير بيقابلهن بعد ربع ساعه…

عليا: يلا نسير المدير يتريانا
فطامي: يلا
دشن المكتب وسلموا علىصاحب الشركه بومنصور :وعليكم السلام ياهلا ببناتي
عليا وفطامي وهن مستحيات: هلا فيك
بومنصور:اشحالكم وشو علوم الدراسه
علياوفطامي: الحمد الله كل شي تمام
بومنصور:الحمد الله تشربون شي؟
عليا وفطامي:لا شكرا
بومنصور:افا مايستوى ويقول للسكرتيره تيب عصير برتقال وقهوه بومنصور: السكرتيره مرام بتخليكم في قسمين مختلفين واذا نقصكم شي خبروني
علياو فطامي :ان شاء الله بومنصور يطالع عليا ويقول في خاطره ملامحها مب غريبه وقرى اسمها بالكامل في الملف وقال انتي بنت سلطان بن حميد بو سعيد؟
عليا: هيه انت تعرفه؟
بومنصوروعادت له ذكريات الدراسه :كيف مااعرفه عشرة عمر تدرين ان نحن دارسين رباعه في مصر وهو عزيز وغالي
عليا: انا بنته الصغيره عليا
بومنصور:انا احيدج صغيره ماشاء الله غديتي عروس
عليا:وهي مستحيه تسلم بومنصور
بومنصور:عليا وفاطمه عاد اللحين انتو vip بتكون معاملتك خاصه واذا بغيتوا شي خبروني مايردكم الا لسانكم
علياوفطامي :ان شاء الله
فجأه انفتح الباب ودخل ولده بومنصور: حياك ابويه راشد
راشد: السموحه الوالد مادريت ان عندك ضيوف
بومنصور:تعال بيعرفك عليهن لان بتكون المسؤل عنهن
راشد ماانتبه عليهن بومنصور: هذي عليا بنت الغالي بوسعيد والثانيه فاطمه ربيعتها بيدربون عندنا شهرين راشد وعليا مب مصديقن وكل واحد يقول في خاطره شو هالصدفه الغريبه بومنصور: راشد شو فيك سلم عليهن على الاقل
راشد: السموحه ب عليا وفاطمه الشركه نورت ويبتسم ابتسامة خبث ويطالع عليا بنظره غريبه
فطامي: هلا فيك عليا ماردت بس ابتسمت ابتسامة توتر بومنصور وفطامي لاحظوا الجو المتوتر
بومنصور عليا فيج شي ؟
عليا :لا بس اليوم اول يوم
بومنصور:لا تحاتين راشد بيكون المسؤول عنكم اذا ماكنت موجود عليا تقول في خاطرها وهاللي بيخبلني بومنصور خلاص عيل كل واحد يسير مكتبه ومرام بدليكم مكاتبكم وبالتوفيق فطامي وعليا: ان شاء الله مشكور وماقصرت بومنصور
بومنصور: هذا واجب راشد مااوصيك على البنات
راشد: لاتوصى حريص …. ويطالع عليا
ظهرن من مكتب بو منصور وهم سايرين عند السكرتيره فطامي: علايه شو فيج استويتي قوس قزح؟
علايه: شو هالحظ النحس بعدين بخبرج السكرتيره تتريانا
فطامي:انزين لاتنسين
مرام: هلا فيكون صبايا انتو بتعرفو شركة بومنصور للمقاولات والعقارات العامه فيه عدت اقسام عليا بتكون في قسم الهندسه وفاطمة بتكون في قسم العقارات قسم على على اليمين وقسم فاطمه على اليسار وبتكوني مع فرح المسؤوله لمدة شهر وعليا بتكوني في قسم الهندسه مع المهندس راشد وهلا بفرجيكون على مكاتبكون
اول شي ودت فاطمه مكتب فرح لانها بتم معاها ودت عليا مكتب ثاني وبتكون مع وحده ثانيه مجابله مكتب راشد كل وحده عرفت وين بتكون ومع منو واللي معاهن يبين عليهن حبوبات وتموا يشرحون لهم طريق الشغل ومر اليوم الاول بسرعه وخلص الدوام وتلاقوا عليا وفطامي عند الاستقبال بعد فتره وصل محى الدين وركبوا السياره
فطامي: يلا خبريني شو استوى فيج في مكتب بو منصور؟
عليا وهى تتنهد تعرفين منو راشد؟
فطامي: هيه ولد المدير شو فيها
عليا: هذا اللي تضاربت وياه عند باتشي
فطامي: صدق عز الله فلحنا
علايه:وانا اشدراني انه بيكون ولد مديرنا ولا بيكون المسؤول عنا وبعدين هو الغلطان تبيني اسكت له
فطامي: قالج شي في المكتب ؟
عليا: لا يمكن ماتذكرني لان من سته شهور السالفه اكيد نساني ماقال شي بس نظراته غريبه فطامي: ان شاء الله مايتذكرج
عليا: خلاص شو بنسوي اقول محى الدين غير الاذاعه نحن مب ناقصين حزن
محى الدين :شو يريد؟
فطامي: حط الخليجيه
وصل محى الدين فطامي وهى تنزل من السياره فطامي لاتكدرين عمرج
عليا: لاتحاتين مااكدر عمرى عسب سالفه ماترزا لاتنسيتن باجر الساعه سبع ونصف اوكي فطامي: اوكي يلا باااااي ..

بعد ما وصلت عليا البيت سارت حجرتها بدلت ملابسها وصلت الظهر .


بيت بومنصور
راشد يالس مع اهله بومنصور,ام منصور, موزه حرمة اخوه وعيالها وخواته ميره ,نوره ومها و كانوا يتغدون ام منصور: راشد فديتك بلاك ماتاكل
راشد: تعبان شويه
بومنصور: لازم تتعب اتسوى شغلك وشغل منصور
ام منصور: هانت يانظر عيني يومين وبيرد منصور البلاد
ميره: يمكن حد مكدر خاطره
راشد: لا الغاليه قلنالج تعبان وبس
ام منصور: خلاص فديتك سير حط راسك وبيب لك الغدا في حجرتك
راشد: لا بسير ارقد وخلاف بتغدا
ام منصور: على هواك واذا بغيت شي خبرنا
راشد:ان شاء الله وسار حجرته

راشد يحاول يرقد وكل ماغمض يشوف عليا في خياله اووف انا شو فيني افكر فيها من شفتها وهى ساحرتني مع انى مااعرفها ولا شي دووم البنات اللي يتمنونى وانا افكر في وحده يمكن حتى ماتفكر فيني…

بعد مرور اكثر من اسبوعين على تواجد علايه وفطامي في الورك بليسنت كان راشد يعامل عليا بكل برود حتى عيونهم ماتتلاقا كان راشد دووم يتجنب عليا .. رد منصور الشركه من اسبوع راشد وكانوا مع بعض في المكتب
منصور: راشد عندنا بنات يدربن في الشركه؟
راشد:هيه بنتين وحده منهن ابويه يعرف ابوها وموصيني عليهن
منصور: عاد هذا اختصاصك رشود ويغمز له
راشد: لا والله تدري بي مايخصني عسب تسير وتخبر ابوها وافضح ابويه جدامه
منصور: ومن متى انت تحاتي هالشئ احيد على طول هب ريح ماشاء الله عليك
راشد: خلاص كبرنا على هالسوالف
منصور: علينا
راشد: حشرتنا يابويه خلنا في الشغل احسن
وتموا يتناقشون عن امور الشركه والسفره الاخيره لان منصور كان برع البلاد ويدور على معدات للشركه…

عليا ياربي ادش مكتبه ولا لأ بعدين ماحصوا غيري يودون الملفات يارب مايكون موجود في مكتبه دشت المكتب وقلبها يدق بسرعه وشافت انه مب موجود وقالت في خاطرها الحمد الله حطت الاوراق وشافت صورة بنت صغيره معقوله معرس؟ البنت تشبهه وحست بالغيره فجأه سمعت صوته: عايبتنج الصوره؟
عليا مفتشله كيف ماسمعته وهو يدش المكتب عليا: اسمحلي وايد يعيبوني اليهال ماشاء الله عليها غاويه وتبتسم
راشد: لازم طالعه عليه وابتسم
اول مره يبتسمون حق بعض راشد يقول في خاطره ماحلاتها وهى تبتسم
عليا: خلاص عيل اسمحلي بسير المكتب
راشد: مسموحه قبل لاتسيرين بغيت اسال شو الشغل وياكم
عليا: الحمد الله اوكي
راشد: لاتنسين اذا بغيتي شي خبريني الوالد موصني عليكن
عليا: ان شاء الله وظهرت من مكتبه…..

يوم الاربعاء العصر كانت عليا في حجرتها تفكر في راشد هالاسبوع احلى اسبوع مر عليه اول مره يبتسم لي بس لو ظهر معرس كيف اسمح لنفسي افكر في واحد معرس سمعت حد يدق باب حجرتها عليا: منو؟ كانت بشكارتهم تقول ان ابوها يترياها في الصاله نزلت
عليا: هلا ابويه خير ان شاء الله
بوسعيد: هلا عليا لا سلامتج انا ساير العزبه بتين
عليا:ماادري متى بترد ؟
بوسعيد: يومين ورادين بدال يالسه في البيت روحج
عليا: خلاص عيل بزهب اغراضي وبرد ب
وسعيد: لا تبطين بترياج في السياره
عليا: ان شاء الله…
وصولوا العزبه حزة المغرب كانت عليا ترتب الاغراض رن تلفونها
كانت فطامي متصله عليا: هلا والله
فطامي: هلا فيج علايه وينج؟
عليا: انا في الذيد
فطامي: في الذيد شو تسوين
عليا: ماشي كنت ملانه ويت مع ابويه العزبه
فطامي: اونج تغيرين جو ههه
عليا: شو نسوي بعد
فطامي: كنا متفقين نتيمع في بيت عواشي خلاص بخبر الشله بنأجل الاجتماع
عليا:هههه اللي يسمعج يقول اجتماع مجلس الامم المتحده هههه
فطامي: هى بعد شو وناوين نحرر فلسطين بعد
عليا: ههه
فطامي:شو السالفه المزاج رايق هالاسبوع
عليا: الحمد الله
فطامي: علايه شو تحبين
عليا: بحب منو يعني
فطامي: حبيب القلب ناصر(ناصر يحب عليا من الصغر بس عليا ماتحبه وتعتبره شرات اخوها وهو دوم يحاول يتقرب منها بس ماتعطيه مجال)
علايه: دخيلج لاتذكريني فيه
فطامي: ولد عمج لازم تذكرينه
عليا: بسكر لاني برتب الاغراض
فطامي: سوري علايه كنت امزح معاج لاتزعلين وغنت ان زعلت برضيك وكل عمري فداك
عليا: خلاص اذا سمعج عيضه بيعتزل ههه
فطامي: خلاص عيل بخليج وديري بالج على عمرج
عليا: اوكي وانتي بعد يلا باي
فطامي :باي حبي…

بعد يومين

ردت عليا الشارجه ومر الاسبوع الرابع في فترة التدريب وتبادلوا الاماكن عليا سارت مكتب فطامي وفطامي يت مكان عليا
كانت عليا مب مرتاحه ذاك الزود من مكانها وتتمنى انها ترد لمكتبها الأولي لانها مابتشوف راشد وايد كانت على الاقل تشوفه.
حتى راشد تكدر يوم عرف انها سارت القسم الثاني ويفكر اكيد تتحراني نسيتها وكتب هالابيات

خل ملـكني بالـوداد وهويته واصبحت من حبه متيم ومفـتون
حاز الغلا بالقلب من يوم ريته وصارت حياتي من عرفته لها لون
الصاحب اللي مادقايق نسيته طيـفه يراودني وترجيه لعـيون
أشتاق له والشوق لوني خفيته بين بعيني للملا سـر مكنـون
يرتاح بالي ياملا كان جيتـه وايبش له قلبي ولو كان محـزون

*** قصيده للشاعر سعيد بن سهيل الراشدي

رشوووود
راشد: بسم الله الرحمن الرحيم من وين ظهرت
عبدالله: ههه بلاك ياريال دقيت الباب بس كنت في عالم ثاني
راشد: عنبو هاللي مايخلي الواحد يسرح
عبدالله: كنت سرحان في منو
راشد:مايخصك خير اشوفك يايني الشركة شو عندك؟
عبدالله: شو نسيت انت ماكنت محتشر وتبا الاوراق يبت لك هذا يزاي يعني
راشد: اوه صدق نسيت تسلم لي الغالي
عبدالله: خلاص عيل بترخص
راشد: على وين اصبر دقايق وبنظهر رباعه بنتغدا برع شو رايك
عبدالله: انزين بسير بسلم على ابوك ومنصور وبرد لين ماتخلص شغلك
راشد: انزين …..

عبدالله ظهر من مكتب راشد وهو يمشي فتح الباب اللي يودي قسم الثاني بقوه وماانتبه على فطامي وهى شاله ملفات وطاحوا من ايدها
عبدالله: اسمحيلي الشيخه ماشفتج
فطامي: لاعادي حصل خير وهى تحاول ترتب الملفات وتم عبدالله يساعدها
عبدالله: السموحه مره ثانيه ماانتبهت
فطامي: ماعليه والغلطه مني بعد لاني شليت ملفات وايده
ابتسمت وكملت دربها عبدالله تم واقف مكانه وماتحرك شافه راشد: سلمت على ابويه ومنصور
عبدالله: شو ؟لا ماحصلتهم
راشد: بلاك بوحميد
عبدالله: ماشي يلا نظهر تراني ميت من اليوع
راشد وهو يضحك عيل اليوع اللي مسوي بك جذه ..
وساروا المطعم وطلبوا لهم الغدا راشد: بوحميد اشوفك ماتاكل
عبدالله: لاعادي وسأل عندكم غزلان في الشركه
راشد: غزلان؟ عبدالله يسوي عمره مب مهتم شفت موظفه يديده اليوم
راشد: هيه عندنا بنتين يدربن في الشركه
عبدالله: لين متى؟
راشد: باقي لهن اسبوعين تقريبا عبدالله وهو يحاول يسوى عمره عادي يبا يعرف كل شي عنها بس استحى يقول حق راشد عن يفهمه غلط وكمل اكله..

وين هالغيبة نتريا تكملة القصة حلوة وتستاهل المتابعة